Oseas 10:12 - DIOSPA QHELQACHISQ

¹² Paykunata nerqani: Cheqan kaj ruwayta tarpuychej, munakuytataj oqharinkichej. Barbechota ruwaychej, imaraykuchus Tata Diosta mask'ana p'unchay chayamunña. Pay jamuspa qhespichisonqachej, chaytaj ch'aki jallp'apaj para jina kanqa.

Qheshwa Biblia DC

¹² Paykunaman nerqani: Allin cheqa kajta tarpuychej, munakuy cosechata oqhariychej. Wakichiychej jallp'ata watejmanta tarpunaykichejpaj, imaraykuchus Señorta mask'ana tiempoña, pay jamunankama apamuspa qankunaman salvacionmanta parata.

DIOSPA QHELQACHISQAN DEUTEROCANONICAL

¹² Paykunata nerqani: Cheqan kaj ruwayta tarpuychej, munakuytataj oqharinkichej. Barbechota ruwaychej, imaraykuchus Tata Diosta mask'ana p'unchay chayamunña. Pay jamuspa qhespichisonqachej, chaytaj ch'aki jallp'apaj para jina kanqa.

Oseas 10:12 ပူးပေါင်းရင်းမြစ်များ

Salmos 105:4

Tata Diosta mask'aychej, atiyninpitaj atinikuychej. Payta sapa p'unchay mask'allaychejpuni.

Salmos 72:6

Kuraj kamachejqa qhorata qarpaj para jina kachun, jallp'ata qarpaj chhulla jinallataj.

Proverbios 11:18

Millayta ruwajpa pagonqa qhasi manakajlla. Cheqan kajta ruwajrí sumaj t'inkata jap'enqa.

Proverbios 18:21

Runaj parlasqanqa atiyniyoj, runata kawsachinapaj manachayrí wañuchinapaj. Tukuy anchata parlajkunaqa uma nanayta tarikonqanku.

Eclesiastés 11:6

Tutamanta tarpuy, ch'isiyaykuytapis tarpullaytaj, imaraykuchus mayqen tarpusqaykichus astawan allin kananta mana yachankichu, chayrí iskayninchus allin kananta.

Isaías 30:23

Chaypacha Tata Dios parachimonqa tarpuna tiempopi, chay tarpusqaykichejtaj sumajta poqonqa. Uywaykichejpis sumaj q'omer pampakunapi michisqa kanqanku.

Isaías 31:1

Ay imallachus kanqa, pikunachus yanapata mask'aspa Egiptoman urayk'unku, chaykunapaj. Paykunaqa Egiptomanta caballokunapi atinikunku, maqanakunapaj ashkha carretakunapi, jinallataj wapu soldadokuna carretata apaychajkunapi ima. Chaywanpis manapuni Israelpa May Llimphu Kaj Diosninku yanapananta mañakunkuchu, nitaj Tata Diosta mask'ankuchu.

Isaías 32:20

qankunaqa kusisqa tiyakunkichej qarpanapaj ashkha yakuyoj tarpuna jallp'api. Burroykichej, wakaykichejwan ima sumaj pastopi michisqa kanqanku.

Isaías 44:3

Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

Isaías 45:8

Noqaqa janaj pachamanta justiciata parachimusaj. Phuyukuna, qankunapis cheqan kayta paramuychej. Jallp'apis kicharikuchun, chantá qhespichisqa kay p'utumuchun, justiciataj wiñachun. Noqa Tata Diosmin chaykunata ruwarqani.

Isaías 48:18

Kamachisqaytachus kasuwankiman karqa chayqa, allin kawsay qanpaj mayu jina puririnman karqa, justiciataj mama qochaj qhollchoqeyasqan jina kanman karqa.

Isaías 5:6

Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

Isaías 54:14

Cheqan kajwan sumaj sayachisqa kanki. Manaña ñak'arichisqachu kanki, manañataj manchachikunkichu, imaraykuchus manchachikoyqa manaña qanman qayllamusonqachu.

Isaías 55:6

Tata Diosta mask'aychej, kunan tarinapaj jina kashajtin. Qayllallapiraj kashajtin, Diosta wajyakuychej.

Jeremías 50:4

Tata Dios nin: Chay p'unchaypi israelitakuna, jinataj Judamanta kajkuna ima waqaspa Tata Diosninkuta mask'anqanku.

Ezequiel 34:26

Noqaqa ovejaykunata ajllakusqay orqoj muyuyninman churaykusaj, jinataj paykunata saminchasaj. Tiemponpi parachimusaj, chay parataj paykunapaj may allin kanqa.

Oseas 12:6

6 (7) Ajinaqa, Israel, Diosniykiman kutirikamuy. Cheqa kajta munakuy, cheqan kajtataj ruway, paypi atinikuspataj, suyakuypuni.

Oseas 14:1

Israel, Tata Diosniykiman kutirikuy juchallispa urmasqaykimanta.

Oseas 6:3

Tata Diosta rejsinapaj kallpakunachej. Payqa noqanchejman jamonqapuni, imaynatachus inti sapa p'unchay llojsimunpuni, ajinata, chayrí imaynatachus paray tiempo chayamojtin paraqa jallp'ata qarpanpuni, ajinata.

Oseas 8:7

Israelitakuna wayraman tarporqanku, oqharerqankutaj muyoj wayrata. Trigo chajra mana poqosqanrayku, jak'u mana kanqachu. Sichus poqonman chaypis, waj llajtayojkuna mikhukaponqanku.

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

Amós 5:4

Tata Diosqa israelitakunaman nillantaj: Noqaman kutirikamuwaychej kawsanaykichejpaj.

Amós 5:6

Tata Diosman kutirikamuychej, kawsanaykichejpaj. Manachus jinata ruwankichej chayqa, Tata Dios israelitakunaj patankuman ninata kachaykamonqa, Betelpitaj ninata thasnunanpaj mana pipis kanqachu.

Amós 5:8

Tata Diosmin Cabrilla nisqa ch'askakunata, Orión nisqa ch'askakunatawan ruwarqa. Payllataj tutata p'unchayman tukuchin, jinallataj p'unchaytapis laqhaman. Paymin mama qochamanta yakuta phuyuman tukuchispa, jallp'a pataman parachimun.

San Lucas 13:24

Atisqaykichejta ruwaychej Diospa kamachiyninman k'ullku punkunejta yaykunaykichejpaj, imaraykuchus Diospa kamachiyninman ashkha yaykuyta munanqanku, manataj atenqankuchu.

Hechos 2:18

Chay p'unchaykunallapitaj Espirituyta qosaj qhari kamachiykunaman, ajinallatataj warmi kamachiykunamanpis, paykunataj noqamanta sut'inchanqanku.

2 Corintios 9:10

Diosqa pichus tarpojman mujuta qon, pichus mikhojmanpis t'antata qon. Payllataj qankunamanpis tukuy imata qosonqachej, chaytataj mirachenqa, ajinamanta k'acha sonqoyoj kasqaykichejrayku wajkunata ashkhamanta yanapanaykichejpaj.

Santiago 3:18

Pikunachus runapura allin kawsayta mask'ajkunaqa chay allin kawsayta mujuta jina tarpunku, jinataj cheqan kawsayta poqoyta jina oqharenqanku.