Oseas 10:10 - DIOSPA QHELQACHISQ

¹⁰ Maypachachus munasaj, chaypachaqa paykunata jasut'isaj. Ashkha suyukunataj contranpi tantaykukonqanku, maypachachus millay ruwasqanmanta paykunata jasut'isaj, chaypacha.

Qheshwa Biblia DC

¹⁰ Kay ayllutaqa jasut'isaj munasaj chayqa, nacionespis contrampi tantaykukorqanku maypachachus jatun juchasninkumanta noqa jasut'ejtiy.

DIOSPA QHELQACHISQAN DEUTEROCANONICAL

¹⁰ Maypachachus munasaj, chaypachaqa paykunata jasut'isaj. Ashkha suyukunataj contranpi tantaykukonqanku, maypachachus millay ruwasqanmanta paykunata jasut'isaj, chaypacha.

Oseas 10:10 ပူးပေါင်းရင်းမြစ်များ

1 Reyes 12:28

Chayrayku yuyaychajninkunawan parlarikuspa, qorimanta iskay waka uña lantikunata ruwacherqa. Chantá israelitakunata nerqa: Ashkha kutitaña qankuna Jerusalenman rinkichej. Kaykunamin Egiptomanta orqhomoj diosniykichejkunaqa, nispa.

Job 39:10

K'ita toro llank'ananpaj yugota watayta atiwajchu? Chayrí tarpunaykipaj surk'ata ruwachiyta atiwajchu?

Isaías 1:24

Chayrayku, noqa Israelpa Tukuy Atiyniyoj Tata Diosnin kayta nini: Noqata chejnikuwajkunamanta cuentata mañasaj, awqaykunamantaj aynita kutichipusajpuni.

Jeremías 15:6

Qan saqerpariwarqanki, wasanchawarqankitaj. Noqa Tata Dios chayta nini. Chayrayku noqa makiyta oqharisaj jasut'isunaypaj, tukuchisunaypajtaj, imaraykuchus sapa kuti qanta khuyakuspa sayk'uniña.

Jeremías 16:16

Kunanrí ashkha runata kachasaj challwata jina qankunata jap'inankupaj. Chantá k'ita animalta jap'ejkunata kachallasajtaj tukuy orqokunapi, lomakunapi, jinataj chhanka k'ajllukunapipis qankunata jap'inankupaj.

Jeremías 21:4

Israelpa Diosnin Tata Diosqa kayta nisunki: Noqa soldadoykichejkunata qhepaman kutirichisaj, Babilonia soldadokunawan Caldeamanta soldadokunawan ima maqanakushajtiykichej. Soldadoykikunatataj kay llajta chawpipi tantaykusaj.

Ezequiel 16:37

Chayrayku noqaqa, pikunatachus munakusorqanku, chay tukuyta tantaykusaj, pikunatachus munakorqanki, chantá pikunatatajchus chejnikorqanki, chaykunata. Paykunata muyuyniykiman tantaykuspa, paykunaj rikunankuta q'alasqayki, q'alallata rikusunankupaj.

Ezequiel 16:42

Ajinata ruwaspa, phiñakuyniyta qanpi thasnukusaj, sonqoypis tiyaykaponqa. Sonqoy tiyaykojtintaj, manaña astawanpis phiñakusajchu.

Ezequiel 23:46

Chayrayku Tukuyta Kamachej Tata Dios kay jinata nin: Noqa chay warmikunaj contrankupi ashkha runata tantaykamusaj, mancharichinankupaj, tukuy imankutataj suwanankupaj.

Ezequiel 23:9

Chayrayku noqaqa payta asirio waynakunaman jaywaykorqani, mayqenkunawanchus sonqonta suwachikusqa, chaykunaman.

Ezequiel 5:13

Ajinata ruwaspa, k'araj phiñakuyniyta thasnukusaj. Tukuy phiñakuyniyta qankunawan pagachikusaj sonqoy tiyaykusqa kanankama. Phiñakuyniy tiyaykojtintaj, chaypacha yachankichej noqa Tata Dios qankunamanta celosakuspa chayta nisqayta, nispa.

Oseas 10:9

Tata Dios nin: Israelqa mana sayk'uspa juchallikullanpuni. Gabaapi juchalliyta qallarisqankumantapacha juchallispallapuni kashan. Chayraykumari maqanakupis Gabaapi millay ruwajkunata taripanqa.

Oseas 4:19

Chayrayku sinch'i wayra paykunata picharparenqa. Lantinkukunaman uywata q'olachispa jaywasqankuraykutaj p'enqaypi rikhurenqanku.

Oseas 4:9

Noqatajrí aylluyta, jinataj sacerdoteykunatapis chay ruwasqankuman jina jasut'isaj.

Oseas 8:1

Waqachiychej cornetata runakuna wakichikunankupaj. Aylluypa awqan anka jina jamurishan, imaraykuchus aylloyqa yachachisqayta mana kasuspa, tratoyta p'akisqanku.

Oseas 8:10

Waj suyukunaman t'inkakunata rak'irachun chaypis, noqa paykunata ch'eqerachisajpuni. Jinamanta pisi tiempota mana kuraj kamachejkuna nitaj kurajkunapis kanqachu,

San Mateo 22:7

Jinapi kuraj kamachejqa chayta uyarispa, anchatapuni phiñakusqa. Chayrayku uj tropa soldadokunata kachasqa, chay runa wañuchejkunata tukuchinankupaj, llajtankutataj ruphaykuchinankupaj ima.

Deuteronomio 28:63

Imaynatachus ñawpajta Tata Dios qanta yanapaspa, mirachispataj kusikorqa, ajinallatataj qanta tukuchispa, chinkachispa ima kusikonqa. Qanqa jap'inki, chay jallp'aman tiyakoj yaykunki chantá chaymanta qharqosonqa.