Oseas 1:2 - DIOSPA QHELQACHISQ

² Tata Diosqa Israel suyuman Oseasnejta parlayta qallarispa, kay jinata nerqa: Israel suyoqa noqamanta t'aqakuspa, khuchichakun. Ajinallataj qanpis riy warmillikamuy uj khuchi warmiwan, chay warmipi wawayojtaj kay, jinamanta khuchichakoj warmej wawankuna nisqa kanankupaj, nispa.

Qheshwa Biblia DC

² Señor kay jinata parlayta qallarerqa imastachus Oseasnejta willayta munasharqa chayta: Israel jallp'aqa qhenchachakun noqamanta t'aqakusqanrayku. Ajinallatataj qampis riy warmillikamuy uj sajra purej qhencha warmiwan, wawallikuytaj chay warmiwan, jinamanta qhencha warmej wawasnin kanqanku; nispa.

DIOSPA QHELQACHISQAN DEUTEROCANONICAL

² Tata Diosqa Israel suyuman Oseasnejta parlayta qallarispa, kay jinata nerqa: Israel suyoqa noqamanta t'aqakuspa, khuchichakun. Ajinallataj qanpis riy warmillikamuy uj khuchi warmiwan, chay warmipi wawayojtaj kay, jinamanta khuchichakoj warmej wawankuna nisqa kanankupaj, nispa.

Oseas 1:2 ပူးပေါင်းရင်းမြစ်များ

2 Crónicas 21:13

Aswanpis Israelta kuraj kamachejkuna jina ruwarqanki. Qanmin juchayoj kanki Judá, jinataj Jerusalenpi tiyakojkunapis Tata Diosta wasanchanankupaj, imaynatachus Ajabpa ayllun ruwarqa, ajinata. Jinallataj wawqeykikunata wañucherqanki, paykuna qanmanta nisqa aswan allin runa kajtinkupis.

Salmos 106:39

Ajinata ruwaspa, paykuna ch'ichichakorqanku, millay ruwasqankuwantaj khuchichakorqanku.

Salmos 73:27

Diosníy, qanmanta karunchakojkuna wañonqanku, qanta mana qhatisojkunatataj qan chinkarparichinki.

Jeremías 2:13

Aylloyqa iskay imakunata ruwaspa, juchallin: Noqa kawsaj juturi yaku jina kashajtiypis, saqerpariwarqanku. Chaymantataj paykunaqa waj qochata allakorqanku, yakuta mana sayachej qochata.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 2:23

Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

Jeremías 3:9

Israelqa imatachus ruwasqanta pujllakunata jinalla qhawaspa, tukuy suyuntinta ch'ichicharqa. Pay t'aqakuwaspa, rumikunata, k'ullukunatawan yupaychaj churakorqa.

Ezequiel 6:9

Waj suyuman apasqamanta ayqekojkunataj noqamanta yuyarikuwanqanku. Reparanqanku imaynatachus llakichiwasqankuta wasanchaj sonqonkuwan noqamanta karunchakuspa. Yachallanqankutaj imaynatachus llakikusqayta khuchichakoj ñawinkuwan lantinkukunata munapayasqankumanta. Paykuna kikinku tukuy millay ruwasqankumanta, chantá tukuy imaymana khuchiriyota ruwasqankumanta millachikonqanku.

Oseas 2:7

7 (9) Waynankunaj qhepankuta renqa, manataj taripanqachu. Mask'anqa, manataj tarenqachu. Chaypachataj nenqa: Kutipusaj ñawpa qosayman, imaraykuchus paywan aswan allin karqani kunanmanta nisqaqa, nispa.

Oseas 3:1

Tata Dios ujtawan nillawarqataj: Rispa, watej munakamuy waj qharej munakusqan khuchi warmiykita. Ajinatamin noqa Tata Dios israelitakunata munakuni, waj dioskunaj qhepankuta ripushajtinkupis, waj dioskunaman jaywasqanku mikhunata mikhushajtinkupis, nispa.

Oseas 5:3

Efrainta noqa rejsini. Payqa manamin mana rejsisqa jinachu noqapajqa. Efrainqa phisu warmi jina wajkunawan khuchichakorqa, Israelpis ch'ichichakullarqataj.

Marcos 1:1

Kayqa Diospa Churin Jesusmanta sumaj willay, pichus Cristo karqa, chaymanta.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

2 Pedro 2:14

Chay runakunaqa pi warmitapis qhawanku paywan puñuykuyta munaspa, juchallispataj, mana sajsakunkuchu. Chantá Cristopi mana tukuy sonqochu atinikojkunaj sonqonkuta suwaspa, paykunata juchallinaman aysanku. Jinallataj chay yachachejkuna tukuy imata munapayanankupaj churasqa kanku. Chayrayku paykuna Diospa maldicisqan kanku.

Apocalipsis 17:5

Jinallataj chay warmej mat'inpi uj suti qhelqasqa karqa, watuy mana atina suti: Jatun Babilonia, phisu warmikunaj mamanku, chantá kay pachapi tukuy millay kajpa maman, nispa.