Oseas 1:11 - DIOSPA QHELQACHISQ

¹¹ 11 (2.2) Chaypacha Judá suyumanta kajkuna, Israel suyumanta kajkunawan ujllaman tantakonqanku. Paykuna uj kamachejllata churakonqanku, chantataj tukuynejmanta Jerusalenman kutimponqanku. Jezrelpa p'unchaynenqa may yuyarisqamin kanqa.

Qheshwa Biblia DC

¹¹ Chaypacha, Judajpa runasnin jinataj Israelpa runasnimpis tantakonqanku, uj kamachej lata oqharikonqanku, tukuynejmanta Jerusalenman kutimponqanku. May jatunmin kanqa Jezreelpa chay p'unchaynenqa!

DIOSPA QHELQACHISQAN DEUTEROCANONICAL

¹¹ 11 (2.2) Chaypacha Judá suyumanta kajkuna, Israel suyumanta kajkunawan ujllaman tantakonqanku. Paykuna uj kamachejllata churakonqanku, chantataj tukuynejmanta Jerusalenman kutimponqanku. Jezrelpa p'unchaynenqa may yuyarisqamin kanqa.

Oseas 1:11 ပူးပေါင်းရင်းမြစ်များ

Salmos 110:3

Maqanakoj llojsinayki p'unchayta soldadoykikunaqa sonqomanta munaspa, qanwan khuska maqanakonqanku qanpaj t'aqakusqayki orqopi. Inti llojsimuyta kallpaykeqa chhullawan jina mosojyachisqa kanqa.

Jeremías 30:21

Chantá paykuna ukhumanta kuraj kamachejninku rikhurenqa, paytaj paykunata kamachenqa. Noqaqa payta qayllachimusaj, paytaj qayllamuwanqa. Pitaj noqaman payllamanta qayllaykamuwanmanri?

Jeremías 30:3

Uj p'unchay jamushan, chay p'unchaytaj Israelmanta, Judamantawan apasqa kajkuna llajtankuman kutimponqanku. Noqaqa paykunata ñawpa tatankuman qosqay suyuman kutichimusaj, chaypi tiyakunankupaj. Noqa Tata Diosmin chayta nini.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Jeremías 31:33

Aswan qhepamanrí Israelwan tratota ruwasaj, chay tratotaj kay jina kanqa: Kamachisqayta yuyayninkuman churasaj, sonqonkupitaj qhelqaykusaj. Noqa Diosninku kasaj, paykunataj aylluy kanqanku. Noqa Tata Diosmin chayta nini.

Jeremías 32:37

Kay llajtayojkunata tantaykusaj, maykunamanchus may sinch'i phiñakuyniypi paykunata ch'eqeracherqani, chay suyukunamanta. Chantá paykunata watej kay cheqaman kutirichimusaj, mana imamanta manchachikuspa kaypi tiyarikunankupaj

Jeremías 50:19

Israel aylluytarí tiyakunanku llajtaman kutichimusaj, chaypitaj ovejakuna jina sumaj pastota mikhonqanku Carmelopi, Basanpi, Efrainpa orqonpi, Galaadpi ima, nispa.

Ezequiel 39:25

Chayrayku noqa Tukuyta Kamachej Tata Dios nillanitaj: Kunanqa Jacobpa mirayninta kutichimpusaj. Israel ayllumantaqa tukuyninkumanta khuyakusaj, manataj may llimphu sutiyta ch'ichichanankuta saqesajchu.

Oseas 2:1

1 (3) Chaypacha qankuna wawqeykichejkunaman ninkichej: Diospa ayllun kankichej, nispa. Panaykichejkunamantaj ninkichej: Diospa khuyasqan kankichej, nispa.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Romanos 11:15

Sichus paykuna qhesachasqa kasqankurayku Diosqa tukuy runata qhespichiyta munarqa chayqa, judiokuna Diosman kutirikojtinku, imayna kusiypunitaj kanqari? Chayqa wañusqamantañapis kawsarimuy jina kanman.