Números 9:15 - DIOSPA QHELQACHISQ

¹⁵ Maypachachus israelitakuna Dioswan Tinkukuna Toldota sayaricherqanku chay p'unchay, phuyu toldota p'ampaykorqa. Chay phuyoqa ch'isiyaymantapacha sut'iyanankama Dioswan Tinkukuna Toldo patapi nina jina k'ancharqa.

Qheshwa Biblia DC

¹⁵ Ima diachus Dioswan tinkukuna toldota sayarichejtinku, chay diapacha phuyoqa trato ruwana toldota urphuykorqa. Ch'isiyaykuymantapacha uj nina k'anchay jina k'ancharqa Dioswan tinkukuna toldota sut'iyamunankama.

DIOSPA QHELQACHISQAN DEUTEROCANONICAL

¹⁵ Maypachachus israelitakuna Dioswan Tinkukuna Toldota sayaricherqanku chay p'unchay, phuyu toldota p'ampaykorqa. Chay phuyoqa ch'isiyaymantapacha sut'iyanankama Dioswan Tinkukuna Toldo patapi nina jina k'ancharqa.

Números 9:15 ပူးပေါင်းရင်းမြစ်များ

Nehemías 9:12

Chaymantataj israelitakunata pusarqanki p'unchayninpi phuyuwan llanthuykuspa, tutanpitaj nina k'anchaywan k'anchaykuspa.

Nehemías 9:19

Chaywanpis qan jatun khuyakuyniykirayku mana paykunata ch'in pampapi saqerparerqankichu. Llanthoj phuyoqa ñanninkuta pusaspa, manapuni paykunamanta p'unchayninpi t'aqakorqachu. Nitaj k'anchaypis tutanpi paykunamanta t'aqakullarqatajchu, purinanku ñanta k'anchaspa.

Salmos 105:39

Chaypacha Tata Diosqa israelitakunata llanthunanpaj phuyuchimorqa, ch'isintaj paykunata ninawan k'anchacherqa.

Salmos 78:14

P'unchaypeqa Dios uj phuyuwan paykunata pusarqa, tutantaj nina k'anchaywan.

Éxodo 13:21

Chantá ñanta rikuchinanpaj Tata Dios paykunaj ñawpaqenkuta rerqa, p'unchayqa chhoqo phuyupi, tutantaj ninapi, ajinamanta israelitakuna tuta p'unchay purinankupaj.

Éxodo 13:22

P'unchaypi chhoqo phuyoqa paykunaj ñawpaqenkuta rillarqapuni, tutantaj nina k'anchayñataj ñawpaqenkuta rillarqataj.

Éxodo 14:24

Tata Diostajrí, sut'iyamuy qayllata, phuyu ukhumanta, nina k'anchay ukhumantawan Egiptomanta soldadokunata qhawamorqa. Chantá paykunata pawicherqa.

Éxodo 40:2

Wata qallariy killapi, killa qallariy p'unchayta Dioswan Tinkukuna Toldota sayachinki.

Éxodo 40:34

Chantá Dioswan Tinkukuna Toldota phuyu p'ampaykorqa, Tata Diospa jatun kayninpa lliphipiynintaj toldoman junt'aykorqa.

Éxodo 40:35

Chayraykumin Moisesqa chayman mana yaykuyta aterqachu, imaraykuchus tukuyninta phuyu p'ampaykorqa. Tata Diospa jatun kayninpa lliphipiynintaj toldoman junt'aykorqa.

Éxodo 40:38

P'unchayqa Tata Diospa phuyun Dioswan Tinkukuna Toldo patapi karqa, tutantaj nina k'anchay karqa. Ajinata israelitakunaqa tukuy puriyninkupi sapa p'unchay phuyuta, ninatawan rikorqanku.

Isaías 4:5

Chantá Tata Dios tukuynin Sión orqota, tantasqa runakunatapis p'unchaypi phuyuwan llanthuykonqa, tutantaj q'oshñita, nina lawray k'anchayta ima rikhurichenqa. Patapitaj Tata Diospa jatun kayninpa lliphipiynin qhatana jina paykunapaj kanqa.

Números 10:34

P'unchayninpi paykuna purirejtinkukama, Tata Diospa phuyun patankuta risharqa.

Números 14:14

Canaanpi tiyakojkunaman willanqanku. Paykuna yachanku qanqa israelitakunawan kashasqaykita. Yachallankutaj qan israelitakunawan uyapura parlasqaykita, phuyuykipis paykunaj patankupi kashasqanta. Yachallankutaj p'unchayqa israelitakunaj patankuta phuyupi risqaykita, tutantaj nina k'anchay ukhupi paykunata pusasqaykita.

Números 17:7

7 (22) Chaymanta Moisesqa tukuy varakunata Dioswan Tinkukuna Toldopi Tata Diospa ñawpaqenman churarqa.

1 Corintios 10:1

Munasqa wawqe panakuna, noqa munani qankuna yuyarikunaykichejta ñawpa tatanchejkuna ch'innejta rishajtinku imachus kasqanta. Paykunaqa tukuyninku phuyoj llanthusqan risqanku, tukuyninkutaj Puka Mama Qochata ch'aki pampata jina chimpasqanku.

Deuteronomio 1:33

Payqa ñawpaqeykichejta rispa, maynejpichus jarakunaykichejta qhawarqa. Tutaqa ninawan k'anchaspa, maynintachus rinaykichejta rikuchisorqachej, p'unchaytaj phuyuwan.