Números 9:13 - DIOSPA QHELQACHISQ

¹³ Chaywanpis sitajchus pipis llimphupaj qhawasqa kashaspa, nitaj ñan puriypipis kashaspa, Pascuata mana ruwanmanchu chayqa, Israel ayllu ukhumanta chinkachisqa kachun. Chay kikin p'unchaypi Tata Diosman jaywanata mana jaywasqanrayku, chay runa juchachasqa kanqa.

Qheshwa Biblia DC

¹³ Chanta pichus, llimphu kashaspa, nitaj puriypipis kashaspa Pascuata mana ruwankuchu chayqa, ayllusnimpa chaupinmanta chinkachisqa kachun. Chay kikin diapi Señorpaj rikuchikuta mana jaywasqanrayku, chay runaqa juchachasqa kanqa.

DIOSPA QHELQACHISQAN DEUTEROCANONICAL

¹³ Chaywanpis sitajchus pipis llimphupaj qhawasqa kashaspa, nitaj ñan puriypipis kashaspa, Pascuata mana ruwanmanchu chayqa, Israel ayllu ukhumanta chinkachisqa kachun. Chay kikin p'unchaypi Tata Diosman jaywanata mana jaywasqanrayku, chay runa juchachasqa kanqa.

Números 9:13 ပူးပေါင်းရင်းမြစ်များ

Génesis 17:14

Pichus mana circuncidasqa kajrí, qankuna ukhumanta wijch'usqa kanqa, trato ruwasqayta mana kasusqanrayku, nispa.

Éxodo 12:15

Qanchis p'unchayta mana levadurayoj t'antata mikhunkichej. Ajinaqa, raymi qallariymantapacha wasiykichejpi manapuni levadura kananchu tiyan. Pillapis chay qanchis p'unchaypi levadurayoj t'antata mikhojqa israelitakuna ukhumanta wijch'usqa kanqa.

Éxodo 12:19

Qanchis p'unchayta wasiykichejpi mana levadura kananchu tiyan. Sichus pipis levadurayojta imatapis mikhunman chayqa, pay israelitakuna ukhumanta wijch'usqa kanqa, Israel llajtayoj kachun, chayrí waj llajtayojpis.

Éxodo 12:47

Tukuy israelitakuna Pascua raymita ruwanaykichej tiyan.

Éxodo 30:33

Pillapis kay aceiteman rijch'akojta ruwajqa, chayrí kay aceitewan pitapis jawejqa israelitakuna ukhumanta wijch'usqa kanqa, nispa.

Éxodo 30:38

Sichus mayqellanpis kay inciensota jina q'aparichikunanpaj ruwanqa chayqa, israelitakuna ukhumanta wijch'usqa kanqa, nispa.

Ezequiel 23:49

Chay iskay warmikunaqa khuchi kawsaypi purisqankumanta jasut'isqa kanqanku, lantikunata yupaychaspa juchallisqankumantawan. Ajinata ruwasqayrayku paykuna yachanqanku noqa Tukuyta Kamachej Tata Dios kasqayta, nispa.

Levítico 17:10

Tata Dios israelitakunata nillarqataj: Sichus uj israelita, chayrí qankunawan tiyakoj waj llajtayojpis yawarta mikhunman chayqa, noqa paypa contranpi sayaykusaj, chantá ayllun ukhumanta payta chinkachisaj.

Levítico 17:4

Dioswan Tinkukuna Toldo punkuman apamuspa ñak'anan tiyan Tata Diosman jaywanapaj. Sichus jaramanta jawapi, chayrí jara ukhupi ñak'anman chayqa, runa wañuchipis kanman jina juchachasqa kanqa. Chayrayku llajtanmanta chinkachisqa kanqa.

Levítico 20:20

Sichus pillapis tionpa warminwan puñuykunman chayqa, tionta p'enqaypi rikhurichin. Iskayninku juchallisqankumanta jasut'isqa kanqanku, mana wawayojtaj wañonqanku.

Levítico 22:9

Niy paykuna kamachisqayta junt'anankuta, ama chaykunarayku juchallinankupaj, nitaj kamachisqayta pisipaj qhawasqankurayku wañunankupaj. Noqamin Tata Dios kani, pichus paykunata noqapaj t'aqakorqani, chay.

Levítico 24:15

Jinallataj israelitakunata niy: Pillapis Diosninpa sutinta maldicejqa juchanmanta wañuchisqa kanqa.

Números 19:13

Sichus pipis ima ayata llankhaspa, mana llimphuchakonqachu chayqa, Tata Dioswan Tinkukuna Toldota ch'ichichan. Chayrayku chay runaqa israelitakuna ukhumanta wijch'usqa kanqa, paypa patanman llimphuchakuna yaku mana ch'ajchusqa kasqanrayku. Payqa mana llimphupaj qhawasqa kanqa, ch'ichi kasqantaj patanpi kanqa.

Números 19:20

Sichus mana llimphupaj qhawasqa runa mana llimphuchakonqachu chayqa, llajtanmanta chinkachisqa kanqa, Tata Dioswan Tinkukuna Toldota ch'ichichasqanrayku. Chay runaqa llimphuchakuna yakuwan mana ch'ajchusqa kasqanrayku, mana llimphupaj qhawasqa kanqa.

Números 5:31

Qosanqa mana juchayojchu kanqa. Warmitajrí wasancharqapuni chayqa, juchallisqanmanta ñak'arichisqa kanqa, nispa.

Números 9:7

Chayaspataj, Moisesta nerqanku: Noqaykoqa wañusqata llankharisqaykurayku mana llimphupaj qhawasqa kashayku. Chayraykuchu kunan israelitakunawan khuska Tata Diosman jaywanata jaywayta mana atiykuman? nispa.

Hebreos 12:25

Chayrayku allinta qhawakuychej, ama pichus parlawanchej, chayta qhesachanamanta. Sichus israelitakuna Moisespa parlasqanta mana uyariyta munasqankurayku jasut'isqapuni karqanku chayqa, imaynatataj noqanchej llusp'isunman sichus janaj pachamanta parlamojta qhesachasunman chayri?

Hebreos 2:3

Ajina kajtenqa, sichus noqanchejman kunan Dios qoshawanchej, chay jina ashkha valorniyoj qhespichiyta pisipaj qhawasunman chayqa, imaynatataj jasut'iyninmanta llusp'isunmanri? Chay qhespichiymanta Tukuyta Kamachej Jesús ñawpajta willarqa, payta uyarejkunataj chay willasqan cheqapuni kasqanta willallawarqanchejtaj.

Hebreos 6:6

Ajinata yachashaspapis, sichus ñawpa kawsayninkuman kutiripunkuman chayqa, manaña ujtawan Diosman kutirichisqa kayta atinkuñachu. Ajinata ruwaspaqa, Diospa Churinta paykuna kikinku watej cruzman chakatanku, ajinamanta runaj rikunanta p'enqaypi rikhurichispa.

Hebreos 9:28

Ajinallatataj Cristopis uj kutillata wañorqa, ashkha runaj juchanchejta pampachananpaj. Chaymanta qhepanejman pay ujtawan kay pachaman kutimonqa, manaña juchanchejrayku wañunanpajchu, manachayqa paypi atinikuspa suyajkunata qhespichinawanchejpaj.