Números 8:26 - DIOSPA QHELQACHISQ

²⁶ Chaymanta qhepamanqa paykunaj qhepankuta yaykojkunataña Dioswan Tinkukuna Toldota qhawanapi yanapanqanku. Chaywanpis paykunaqa imachus ruwanankuta manaña ruwanqankuchu. Ajinata levitakunata kamachinki, nispa.

Qheshwa Biblia DC

²⁶ Chaymanta qhepamanqa paykunamanta qhepaman yaykumojkunatañataj yanapanqanku Dioswan parlana toldopi imastachus ruwashanku chaypi, jinamanta paykunaqa mana chay wakinkuna jinañachu ruwanqanku. Ajinata levitastaqa kamachinki ruwanankuta.

DIOSPA QHELQACHISQAN DEUTEROCANONICAL

²⁶ Chaymanta qhepamanqa paykunaj qhepankuta yaykojkunataña Dioswan Tinkukuna Toldota qhawanapi yanapanqanku. Chaywanpis paykunaqa imachus ruwanankuta manaña ruwanqankuchu. Ajinata levitakunata kamachinki, nispa.

Números 8:26 ပူးပေါင်းရင်းမြစ်များ

1 Crónicas 23:32

Ajinallatataj paykunaqa Dioswan Tinkukuna Toldota, Diospaj T'aqasqa nisqa cheqatapis qhawanankupaj churasqa karqanku. Ajinata Tata Diospa Templonpi imachus ruwanankuta ayllu masinku Aaronpa mirayninmanta kajkunawan ruwananku karqa.

Ezequiel 44:11

Levitakunaqa Temploypa punkunta qhawanankupaj churasqa kanqanku, jinallataj Temploypi imachus ruwanata ruwanqanku. Jinallataj paykuna ninapi q'olachispa jaywana uywakunata ñak'anqanku, chantá runakunaj apamusqanku jaywanakunatapis jaywanqanku. Ajinaqa tukuy runata yanapanankupaj wakichisqa kananku tiyan.

Ezequiel 44:8

Temploypi noqata yupaychanapaj imachus ruwanata mana qankuna junt'ankichejchu. Astawanpis waj llajtayojkunata chay imakunata ruwanankupaj churarqankichej.

Números 1:53

Levitakunaqa Dioswan Tinkukuna Toldoj muyuyninpi jarakonqanku, toldota qhawanankupaj, ama Tata Dios israelitakunaj contranta phiñakunanpaj, nispa.

Números 18:4

Levitakunaqa qanta yanapasonqanku, jinataj Dioswan Tinkukuna Toldopi imachus ruwanata ruwanqanku. Chaywanpis Leví jatun ayllumanta mana kajqa manapuni qayllamuyta atenqachu.

Números 3:32

Levitakunaj kuraj kaj kamachejninkoqa sacerdote Aaronpa churin Eleazar karqa. Payqa Dioswan Tinkukuna Toldota qhawajkunata qhawananpaj churasqa karqa.

Números 31:30

Israelitakunaman chayajmantataj kikillantataj sapa phishqa chunkamanta ujta t'aqankichej: Runakunamanta, wakakunamanta, burrokunamanta, ovejakunamanta, ima uywachá tiyan, chaykunamanta. Chaytataj Tata Dioswan Tinkukuna Toldopi imachus ruwanata ruwashanku, chay levitakunaman qonki, nispa.

Números 8:25

Phishqa chunka watayoj kashaspataj, imachus ruwanankumanta sayaponqanku.

1 Timoteo 4:15

Chaykunata allinta ruwanaykipaj sonqoykita churay. Ajinata ruwajtiyki tukuy rikonqanku Diospi atinikunapi maykamachus wiñasqaykita.