Números 8:11 - DIOSPA QHELQACHISQ

¹¹ Chantá Aaronqa israelitakunaj sutinpi ikhasqa jaywanata jina levitakunata Tata Diosman jaywanqa. Ajinamanta levitakunaqa noqapaj t'aqasqa kanqanku.

Qheshwa Biblia DC

¹¹ Aaronqa levitasqa rikuchikuta jina noqapaj t'aqanqa israelitaspa cuentanmanta. Ajinamanta levitasqa noqaj kamachiypi kanqanku.

DIOSPA QHELQACHISQAN DEUTEROCANONICAL

¹¹ Chantá Aaronqa israelitakunaj sutinpi ikhasqa jaywanata jina levitakunata Tata Diosman jaywanqa. Ajinamanta levitakunaqa noqapaj t'aqasqa kanqanku.

Números 8:11 ပူးပေါင်းရင်းမြစ်များ

Éxodo 29:24

Chantá tukuyninta Aaronpa makinman, jinallataj churinkunaj makinman ima churanki. Paykunataj ikhaspa, Tata Diosman jaywanqanku.

Levítico 7:30

Chay k'achata kawsakuy jaywanatataj q'olachispa Tata Diosman jaywananpaj, paypuni apamonqa. Qhasqonpi wirata, chantá qhasqontawan ima apamuspa, Tata Diospa ñawpaqenpi uywaj qhasqonta ikhaspa jaywanqa.

Levítico 7:34

K'achata kawsakuy jaywanata israelitakuna noqaman qowasqankumantaqa qhasqonta, piernantawan noqa t'aqani, sacerdote Aaronpaj, mirayninpajwan. Chaykunaqa wiñaypaj paykunapajpuni kanqa, nispa.

Levítico 8:27

Chantá chay tukuyta Aaronman, churinkunaman ima jaywarqa, paykuna Tata Diosman ikhasqa jaywanata jaywanankupaj.

Levítico 8:29

Chantá Moisés uywaj qhasqonta oqharerqa, ikhaspataj, Tata Diosman jaywarqa. Tata Diospa kamachisqanman jina, Diospaj t'aqasqa kanapaj jaywasqa corderomanta qhasqon Moisespaj kanan karqa.

Números 6:20

Chantá sacerdoteqa chay tukuy imata, watej nazareoj makinmanta jap'ispa, ikhaspa Tata Diosman jaywanqa. Jinallataj uywaj qhasqonta, chantá wasantapis jaywallawanqataj. Tukuy Diospaj t'aqasqa jaywanaqa sacerdotepaj kanqa. Chaymantaraj Diospaj t'aqasqa karqa, chay runa vinota ujyayta atenqa.

Deuteronomio 10:8

Chaypacha Tata Diosqa Leví jatun aylluta ajllakorqa Dioswan trato ruwasqa arcata apaykachanankupaj, jinallataj Tata Diospa ñawpaqenpi imachus ruwanankuta ruwanankupaj, chantá sutinpi israelitakunata saminchanankupaj ima. Chayta kunankama ruwashallankupuni.