Números 6:25 - DIOSPA QHELQACHISQ

²⁵ Tata Dios qanta allin ñawiwan qhawasuchun.

Qheshwa Biblia DC

²⁵ Señorqa qanman k'anchayninta k'anchamusuchun, khuyakuynintataj rikuchisuchun.

DIOSPA QHELQACHISQAN DEUTEROCANONICAL

²⁵ Tata Dios qanta allin ñawiwan qhawasuchun.

Números 6:25 ပူးပေါင်းရင်းမြစ်များ

Génesis 43:29

Chantá José muyuyninta qhawarispa, Benjaminta rikorqa, piwanchus uj mamayoj, uj tatayojlla karqanku, chayta. Chantá nerqa: Kaychu sullk'aykichejqa, pimantachus willawarqankichej, chay? Wawáy, Tata Dios yanapasuchun, nispa.

Salmos 119:135

Noqataqa allin ñawiwan qhawaway, kamachisqaykitataj yachachiway.

Salmos 21:6

6 (7) Wiñaypaj payta samincharqanki, paywan kaspataj, kusiywan sonqonta junt'acherqanki.

Salmos 31:16

16 (17) Khuyakuyniykiwan noqa kamachiykita qhawariway, munakuyniykiraykutaj qhespichiway.

Salmos 4:7

7 (8) Qanmin jatun kusiyta qowarqanki, pikunachus ashkha trigoyoj, ashkha vinoyoj ima kaspa kusikunku, chaykunamantapis astawanraj.

Salmos 67:1

1 (2) Diosniyku, noqaykumanta khuyarikuwayku, saminchawaykutaj, allin ñawiwantaj qhawawayku.

Salmos 80:19

19 (20) Tukuy Atiyniyoj Tata Dios, ñawpajta imaynachus kasqaykuman kutichiwayku. Allin ñawiwan qhawariwayku, noqaykutaj qhespichisqa kasqayku.

Salmos 80:7

7 (8) Tukuy Atiyniyoj Diosniyku, ñawpajta imaynachus kasqaykuman kutichiwayku. Allin ñawiwan qhawariwayku, noqaykutaj qhespichisqa kasqayku.

Salmos 86:16

Noqata qhawarimuway, khuyarikuwaytaj. Kallpachaway, qhespichiwaytaj, imaraykuchus kamachiykej wawan kani.

Éxodo 33:19

Tata Diostaj kuticherqa: Noqa tukuy k'acha kasqayta ñawpaqeykipi rikuchisqayki, uyarinaykitataj sutiyta oqharisaj. Noqa khuyakusaj pitachus khuyakuyta munasqayta, yanapasajtaj pitachus yanapayta munasqayta.

Daniel (hebreo) 9:17

Tukuyta Kamachej Diosniyku, mañakusqayta uyariway. Sutiykirayku, munakuyniykiraykutaj khuyarispa, imaynachus Temployki phirisqa, ch'inyachisqataj kasqanta qhawariy.

Malaquías 1:9

Sacerdotekuna, Diosmanta mañakuychej khuyasunaykichejta. Chaywanpis, sichus chay jina ofrendata payman jaywankichej chayqa, ama yuyaychejchu Dios uyarinasuykichejta. Noqamin Tukuy Atiyniyoj Tata Dios chayta nini.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

Romanos 1:7

Noqa kay cartata Roma llajtapi Diosta qhatejkunaman apachimuykichej. Qankunaqa Diospa munakusqan kankichej, Diospaj t'aqasqa kanaykichejpaj wajyasqataj. Kunantaj napaykuykichej: Tata Diosninchejpa, chantá Tukuyta Kamachej Jesucristojta qhasilla k'acha yanapayninku, sonqo tiyaykuyninku ima qankunawan kachun.