Números 6:24 - DIOSPA QHELQACHISQ

²⁴ Tata Dios saminchasuchun, waqaychasuchuntaj.

Qheshwa Biblia DC

²⁴ Señorqa bendicisuchun, waqaychasuchuntaj.

DIOSPA QHELQACHISQAN DEUTEROCANONICAL

²⁴ Tata Dios saminchasuchun, waqaychasuchuntaj.

Números 6:24 ပူးပေါင်းရင်းမြစ်များ

Génesis 28:15

Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

2 Samuel 7:29

Kunanqa aylluyta saminchay qanpa ñawpaqeykipi wiñaypaj kanallanpajpuni. Qan, Tukuyta Kamachej Tata Diosníy, niwarqanki: Qanpa mirayniykeqa wiñaypaj saminchasqa kanqa, nispa.

Salmos 134:3

Janaj pachata, kay pachatawan ruwaj Tata Diosqa Sión orqomantapacha qanta saminchasuchun.

Salmos 17:8

Ñawi papaykita jina waqaychaway. Lijraykej uranpi ojllaykuspa pakaykuway.

Salmos 28:9

Tata Dios, aylluykita qhespichiy, qanpata kajkunatataj saminchay. Paykunata ovejata jina michiy, ichurikuspataj, wiñaypaj paykunata apaykachay.

Salmos 91:11

Payqa angelninkunata kamachenqa, maymanpis rejtiyki waqaychasunankupaj.

Isaías 27:3

Noqa Tata Dios chay huertata qhawani, sapa kutitaj qarpani. Tuta p'unchay waqaychani, ama pipis imanananpaj.

Isaías 42:6

Noqa Tata Dios qanta wajyarqayki munayniyman jina cheqan kajta ruwanaykipaj. Makiykimanta jap'isqayki, noqataj waqaychasqayki. Qanta runakunawan trato ruwasqay kanaykipaj churayki, tukuy suyupajtaj k'anchay jina kanaykipaj.

Daniel (hebreo) 9:17

Tukuyta Kamachej Diosniyku, mañakusqayta uyariway. Sutiykirayku, munakuyniykiraykutaj khuyarispa, imaynachus Temployki phirisqa, ch'inyachisqataj kasqanta qhawariy.

San Juan 17:11

Noqa manaña kay pachapichu kasaj. Paykunataj kay pachapi qhepakonqanku, noqatajrí qanman jampusaj. May llimphu kaj Tatáy, noqapi atinikojkunata atiyniykiwan waqaychay, paykuna uj sonqolla kanankupaj, imaynatachus qanwan noqawan ujlla kanchej, ajinata.

1 Corintios 14:16

Qanchus espiritullaykiwan mana rejsisqa parlaypi Diosta yupaychawaj chayqa, imatachus nishasqaykita mana yachajkuna imaynatataj qanwan khuska Diosta jatunchankumanri? Chayrí, sichus imatachus nishasqaykita mana yachankumanchu chayqa, imaynatataj qanwan khuska Diosta pachis ninkuman?

Efesios 6:24

Diospa qhasilla k'acha yanapaynin kachun, pikunachus Tukuyta Kamachej Jesucristota mana tukukoj munakuywan munakunku, chaykunawan. Ajina kachun.

Filipenses 4:23

Tukuychanaypaj kayta niykichej: Tukuyta Kamachej Jesucristoj qhasilla k'acha yanapaynin tukuy qankunawan kachun, nispa.

Filipenses 4:7

Ajinamanta Dios chay mana unanchay atina sonqo tiyaykuyninta qosonqachej, chaytaj Cristo Jesusnejta sonqoykichejta, yuyayniykichejtawan waqaychanqa.

1 Tesalonicenses 5:23

Sonqo tiyaykuyta qoj Dios allintapuni qankunata llimphuchachun. Payllataj Tukuyta Kamachej Jesucristo kutimunanpaj tukuy kayniykichejta, espirituykichejta, almaykichejta, chantá ukhuykichejta ima waqaychachun mana k'aminapaj jina kanaykichejpaj.

1 Pedro 1:5

Diospi atinikusqaykichejrayku qankunapis Diospa atiyninwan waqaychasqallataj kankichej, tukuy imamanta qhespichisqa kanata jap'inaykichejkama. Chayqa qhepanejman rikuchisqa kananpaj wakichisqa kashan.

Judas 1:24

Uj k'ata Dios yupaychasqa kachun. Paymin qankunata waqaychasunaykichejpaj atiyniyoj ajinamanta ama urmanaykichejpaj, chantá may jina kusiywan jatun kayninpa ñawpaqenpi mana k'aminata rikhurichisunaykichejpaj ima.

Rut 2:4

Rut chaypi chajmashajtintaj, Boozqa Belén llajtamanta chajraman chayaykamuspa, ruthojninkunata napaykorqa: Tata Dios qankunawan kachun, nispa. Paykunataj kuticherqanku: Tata Diosqa qantapis yanapasuchun, nispa.

1 Samuel 2:9

Diosqa payta kasojkunaj puriyninkuta qhawan. Mana kasukojkunatajrí llakiywan ñit'isqa wañunku, imaraykuchus mana pipis kallpanraykullaqa atipanqachu.