Números 6:23 - DIOSPA QHELQACHISQ

²³ Aarontawan, chantá churinkunatawan ima niy: Israelitakunata saminchashaspa, kay jinata ninkichej:

DIOSPA QHELQACHISQAN DEUTEROCANONICAL

²³ Aarontawan, chantá churinkunatawan ima niy: Israelitakunata saminchashaspa, kay jinata ninkichej:

Números 6:23 ပူးပေါင်းရင်းမြစ်များ

Génesis 24:60

Kacharpayapushaspataj, Rebecaj ayllunmanta kajkuna ajinata nispa, samincharqanku: Panayku, ashkha wawaj mamanku kay. Mirayniykimanta kajkunataj awqankukunata atipachunku, nispa.

Génesis 47:10

Chaymanta Jacobqa faraonta saminchaytawan, manchay respetowan ñawpaqenmanta llojsiporqa.

Génesis 47:7

Chantá Joseqa tatan Jacobtañataj faraonman rejsichinanpaj pusarqa. Jacobtaj faraonta jatun respetowan napaykorqa.

Génesis 48:20

Chantá Jacobqa chay p'unchaypacha Efrainta, Manasestawan samincharqa: Israelitakuna qankunaj sutiykichejta oqharispa, wajkunata saminchanqanku, nenqankutaj: Dios qanwan ruwachun, imaynatachus Efrainwan, Manaseswan ruwarqa, ajinata, nispa. Ajinata Israelqa Efrainpa sutinta ñawpajta oqharerqa, Manasespa sutintataj qhepallata.

1 Reyes 8:55

Chantá tukuynin tantasqa israelitakunata jatunmanta parlaspa, paykunata samincharqa:

1 Crónicas 23:13

Amiranpa churinkunataj karqanku: Aaronwan, Moiseswan. Aaronqa t'aqasqa karqa Diosman jaywanapaj t'aqasqa kajta, jinataj inciensota Tata Diosman q'oshñichinanpaj, Tata Diospa sutinpi wiñaypaj saminchanankupaj ima. Chaykuna Aaronpata, chantá churinkunajtawan wiñaypaj ruwananku karqa.

2 Crónicas 30:27

Chaymantataj sacerdotekuna, jinataj levitakunapis sayarikuspa, chaypi kajkunata samincharqanku. Tata Diostaj paykunata uyarerqa, imaraykuchus mañakusqankoqa Diospa tiyakunan janaj pachakama chayarqa.

Éxodo 39:43

Moisestaj tukuy chaykunata qhawaspa, rikorqa Tata Diospa kamachisqanman jina ruwasqankuta. Chantá paykunata samincharqa.

Números 6:22

Tata Dios Moisesta nillarqataj:

Romanos 1:7

Noqa kay cartata Roma llajtapi Diosta qhatejkunaman apachimuykichej. Qankunaqa Diospa munakusqan kankichej, Diospaj t'aqasqa kanaykichejpaj wajyasqataj. Kunantaj napaykuykichej: Tata Diosninchejpa, chantá Tukuyta Kamachej Jesucristojta qhasilla k'acha yanapayninku, sonqo tiyaykuyninku ima qankunawan kachun.

1 Corintios 1:3

Tata Diosninchejmanta, jinataj Tukuyta Kamachej Jesucristomantawan qhasilla k'acha yanapayninku, sonqo tiyaykuyninku ima qankunawan kachun.

2 Corintios 13:14

Tukuyta Kamachej Jesucristoj qhasilla k'acha yanapaynin, Tata Diospa munakuynin, chantá Santo Espiritumanta jamoj k'acha kawsakuy ima tukuy qankunawan kachun. Ajina kachun.

Deuteronomio 10:8

Chaypacha Tata Diosqa Leví jatun aylluta ajllakorqa Dioswan trato ruwasqa arcata apaykachanankupaj, jinallataj Tata Diospa ñawpaqenpi imachus ruwanankuta ruwanankupaj, chantá sutinpi israelitakunata saminchanankupaj ima. Chayta kunankama ruwashallankupuni.

Deuteronomio 21:5

Chaymantataj Leví jatun ayllumanta sacerdotekuna qayllaykonqanku, imaraykuchus Tata Diosqa paykunata ajllarqa imachus ruwanata ruwanankupaj, chantá sutinpi runakunata saminchanankupaj ima. Chantapis paykunapuni quejanaku, chayrí ch'ajwachinaku kajtin, maychus kajta allinchanankupaj kashanku.

Deuteronomio 33:1

Diospa kamachin Moisés manaraj wañupushaspa, israelitakunata kay jinata samincharqa:

Hebreos 7:1

Melquisedecqa Salén sutiyoj llajtaj kuraj kamachejnin karqa, Patapi Kaj Diospa sacerdotentaj. Maypachachus Abraham maqanakuspa kuraj kamachejkunata atipasqanmanta kutimusharqa chaypacha, Melquisedecqa Abrahamta taripaj llojsimorqa, chantá payta samincharqa.

Hebreos 7:7

Tukuy yachanchej pichus saminchajqa aswan kuraj kasqanta saminchayta jap'ejmanta nisqaqa.

Josué 8:33

Chaymantaqa tukuy israelitakuna, waj llajtayojkuna ima, chantá kurajninkukuna, soldadokunata kamachejkuna, juezkuna ima Tata Diospa trato ruwasqan arcaj qayllanpi chimpapurantin sayarqanku, levita sacerdotekuna Diospa arcanta lijrasharqanku, chaykunaj ñawpaqenkupi. Chayqa Israel ayllu saminchasqa kananpaj karqa, Tata Diospa kamachin Moisés kamachisqanman jina. Khuskanqa Guerizín orqonejpi sayasharqanku, khuskantaj Ebal orqonejpi.

1 Pedro 1:2

Tata Diosqa qankunata ñawpajmantapacha ajllakusorqachej, wakichisqanman jina Santo Espiritunejta qankunata juchamanta t'aqaspa. Payqa Jesucristota kasunaykichejpaj churasorqachej, Jesucristo cruzpi wañusqanraykutaj llimphuchasqa kanaykichejpaj. Kunantaj napaykuykichej: Diosqa qhasilla k'acha yanapayninta, chantá sonqo tiyaykuyta ima qankunaman qochun, nispa.

2 Juan 1:3

Tata Diosmanta, paypa Churin Jesucristomantawan qhasilla k'acha yanapaynin, khuyakuynin, chantá sonqo tiyaykuynin ima qankunawan kachun. Ajina kachun, pikunachus cheqa kajman jina munakuspataj kawsakushankichej, chaykunawan.