Números 5:7 - DIOSPA QHELQACHISQ

⁷ Payqa juchanta rimarinan tiyan, chantá runa masinta mana allinta ruwasqanmanta tukuyninta kutichipunan tiyan. Chaymantaj phishqaman rak'ispa, ujnintawan yapaykuspa pagapunan tiyan.

Qheshwa Biblia DC

⁷ Chantapis chay runamanqa kikillantataj kutichipunan tiyan, chaymantaj yapapunan tiyan phishqamanta ujnin kajtawan, pejpa contrampichus juchallikusqanmanta.

DIOSPA QHELQACHISQAN DEUTEROCANONICAL

⁷ Payqa juchanta rimarinan tiyan, chantá runa masinta mana allinta ruwasqanmanta tukuyninta kutichipunan tiyan. Chaymantaj phishqaman rak'ispa, ujnintawan yapaykuspa pagapunan tiyan.

Números 5:7 ပူးပေါင်းရင်းမြစ်များ

Salmos 32:5

Chantá mana imatapis pakaspa, juchayta, millay ruwasqayta ima willakorqayki. Nerqani: Juchayta rimarisaj, nispa. Qantaj, Tata Dios, juchayta pampacharqanki.

Proverbios 28:13

Pichus juchanta pakajtaqa mana allinchu renqa. Pichus juchanta rimarispa saqejpatarí, juchan pampachasqa kanqa.

Levítico 26:40

Chaypacha qankuna, jinataj tataykichejkuna millayta ruwaspa purisqaykichejta rimarinkichej, wasanchawaspa noqaman sayaykuwasqaykichejtapis.

Levítico 26:41

Noqapis contraykichejpi oqharikuspa, awqaykichejpa llajtankuman wijch'usqaykichej. Ichapis ajinamanta sonqoykichej llamp'uyajtin, juchallisqaykichejta rejsikapuwajchej.

Levítico 5:15

Sichus pillapis mana reparakuspalla juchallinman, noqapaj t'aqasqa kajmanta jap'ikapuspa chayqa, juchallisqanmanta Tata Diosman jaywananpaj, ovejanmanta, mana iman imanasqa corderota apamunan tiyan. Chay cordero mashkhachus valesqantaqa, Dioswan Tinkukuna Toldopi precio churasqa kasqanman jina churankichej. Chayqa jucha pampachasqa kananpaj jaywanamin.

Levítico 5:16

Juchallejqa Tata Diospaj t'aqasqa kajta jap'ikapusqanmanta mashkhachus valesqanta kutichipunan tiyan. Chantá mashkhachus valesqanman sapa phishqamanta ujta yapaspa, sacerdoteman jaywanqa. Sacerdotetaj runaj juchan pampachasqa kananpaj, uywata ñak'aspa, Diosman jaywanqa. Ajinata ruwaspa, sacerdoteqa juchallejpata juchan pampachasqa kananta tarenqa. Chay runaj juchallisqantaj pampachasqa kanqa.

Levítico 5:5

Sichus pillapis chaykunata ruwaspa juchallinman chayqa, juchallisqanta rimarinan tiyan.

Levítico 7:7

Jucha pampachasqa kananpaj jaywanaqa, jucharayku jaywana jinallataj kashan, chayrayku jaywanapaj kamachisqakunaqa iskayninpaj kikillan kanqa. Jucha pampachasqa kananpaj jaywasqa uywaj aychanqa jaywaj sacerdotepaj kanqa.

Números 5:8

Sichus pimanchus pagapunan karqa chay runa wañupunmanña, nitaj pagapunanpaj pininpis kanmanchu chayqa, mashkhatachus pagapunan karqa, chayta Tata Diosman qopuspa sacerdoteman jaywanqa. Chay jawa juchan pampachasqa kananpaj, uj carnerotawan qonqa, sacerdote chayta Tata Diosman jaywananpaj.

San Lucas 19:8

Chantá Zaqueo sayarispa, Jesusta nerqa: Tukuyta Kamachej Jesús, tukuy kapuwasqanpa khuskanninta wajchakunaman qosaj. Sichus pimantapis ch'awkiyaspa imatapis suwarqani chayqa, tawa jinatawan kutichipusaj, nispa.

Josué 7:19

Chantá Josueqa Achanta nerqa: Wawáy, Israelpa Tata Diosninta jatunchaspa, imatachus ruwasqaykita ama pakaspa sut'inta willaway, nispa.