Números 4:15 - DIOSPA QHELQACHISQ

¹⁵ Maypachachus Aaronwan, churinkunawan ima tukuy chaykunata q'epichayta tukojtinku, jinataj puririnapaj jinaña kashajtinku, Coatpa churinkuna tukuy chaykunata apanankupaj jamonqanku. Chaywanpis paykunaqa Diospaj t'aqasqa imakunata ama llankhanqankuchu. Sichus llankhanqanku chayqa, wañonqanku. Ajinata Dioswan Tinkukuna Toldoj imankunata Coatpa churinkuna apanqanku.

Qheshwa Biblia DC

¹⁵ Aaronwan wawasninwan tukuy chay imasta q'epichayta tukojtinkutaj, ñanta puririnapaj wakichisqaña kajtin, Coatpa wawasnenqa jamuchunku tukuy chaykunata apanankupaj. Chaywampis paykunaqa amapuni llankharenqankuchu Diospaj ajllasqa imasta, manachayqa wañonqanku. Ajinata, Dioswan parlana toldoj imasninta Coatpa wawasnin apanqanku.

DIOSPA QHELQACHISQAN DEUTEROCANONICAL

¹⁵ Maypachachus Aaronwan, churinkunawan ima tukuy chaykunata q'epichayta tukojtinku, jinataj puririnapaj jinaña kashajtinku, Coatpa churinkuna tukuy chaykunata apanankupaj jamonqanku. Chaywanpis paykunaqa Diospaj t'aqasqa imakunata ama llankhanqankuchu. Sichus llankhanqanku chayqa, wañonqanku. Ajinata Dioswan Tinkukuna Toldoj imankunata Coatpa churinkuna apanqanku.

Números 4:15 ပူးပေါင်းရင်းမြစ်များ

2 Samuel 15:24

Sadocpis Diospa arcanta apajkuna levitakunawan khuska rillarqataj. Chantá Abiatarpa ladonman arcata saqerqanku tukuy runakuna llajtamanta llojsinankukama.

2 Samuel 6:13

Tata Diospa arcanta apamojkunaqa sojtata thaskejtinku, Davidqa uj torota, uj wira corderotawan ñak'aspa, Tata Diosman jaywarqa.

1 Reyes 8:3

Israelmanta tukuynin kurajkuna chayamojtinku, sacerdotekunaqa Diospa arcanta oqharerqanku, lijrariykukuspataj aparqanku.

1 Crónicas 15:15

Levitakunaqa Tata Dios Moisesnejta kamachisqanman jina, arcata lijrariykukuspa aparqanku.

1 Crónicas 15:2

Chantá kamacherqa: Leví jatun ayllumanta kajkunalla Tata Diospa arcanta apayta atinku. Tata Diosqa arcanta apanankupaj, chantá paypaj llank'aspa kanankupaj Leví jatun ayllullata ajllakun, nispa.

1 Crónicas 23:26

Chayrayku levitakunaqa Tata Diospa toldonta manaña apaykachanqankuchu, nillataj Diosta imawanchus yupaychanku, chaykunatapis, nispa.

Éxodo 19:12

Orqoj muyuyninman señalkunata churanki, ninkitaj ama ni pi orqoman wicharimunanta, nitaj señal churasqaykiman qayllaykunanta. Pichari orqoman qayllaykojqa wañuchisqa kanqa.

Éxodo 19:21

Chaymanta Tata Diosqa Moisesta nerqa: Urayk'uspa, runakunata nimuy noqata rikuwayta munaspa, señal churasqaykita amapuni pasanankuta. Pasankumanchus chayqa, ashkha wañunkuman.

Éxodo 27:7

Chantá chay k'aspikunataqa altarpa ninrinnejta pasachinki, altarpa sapa kantunpi kananpaj, chaymanta oqharispa, altarta wantunapaj.

Levítico 16:13

Chantá Tata Diospa ñawpaqenpi ninaman inciensota jich'aykonqa. Inciensoj q'oshñintaj Diospa trato ruwasqan arcaj kirpananta p'ampaykonqa. Ajinata ruwaspa Aarón mana wañonqachu.

Números 1:50

Tukuynin levitakunata churanki Dioswan Tinkukuna Toldota, chantá chaypi tukuy ima kajta qhawanankupaj. Paykunaqa Dioswan Tinkukuna toldota, chantá chaypi tukuy ima kajtawan mayman rispapis apanqanku. Dioswan Tinkukuna Toldopi imachus ruwanatapis paykuna ruwanqanku. Jinallataj paykunaqa toldoj muyuyninpi muyurisqata jarakonqanku.

Números 1:51

Dioswan Tinkukuna Toldota mayman apana kajtenqa, paykuna toldota phaskanqanku. Maymanchus chayaspataj, paykunallataj toldota sayarichenqanku. Sichus pillapis mana levita kaspalla chay toldoman qayllaykunman chayqa, wañuchisqa kanqa.

Números 10:21

Paykunaj qhepankuta Coatpata churinkuna Tata Diosta yupaychanapaj t'aqasqa imakunata oqharisqa purirerqanku. Paykuna chayanankupajqa Dioswan Tinkukuna Toldo ñapis sayarichisqaña karqa.

Números 18:3

Levitakunaqa qanpa kamachisqaykita Dioswan Tinkukuna Toldopi imachus ruwanata ruwanqanku. Chaywanpis Dioswan Tinkukuna Toldopi imakunachus tiyan, chantá altarman ima amapuni qayllanqankuchu, ama qankuna, nitaj paykunapis wañunankupaj.

Números 3:38

Dioswan Tinkukuna Toldoj ñawpaqenpi, inti llojsimuynejpi jarakorqanku Moiseswan, Aaronwan, chantá paypa churinkuna ima. Paykunaqa israelitakunaj sutinkupi Diospa tiyakunan cheqata qhawarqanku. Sichus pipis mana sacerdote kaspalla, sacerdotej ruwananta ruwanman karqa chayqa, wañuchisqa kanan karqa.

Números 4:14

Chay patanmantaj Diosman jaywanapaj imakunata churanqanku: Nina k'ajata oqharinata, trinchekunata, lampakunata, chuwakunata, chantá altarpata imanchá tiyan, chaykunatawan ima. Chaymantataj patanman tejón qaramanta ruwasqa qhatanatawan qhataykonqanku. Chantá oqharispa, wantunapaj k'aspita altarpa ninrinnejta pasachenqanku.

Números 4:19

Paykuna Diosllapaj t'aqasqa kajman qayllasqankurayku ama wañunankupaj kay jinata ruwanaykichej tiyan: Aaronwan, chantá churinkunawan ima Coatpa mirayninmanta sapa ujman imatachus apanankuta, chantá imatachus ruwanankuta ninanku tiyan.

Números 4:20

Chaywanpis paykunaqa Diosllapaj t'aqasqa imakunata qhawaj mana yaykunankuchu tiyan, ama wañuchisqa kanankupaj, nispa.

Números 7:9

Coatpa churinkunamanrí Moisés mana imatapis qorqachu, ni carretata, nitaj bueykunatapis, imaraykuchus paykunaqa Diospaj t'aqasqa imakunata lijraspa apananku karqa.

Deuteronomio 31:9

Moisesqa kay kamachisqata qhelqaspa, Tata Diospa trato ruwasqan arcata apajkuna Leví jatun ayllumanta sacerdotekunaman, chantá israelitakunaj tukuy kurajninkuman ima jaywarqa.

Josué 4:10

Tata Diospa trato ruwasqan arcata apaj sacerdotekunaqa Jordán mayu chawpipi sayasharqanku, Tata Dios Josueman imatachus kamachisqanta israelitakuna ruwayta tukunankukama. Tukuy imata Moisés Josueman imaynatachus kamachisqanman jina ruwarqanku. Israelitakunataj usqhay usqhayllata mayuta chimparqanku.

1 Samuel 6:19

Chaywanpis Bet Semes llajtapi tiyakojkunamanta wakinta Tata Dios wañucherqa, paypa arcan ukhupi imachus kasqanta rikuyta munaspa qhawaykusqankurayku. Chaypacha qanchis chunka runakunata wañucherqa. Chayrayku Bet Semespi tiyakojkunaqa Tata Dios chay chhikatapuni wañuchisqanmanta waqarqanku.