Números 35:2 - DIOSPA QHELQACHISQ

² Israelitakunata kamachiy: Jallp'ata jap'isqaykichejmanta levitakuna tiyakunankupaj llajtakunata qonkichej. Jinallataj chay llajtakunaj muyuyninpi uywa michinantinta qollankichejtaj.

DIOSPA QHELQACHISQAN DEUTEROCANONICAL

² Israelitakunata kamachiy: Jallp'ata jap'isqaykichejmanta levitakuna tiyakunankupaj llajtakunata qonkichej. Jinallataj chay llajtakunaj muyuyninpi uywa michinantinta qollankichejtaj.

Números 35:2 ပူးပေါင်းရင်းမြစ်များ

1 Crónicas 13:2

Chantá tukuy israelitakunata nerqa: Sichus qankunaman allin rijch'asunkichejman chayqa, Tata Diosninchejtaj munanqa chayqa, Israel suyupi tiyakoj tukuy wawqenchejkunaman willachinachej. Willachinallachejtaj tukuy llajtankupi kashaj sacerdotekunaman, levitakunaman, jinataj michinankupi kashajkunaman, noqanchejwan tantakunankupaj.

2 Crónicas 11:14

Levitakunaqa uywa michina jallp'ankuta, wasinkutapis saqespa, Judá suyupi Jerusalén llajtaman jamporqanku. Ajinata ruwarqanku imaraykuchus Jeroboanqa jinataj paypa qhepanta kamachej churinkunapis paykunata wijch'orqanku Tata Diospa sacerdoten kamachi ruwanankumanta.

2 Crónicas 31:19

Tukuynin llajtapipis runakunata churarqanku mikhunata rak'iranankupaj, Aaronpa ayllunmanta kaj sacerdotekunaman, jinataj levitakunamanpis. Pikunajtachus sutinku listasqa kaspa, tiyakusharqanku sacerdotekunaj uywa michinanku llajtakunapi, chaykunaman mikhunata rak'irarqanku.

Nehemías 13:10

Yachallarqanitaj imatachus levitakunaman qonanku karqa kawsanankupaj, chayta mana qosqankuta. Chayrayku Diosta yupaychanankupaj churasqa kajkuna levitakunawan, takejkunawan sapa uj jallp'ankuman ripusqanku.

Ezequiel 48:22

Chay jinamanta kuraj kamachejpa jallp'anqa levitakunaj jallp'anku, chantá llajtapaj t'aqasqa jallp'a, chay chawpipi kanqa. Chaytaj Judáj jap'iyninwan, Benjaminpa jap'iyninwan tinkuypi kanqa.

Ezequiel 48:8

Judajpa jap'iynin qayllanpitaj, inti llojsimuynejmantapacha mama qochakama jallp'ata puchuchinkichej. Chayqa anchonman chunka iskayniyoj kilómetro khuskanniyoj kanqa, sayt'unmanpis kikillantaj kanqa. Chay jallp'aqa ujkuna jinallataj midisqa kanqa, inti llojsimuynejmantapacha Mama qochakama. Chay chawpipitaj Templo kanqa.

Números 35:1

Moab suyoj pampanpi, Jordán mayu kantupi, Jericó llajtaj chimpanpi Tata Dios Moisesta nillarqataj:

Números 35:3

Levitakunaqa chay llajtakunapi tiyakonqanku. Chay llajtakunaj uywa michinanpitaj tukuy imaymana uywata uywanqanku.

Deuteronomio 18:6

Ichapis uj levita Israel suyupi mayqen llajtapipis tiyakushaspa, sonqomanta munasqanrayku Tata Diospa ajllakusqan cheqaman ripuyta munanman.