Números 33:53 - DIOSPA QHELQACHISQ

⁵³ Chantá chay suyuta jap'ispa, chaypi tiyakuychej, imaraykuchus noqamin tiyakunaykichejpaj chay suyupi jallp'ata qoykichej.

Qheshwa Biblia DC

⁵³ Chay jallp'aspi tiyakojkunata qharqoychej, qankunataj chaypi tiyakuychej, noqa qoykichej chay jallp'asta chaypi tiyakunaykichejpaj.

DIOSPA QHELQACHISQAN DEUTEROCANONICAL

⁵³ Chantá chay suyuta jap'ispa, chaypi tiyakuychej, imaraykuchus noqamin tiyakunaykichejpaj chay suyupi jallp'ata qoykichej.

Números 33:53 ပူးပေါင်းရင်းမြစ်များ

Génesis 15:7

Tata Dios nillarqataj: Noqa Tata Dios kani. Noqamin Caldea suyupi Ur llajtamanta orqhomorqayki, kay jallp'ata qanman chayaqeta qosunaypaj, nispa.

Salmos 115:16

Janaj pachaqa Tata Diosninchejpata, kay pachatataj runaman qorqa.

Daniel (hebreo) 4:17

17 (14) Diospa angelninkuna ajina kananta kamachinku, tukuy runakuna yachanankupaj janaj pachapi kaj Tata Dios tukuy suyukunata kamachinanpaj atiyniyoj kasqanta. Yachallachunkutaj paymin kamachina atiyta qosqanta, pimanchus qoyta munasqanman, jinallataj uj suyupi kuraj kaj kananpaj churasqanta aswan pisipaj qhawasqa runata, nispa.

Daniel (hebreo) 4:25

25 (22) Aswan qhepaman qanqa runakuna chawpimanta qharqosqa kanki, uywakunawantaj kawsanki. Waka jina qhorata mikhunki, chhullapis ukhuykita joq'osonqa. Ajinata kawsanki qanchis wata junt'ata, qan ninaykikama: Janaj pachapi kaj Diosmin kay pachapi kaj tukuy suyuta kamachin, paytaj pitachus munasqanta kamachinanpaj churan, nispa.

Daniel (hebreo) 4:32

32 (29) Aswanpis qan runakuna chawpimanta qharqosqa kanki, k'ita animalkunawantaj kawsanki. Buey jina qhorata mikhunki, qanchis wata junt'atataj ajina kanki ninaykikama: Janaj pachapi kaj Diosllamin atiyniyoj kay pachapi tukuy suyukunaj patankupi kamachinanpaj, payllataj munasqanman jina kamachejkunata churan, nispa.

San Mateo 20:15

Manachu qolqeywan munasqayta ruwayta atini? Chayrí, k'acha kasqayraykuchu sajra ñawiwan qhawashawanki? nispa.

Deuteronomio 11:31

Qankunaqa Jordán mayuta chimpanaykichejpajña kashankichej, Tata Diosniykichej jallp'ata qoshasunkichej, chayta jap'ej yaykunaykichejpaj. Chay jallp'ata jap'ispataj, chaypi tiyakuychej.

Deuteronomio 17:14

Tata Diosniykichej qosonqachej, chay jallp'aman yaykuspa, chantá chaypi tiyakushaspataj, mayk'ajllapis niwajchej: Kamachinawaykupaj kuraj kamachejniyoj kayta munayku, imaynatachus muyuyniykupi kaj suyukuna kuraj kamachejniyoj kanku, ajinata, nispa.

Deuteronomio 3:18

Chaypacha kay jinata qankunata kamacherqaykichej: Tata Diosniykichej kay jallp'ata qankunaman qopusunkichej. Kunanqa tukuy maqanakuyta yachajkuna armaykichejta oqharikuspa, wawqeykichejkunaj ñawpaqenkuta puririychej.

Deuteronomio 32:8

Janaj pachapi kaj Diosqa suyukunaman chayaqenkuta qorqa, tukuy runatataj rak'irarqa. Suyukunamantaj mojonninkuta churarqa, Israelpa churinkuna mashkhachus kasqankuman jina.

Deuteronomio 7:17

Ichapis sonqoykichejpi niwajchej: Kay suyukunapi runaqa noqaykumanta aswan ashkha kanku. Imaynatataj paykunata wijch'uyta atiykumanri? nispa.

Josué 1:6

Chayrayku kallpachakuy, waputaj kay. Qanmin chay jallp'ata israelitakunaman chayaqenkupaj rak'iranki, ñawpa tataykichejkunaman qonayta nerqani, chayta.

Josué 21:43

Ajinata Tata Dios tukuynin israelitakunaman jallp'ata qoporqa, imaynatachus ñawpa tatankukunaman tiluspa nisqanman jina. Paykunataj chay jallp'ata jap'ispa, chaypi tiyakorqanku.

Josué 23:5

Qankuna qhawashajtiykichej, Tata Diosniykichejqa chay jallp'api tiyakojkunata wijch'ullanqataj, qankunataj chay jallp'ata jap'ikapunkichej, imaynatachus Tata Diosniykichej nerqa, chayman jina.