Números 33:52 - DIOSPA QHELQACHISQ

⁵² tukuy chaypi tiyakojkunata qharqoychej. Phiriychejtaj rumimanta ruwasqa, chantá metalmanta ruwasqa lantinkunata. Orqo patapi lanti yupaychana cheqakunatapis thuñiychej.

DIOSPA QHELQACHISQAN DEUTEROCANONICAL

⁵² tukuy chaypi tiyakojkunata qharqoychej. Phiriychejtaj rumimanta ruwasqa, chantá metalmanta ruwasqa lantinkunata. Orqo patapi lanti yupaychana cheqakunatapis thuñiychej.

Números 33:52 ပူးပေါင်းရင်းမြစ်များ

1 Reyes 11:7

Chantá Salomonqa Moabpa millay lantin Quemospaj uj altarta Jerusalenpa chimpan orqopi ruwacherqa. Amonitakunaj chay millay lantinku Molocpajpis altarta ruwachillarqataj.

Éxodo 23:24

Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

Levítico 26:1

Tata Dios israelitakunata nillarqataj: Ama ni imaman rijch'akoj lantikunata ruwakunkichejchu. Nillataj llajtaykichejpi yupaychana rumita sayachinkichejchu. Amallataj rumipi warawata ruwankichejchu. Ama chaykunaman qonqorikunkichejchu, imaraykuchus noqamin Tata Diosniykichej kani.

Deuteronomio 31:5

Tata Dios chay suyukunata makiykichejman jaywaykusojtiykichejqa, qankuna kamachisqayman jina paykunawan ruwanaykichej tiyan.

Deuteronomio 33:29

Qanqa Israel, may jina kusikuyniyoj kanki. Pitaj qan jinari? Qantaqa Tata Diosmin qhespichisorqa. Paymin imamantapis jark'akusunki, yanapasunkitaj. Paymin atipachisoj espadaykeqa. Awqaykikunaqa k'umuykuchisqa kanqanku, qantaj jatunchakuyninkuta sarunki, nispa.

Josué 11:15

Imaynatachus Tata Dios kamachin Moisesman nisqa, kikillantataj Moisesqa Josueman kamachisqa. Chantá Josueqa mana pantaspa kikinta ruwarqa.

Josué 23:7

Ama qankuna ukhupi tiyakoj waj llajtayojkunawan chhapukunkichejchu, nitaj qonqorikuspa diosninkuta yupaychankichejchu. Amallataj diosninkuta kasunkichejchu, ni paykunamanta parlallankichejpischu, nillataj sutinkupi tilunkichejchu.

Josué 9:7

Israelitakunatajrí heveokunaman kuticherqanku: Ichapis qankunaqa kay qayllallamanta kankichej. Imaynatataj qankunawan uj tratota ruwaykumanri? nispa.

Jueces 2:2

Qankunataj amapuni chay llajtayojkunawan ima tratotapis ruwankichejchu, manachayqa lantinkoj altarninkukunata phirirankichej, nispa. Qankunarí mana kasuwarqankichejchu. Imaraykutaj jinata ruwarqankichejri?