Números 32:29 - DIOSPA QHELQACHISQ

²⁹ Gad jatun ayllumanta kajkuna, Rubén jatun ayllumanta kajkuna ima maqanakunapaj sumaj wakichisqa, qankunawan khuska Jordán mayuta chimpananku tiyan. Chantá sichus Tata Diospa kamachisqanman jina jallp'ata jap'inkichej chayqa, qankuna Galaad jallp'ata paykunajta kananpaj qonkichej.

Qheshwa Biblia DC

²⁹ Sichus Gad ayllumanta kajkuna, Rubén ayllumanta kajkuna ima, qankunawan khuska Jordán mayuta chimpanqanku enemigoswan maqanakoj Señorpa kamachisqanman jina, qankuna maypichus jallp'asta jap'ikunaykichejkama chayqa, qankuna qopunkichej kay Galaad jallp'asta paykuna tiyakunankupaj.

DIOSPA QHELQACHISQAN DEUTEROCANONICAL

²⁹ Gad jatun ayllumanta kajkuna, Rubén jatun ayllumanta kajkuna ima maqanakunapaj sumaj wakichisqa, qankunawan khuska Jordán mayuta chimpananku tiyan. Chantá sichus Tata Diospa kamachisqanman jina jallp'ata jap'inkichej chayqa, qankuna Galaad jallp'ata paykunajta kananpaj qonkichej.

Números 32:29 ပူးပေါင်းရင်းမြစ်များ

Números 32:17

Chaymantataj sumaj wakichisqa israelitakunaj ñawpaqenkuta risqayku, jap'inanku kashan, chay jallp'aman chayachinaykukama. Chaykamataj tukuy aylluyku sumaj ruwasqa llajtakunapi qhepakonqanku, kay cheqanejpi tiyakoj runakuna ama imatapis ruwanankupaj.

Números 32:28

Chaymanta Moisesqa sacerdote Eleazarta, Nunpa churin Josueta, Israel tukuy ayllumanta kurajkunata ima kay jinata kamacherqa:

Números 32:30

Sichus mana qankunawan khuska Jordán mayuta chimpanqankuchu chayrí, qankunawan khuska Canaán suyupi jallp'ata jap'enqanku, nispa.

Josué 12:6

Chay kuraj kamachejkunata Tata Diospa kamachin Moiseswan, israelitakunawan atipasqanku. Moisestaj chay jap'isqanku jallp'ata Rubén jatun aylluman, Gad jatun aylluman, chantá Manasés khuskan jatun aylluman ima rak'irarqa.

Josué 13:11

Paykunallapajtaj Galaad jap'iy karqa, gesureokunaj jap'iyninku, macateokunaj jap'iyninku ima, jinallataj Hermón Orqo, tukuy Basán jap'iy Salcakama karqa.

Josué 14:3

Israelitakuna manaraj Jordán mayuta chimpashajtinku, Moisesqa Rubén jatun aylluman, Gad jatun aylluman, chantá Manasés khuskan jatun aylluman ima jallp'ata qosqaña. Leví jatun ayllumanrí manapuni jallp'ata qosqachu.

Josué 18:7

Levitakunarí qankunaj chawpiykichejpi mana jallp'ayojchu kanqanku, imaraykuchus paykunaj chayaqenkoqa Tata Diospa sacerdotenkuna kana. Chantá Gad jatun aylluwan, Rubén jatun aylluwan, Manasés khuskan jatun aylluwanqa Jordán Mayoj chimpanpi, inti llojsimuynejpi ñapis jallp'ata jap'inkuña. Chay jallp'ataqa Tata Diospa kamachin Moisesña qorqa.

Josué 22:9

Ajinata Rubén jatun ayllu, Gad jatun ayllu, chantá Manasés khuskan jatun ayllu ima Canaán suyupi, Silo llajtapi, chay waj israelitakunamanta t'aqakorqanku, Galaadpi jallp'ankuman kutipunankupaj. Chay jallp'a karqa, mayqentachus Tata Dios Moisesman kamacherqa paykunaman qonanta, chay.

Jueces 10:3

Chay qhepanta Galaadmanta Yairñataj sayarerqa juez jina, paytaj iskay chunka iskayniyoj watata israelitakunata kamacherqa.

1 Samuel 18:17

Uj kuti Saulqa Davidta nerqa: Kuraj kaj ususiy Merabwan casarachisqayki. Chaypajqa qan maqanakupaj wapu kanayki tiyan, Tata Diospa sutinpi maqanakupipis sumajta maqanakoj kanayki tiyan, nispa. Ajinata nispa, Saulqa yuyasharqa filisteokuna maqanakupi Davidta wañuchinankuta, manataj paychu.