Números 32:23 - DIOSPA QHELQACHISQ

²³ Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

Qheshwa Biblia DC

²³ Sichus mana ajinata nisqaykichejman jinachu ruwankichej chayqa, uj jatun juchata ruwankichej Señorpa contranta, Señorpa jasut'iynintaj ima ratollapis chayamusonqachej chay juchasniykichejrayku.

DIOSPA QHELQACHISQAN DEUTEROCANONICAL

²³ Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

Números 32:23 ပူးပေါင်းရင်းမြစ်များ

Génesis 13:13

Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

Génesis 4:7

Sichus allinta ruwawaj chayqa, mana k'umuykachaspa puriwajchu. Manachus allin kajta ruwanki chayrí, juchaqa jap'erqosunanpaj jina suyaykushasunki. Ama qanqa juchalliyta munanawan atipachikuychu, nispa.

Génesis 44:16

Chantá Judá kuticherqa: Wiraqochíy, imatataj niykumanri? Mana suwachu kasqaykuta rikuchinaykupaj, imatataj ruwayta atiykumanri? Diosqa unay mana allinta ruwasqaykuta kutichipushawayku. Makiykipi kashayku. Pejpa costalninpichus vasoyki rikhurerqa, chaywan khuska wata runayki kasqayku, nispa.

2 Samuel 3:39

Diospa churasqan kuraj kamachej kani chaypis, mana kallpayoj jina kashani, Seruyáj churinkuna chay millayta ruwasqankurayku. Tata Diosqa chay juchankuman jina kutichipuchun ruwajkunamanqa, nispa.

1 Reyes 2:32

Tata Diosmin runakunata wañuchisqanmanta jasut'enqa. Joabqa chay iskay runakunata wañucherqa, paymanta aswan sumaj cheqan kajkunata, tatay Davidpa mana yachasqallan: Nerpa churin Abnerta, pichus israelitakunaj soldadonkunata kamachejninku karqa, chayta. Wañuchillarqataj Jeterpa churin Amasatawan, pichus Judamanta soldadokunaj kamachejninku karqa, chaytawan.

1 Reyes 2:33

Chay ruwasqanmantaqa Joabwan mirayninkuna ima jasut'isqapuni kanqanku. Tata Diosmanta allin kawsaytajrí Davidpa ayllunwan, chantá kamachiyninpi wiñaypaj kallachunpuni, nispa.

Salmos 139:11

Sichus laqhapi pakakuyta yuyayman chayqa, sitajchus muyuyniypi k'anchay laqhayanman chaypis,

Salmos 140:11

11 (12) Nina qallu runaqa ama kay pachapi sayachunchu. Kallpanman atinikuspa runa maqataqa mana allin kaj qhatirichun, chinkachichuntaj.

Salmos 90:8

Mana allinta ruwasqaykoqa qanpa ñawpaqeykipi kashan. Pakaypi juchallisqaykutapis sut'iman orqhonki.

Proverbios 13:21

Juchasapakunataqa mana allin kay qhatiykachan, cheqan runakunatajrí allin kajwan t'inkachisqa kanqanku.

Proverbios 24:16

Cheqan runaqa qanchis kutita urmanqa chaypis, payqa qanchis kutillatataj sayarikun. Mana allinta ruwaj runakunarí jatun llakiypi urmaspa, manaña ujtawan sayarenqankuchu.

Proverbios 5:22

Millayta ruwaj runataqa kikin ruwasqallantaj jap'iykun, kikin juchallantaj waskha jina wataykun.

Isaías 3:11

Juchasapa runakunarí imanakullanqankuchus. Paykunataqa mana allinchu renqa, imaraykuchus paykunaman ruwasqankuman jina pagasqa kanqa.

Isaías 59:12

Juchanchejqa Tata Diospa ñawpaqenpi manchay ashkha, juchallanchejtaj mana allin kasqanchejmantata ch'ataykuwanchej. Mana allin kajta ruwasqanchejqa qhatiykachawanchej, yachanchejtaj juchayojpuni kasqanchejta.

Jonás 1:7

Chantá barcota purichejkuna ninakorqanku: Pichus juchayoj kasqanta yachananchejpaj suerteta choqanachej, ajinamanta yachananchejpaj pejpa juchanraykuchus kay jina llakiy qhatirishawasqanchejta, nispa. Jinataj suerteta choqajtinku, Jonás juchayoj rikhurerqa.

Romanos 2:9

Jinallataj tukuy millay kajta ruwajkunapaj ñak'ariy, llakiytaj kanqa, ñawpajta judío kajkunapaj, qhepantataj mana judío kajkunapaj.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

Josué 7:18

Zabdij toldonmanta ujmanta uj chimpajtinkutaj, Achán juchayoj rikhurerqa. Payqa Judá jatun ayllumanta Carmij churin karqa, Zabdij allchhin, chantá Zerajpa churinpa allchhintaj.