Números 32:13 - DIOSPA QHELQACHISQ

¹³ Chaymanta Tata Dios manchayta phiñakuspa, tawa chunka watata israelitakunata ch'innejpi puricherqa Tata Diosta tukuy mana kasojkuna wañuspa tukukunankukama.

Qheshwa Biblia DC

¹³ Chaymanta Señorqa manchayta phiñakorqa, israelitasta ch'in pampaspi puricherqa tawa chunka watasta, tukuy rimajkuna wañuranankukama. Señorpa ñaupaqempi mana allinta ruwasqankurayku.

DIOSPA QHELQACHISQAN DEUTEROCANONICAL

¹³ Chaymanta Tata Dios manchayta phiñakuspa, tawa chunka watata israelitakunata ch'innejpi puricherqa Tata Diosta tukuy mana kasojkuna wañuspa tukukunankukama.

Números 32:13 ပူးပေါင်းရင်းမြစ်များ

Salmos 107:4

Israelitakunaqa ch'innejpi mana wasiyoj chinkasqa purerqanku. Tiyakunankupaj llajtaman rina ñanta mana tarerqankuchu.

Salmos 78:33

Chayrayku Diosqa paykunaj kawsayninkuta samaypis kanman jinallata chinkacherqa, mancharinapaj jina ñak'ariywantaj paykunata wañucherqa.

Salmos 95:10

Tawa chunka watata paykunapaj phiñasqa karqani. Nerqanitaj: Kay runakunaqa mana allintachu purinku, manataj kamachisqaytapis kasuwankuchu, nispa.

Éxodo 16:35

Chaymantapacha israelitakunaqa tawa chunka watata maná nisqa t'antata mikhorqanku. Mikhorqanku runa karqaña chaynejman chayanankukama. Chayqa Canaán suyoj mojonninña karqa.

Amós 2:10

Qankunatarí Egipto suyumanta orqhomorqaykichej, tawa chunka watatataj ch'innejpi pusaykacharqaykichej, amorreokunaj jallp'ankuta jap'inaykichejpaj.

Amós 2:9

Chaywanpis noqa qankuna israelitakunapaj ñanta kicharispa, amorreokunata chinkacherqani. Paykunaqa pino sach'a jina jatunkaray karqanku, roble sach'a jinataj sinch'i karqanku.

Números 14:32

Qankunaj ayaykichejrí kay ch'inpi wijch'usqa kanqanku.

1 Corintios 10:5

Chaywanpis, paykunamanta ashkhawan Dios mana kusisqachu karqa. Chayrayku chay ch'innejpi wañorqanku, ayankutaj pachanpi qhepakorqa.

Deuteronomio 2:7

Qankunataqa Tata Diosniykichej tukuy ima ruwasqaykichejpi yanapasorqachej. Kay tawa chunka wata junt'ata qankunawan karqa, kay chhika karu ch'inkunatataj qhawaspa pusaykachasorqachej, mana imamanta pisichispa.

Jueces 2:14

Chayrayku Tata Diosqa israelitakunaj contrankuta sinch'ita phiñakuspa, tukuy kapuyninkuta suwakunawan qhechucherqa. Jinaspataj, chay muyuyninkumanta kaj awqankunawan paykunata atipaykucherqa, nitaj paykuna kutichikuyta aterqankuchu.

Jueces 2:20

Chayraykumin Tata Diosqa Israelpa contranpi sinch'ita phiñakuspa, nerqa: Kay runakunaqa ñawpa tatankuwan tratota ruwasqayta p'akinku, manataj kasuwayta munankuchu.