Números 3:40 - DIOSPA QHELQACHISQ

⁴⁰ Chantá Tata Dios Moisesta nillarqataj: Israelitakunaj tukuy kuraj kaj churinkukunata uj killayojmanta pataman listaspa, yupay.

Qheshwa Biblia DC

⁴⁰ Señorqa Moisesman nerqa: Israelitaspa tukuy kuraj qhari wawasninta yupay uj killayojmanta pataman sutisninta qelqaspa.

DIOSPA QHELQACHISQAN DEUTEROCANONICAL

⁴⁰ Chantá Tata Dios Moisesta nillarqataj: Israelitakunaj tukuy kuraj kaj churinkukunata uj killayojmanta pataman listaspa, yupay.

Números 3:40 ပူးပေါင်းရင်းမြစ်များ

Salmos 87:6

Tata Dios paykunata listaspa, sutinkuta uj p'anqapi qhelqanqa: Kayqa Sionpi rikhurerqa, nispa.

Isaías 4:3

Pikunachus Sionpi qhepakojkuna, chantá Jerusalén llajtapi tiyakushankuraj chaykuna “Diospaj t'aqasqa”, nispa sutichasqa kanqanku.

Números 3:12

Tukuy israelitakunamanta levitakunata ajllakorqani. Paykunata sapa ayllupi kuraj kaj churikunaj cuentanmanta ajllakuni. Chayrayku paykunaqa noqajta kanku.

Números 3:15

Tukuy Leví jatun ayllumanta kajkunata tatankoj sutinkuman jina yupay. Chantá sapa wasi ayllupi tukuynin qharikunata uj killayojmanta pataman listanki, nispa.

Números 3:41

Chantá israelitakunaj kuraj kaj churinkukunaj cuentanmanta levitakunata ajllapuway. Noqamin Tata Diosqa kani. Kikillantataj israelitakunaj uywankukunamanta phiwi uñaj cuentanmanta levitakunaj uywankuta ajllapuway, nispa.

Números 3:45

Israelitakunaj kuraj kaj churinkukunaj cuentanmanta Leví aylluta ajllay. Jinallataj israelitakunaj uywankoj phiwi uñankunaj cuentanmanta levitakunaj uywankuta ajllallaytaj, imajtinchus levitakunaqa noqajta kanku. Noqamin Tata Dios kani.

San Lucas 10:20

Chaywanpis, ama supaykuna kasususqaykichejllamantachu kusikuychej. Astawanpis sutiykichej janaj pachapi qhelqasqa kasqanmantamin kusikuychej.

Filipenses 4:3

Jinallataj, munasqa kawsaqéy, tukuy sonqo mañakuyki chay iskay warmikunata yanaparinaykita, imaraykuchus paykuna noqawan khuska wajkunaman Jesusmanta sumaj willayta willanapi sinch'ita llank'arqanku. Paykuna Clementewan, chantá wajkunawan ima yanapawarqanku. Jinataj paykunaj sutinku churasqa kashan, ima p'anqapichus wiñay kawsayniyojkunaj sutinku qhelqasqa kashan, chaypi.

2 Timoteo 2:19

Chaywanpis Diospa cimiento churasqanqa sumajta sayan, chay cimientopitaj kay jina qhelqasqa kashan: Tukuyta Kamachej Diosqa paypata kajkunata rejsin, nispa. Nillantaj: Tukuy pikunachus Tukuyta Kamachej Diospata kajkunaqa millayta ruwaspa purinamanta t'aqakuchunku, nispa.

Hebreos 12:23

Ajinallataj qankuna Diospa kuraj kaj wawankunaj tantakuyninman qayllaykunkichej, pikunaj sutinkuchus janaj pachapi qhelqasqa kashan, chaykunajman. Jinallataj qankuna Diosmanpuni qayllaykunkichej, pichus tukuypa Jueznin, chayman. Cheqanpaj qhawasqa runakunamanpis qayllallankichejtaj, pikunachus mana pantayniyojman tukuchisqaña kanku, chaykunaman.

Apocalipsis 14:4

Paykunaqa mana jayk'aj warmikunawan puñuykorqankuchu, jinallataj Corderoj qhepanta rej kanku mayllamanpis rejtin. Jinallataj paykunaqa runakuna ukhumanta rantisqa karqanku Diospaj, Corderopaj ima ñawpaj kaj jaywana jina kanankupaj.

Apocalipsis 3:5

Tukuy atipajkunaqa yuraj p'achawan p'achallichisqa kanqanku, manataj kawsay p'anqamanta sutinkuta orqhosajchu. Manachayqa Tataypa ñawpaqenpi, chantá angelninkunaj ñawpaqenpi ima rejsichisaj paykuna noqajta kasqankuta.