Números 3:13 - DIOSPA QHELQACHISQ

¹³ Tukuy kuraj kaj qhari wawakunaqa noqajtamin kanku. Maypachachus Egipto llajtayojkunaj kuraj kaj churinkukunata wañuracherqani chaypacha, israelitakunaj kuraj kaj churinkukunata, jinallataj uywakunaj phiwi uñankutapis noqapaj ajllakorqani. Chayrayku chaykunaqa noqajta kanku. Noqamin Tata Diosqa kani, nispa.

Qheshwa Biblia DC

¹³ Noqajtamin tukuy kuraj wawasqa. Maypachachus egipciospa kuraj wawasninkuta wañurachishaspa, israelitaspa kuraj wawasninkuta, jinallataj uywaspa kuraj uñasninkutapis ajllakorqani. Chayrayku chaykunaqa noqajta kanku. Noqamin Señorqa kani.

DIOSPA QHELQACHISQAN DEUTEROCANONICAL

¹³ Tukuy kuraj kaj qhari wawakunaqa noqajtamin kanku. Maypachachus Egipto llajtayojkunaj kuraj kaj churinkukunata wañuracherqani chaypacha, israelitakunaj kuraj kaj churinkukunata, jinallataj uywakunaj phiwi uñankutapis noqapaj ajllakorqani. Chayrayku chaykunaqa noqajta kanku. Noqamin Tata Diosqa kani, nispa.

Números 3:13 ပူးပေါင်းရင်းမြစ်များ

Nehemías 10:36

Jinallataj nerqayku Diospa Templonman apanaykuta kuraj kaj qhari wawaykukunata, wakakunaj, ovejakunaj phiwi uñantapis, sacerdotekunaj ñawpaqenman sayarichinaykupaj kamachisqa kasqanman jina.

Éxodo 13:12

qankuna Tata Diosman tukuy kuraj kaj churiykichejta qopunkichej, jinallataj tukuy uywaykichejkunamanta phiwi uñanmanta orqo kajtawan. Tukuy chaykunaqa Tata Diospata kanqa.

Éxodo 13:15

Faraón sonqonta rumiyachispa, mana kacharipuyta munawarqaykuchu. Chayrayku Tata Diosqa Egipto llajtayojkunaj tukuy kuraj kaj churinkukunata wañucherqa, jinallataj uywankukunaj phiwi uñankutapis wañuchillarqataj. Chayrayku uywaj phiwi orqo uñankuta Tata Diosman jaywanchej. Jinallataj kuraj kaj churiykuta kacharichinaykupaj Diosman preciota pagayku, nispa. Ajinata wawaykichejkunaman ninkichej.

Éxodo 13:2

Tukuy kuraj kaj qhari wawakunata noqapaj t'aqapuwankichej. Israelitakunamanta tukuy kuraj kaj churikuna, jinallataj uywamanta tukuy phiwi uñakuna noqajtamin kanqanku, nispa.

Éxodo 22:29

29 (28) Chajra poqoyta oqharisqaykimanta, jinataj vinota ruwasqaykimanta ofrenda qonawaykita ama qonqankichu. Jinallataj kuraj kaj churiykitapis qopullawankitaj.

Éxodo 34:19

Tukuy kuraj kaj qhari wawaqa noqajta kanqa. Jinallataj wakamanta, ovejamanta phiwi uña, orqo kajtenqa, noqajllatataj kanqa.

Ezequiel 44:30

Tukuy ima ñawpaj kaj poqoykunamanta, chantá israelitakuna apamuspa jaywasqanku ima, chay tukoyqa sacerdotekuna mikhunankupaj kanqa. Jinallatataj t'antata ruwaspaqa, israelitakuna aswan allin kajninta Temploman apamonqanku. Ajinata ruwajtinku, wasinkupi ni imamanta pisenqankuchu.

Levítico 27:26

Tukuy uywakunaj phiwi uñanqa Tata Diospata kanku. Phiwi uña kasqanrayku, mana pipis chaytaqa Tata Diosman qonanpaj t'aqayta atenqachu. Waka uñapis, chayrí oveja uñapis kachun, chayqa Tata Diospataña.

Números 18:15

Jinallataj israelitakuna kuraj kaj churinkuta, jinataj uywankoj phiwi uñanta t'aqaspa, noqapaj apamuwasqankoqa qanpaj kanqa. Chaywanpis kuraj kaj churinkuta, ch'ichipaj qhawasqa uywakunaj phiwi uñanta ima qolqeta pagaspa, kacharichinankuta ninki.

Números 18:6

Noqaqa wawqeyki levitakunata israelitakuna ukhumanta t'aqarqani, paykunata qanman qonaypaj, Dioswan Tinkukuna Toldopi imachus ruwanata ruwanankupaj.

Números 3:41

Chantá israelitakunaj kuraj kaj churinkukunaj cuentanmanta levitakunata ajllapuway. Noqamin Tata Diosqa kani. Kikillantataj israelitakunaj uywankukunamanta phiwi uñaj cuentanmanta levitakunaj uywankuta ajllapuway, nispa.

Números 33:4

Chaykamataj Egipto llajtayojkunaqa Tata Dios tukuy kuraj kaj churinkuta wañurachisqanta p'ampasharqanku. Chayta ruwaspataj, Tata Dios Egipto llajtayojkunaj diosninkuta p'enqaypi rikhuricherqa.

San Lucas 2:23

Chayta junt'arqanku, Tukuyta Kamachej Diospa kamachisqanpi nisqaman jina: Tukuy kuraj kaj qhari wawa Tata Diospaj t'aqasqa kanqa, nispa.

Hebreos 12:23

Ajinallataj qankuna Diospa kuraj kaj wawankunaj tantakuyninman qayllaykunkichej, pikunaj sutinkuchus janaj pachapi qhelqasqa kashan, chaykunajman. Jinallataj qankuna Diosmanpuni qayllaykunkichej, pichus tukuypa Jueznin, chayman. Cheqanpaj qhawasqa runakunamanpis qayllallankichejtaj, pikunachus mana pantayniyojman tukuchisqaña kanku, chaykunaman.