Números 3:10 - DIOSPA QHELQACHISQ

¹⁰ Aaronta, miraynintawan ima sacerdote ruwanata ruwanankupaj churanki. Sichus waj runa, mana sacerdote kaspalla sacerdote jina ruwanman chayqa, wañuchisqa kanqa, nispa.

Qheshwa Biblia DC

¹⁰ Jinamanta Aaronman mirayninmanwan saqey, sacerdotej ruwanasninta ruwanankupaj. Sichus waj runa sacerdotej ruwananta ruwanqa chayqa, wañonqa.

DIOSPA QHELQACHISQAN DEUTEROCANONICAL

¹⁰ Aaronta, miraynintawan ima sacerdote ruwanata ruwanankupaj churanki. Sichus waj runa, mana sacerdote kaspalla sacerdote jina ruwanman chayqa, wañuchisqa kanqa, nispa.

Números 3:10 ပူးပေါင်းရင်းမြစ်များ

2 Samuel 6:7

Chaypacha Tata Diosqa Uzapaj phiñakorqa, chay arcata mana manchachikuspa jap'iykusqanmanta. Diosqa chay kikinpi Uzata wañurparicherqa. Uzataj Diospa arcan qayllapi wañusqa choqakorqa.

1 Reyes 12:31

Jeroboán ruwachillarqataj loma patapi yupaychana wasikunata, chantá mana levitakuna kajkunamanta sacerdotekunatapis churallarqataj.

1 Crónicas 6:32

32 (17) Paykunaqa Dioswan Tinkukuna Toldoj ñawpaqenpi takerqanku, Jerusalenpi Tata Diospa Templonta Salomón ruwachinankama. Qhepanejmanpis paykunaqa usunkuman jina takillarqankupuni.

Nehemías 6:11

Noqatajrí nerqani: Noqa jina runaqa mana ayqenchu, nitaj Diospa Templonpi pakakunchu mana wañuchinankupaj. Noqaqa manapuni pakakusajchu, nispa.

Éxodo 29:9

Chaymantá Aaronta, jinallataj churinkunatapis chumpiwan chumpinki, jinaspataj sapa ujman ch'uluta churaranki. Ajinamanta paykunaqa kamachisqaman jina wiñaypaj sacerdoteykuna kanqanku. Ajinata Aaronta, churinkunatawan ima wiñaypaj sacerdoteykuna kanankupaj t'aqanki.

Ezequiel 44:8

Temploypi noqata yupaychanapaj imachus ruwanata mana qankuna junt'ankichejchu. Astawanpis waj llajtayojkunata chay imakunata ruwanankupaj churarqankichej.

Levítico 22:10

Mana sacerdotej ayllunmantachu kajqa Diospaj t'aqasqamanta mana mikhuyta atenqachu. Jinallataj sacerdotej wasinman wajyarikusqa runa, chantá sacerdotej peonninpis Tata Diospaj t'aqasqamanta manallataj mikhuyta atenqankuchu.

Números 1:51

Dioswan Tinkukuna Toldota mayman apana kajtenqa, paykuna toldota phaskanqanku. Maymanchus chayaspataj, paykunallataj toldota sayarichenqanku. Sichus pillapis mana levita kaspalla chay toldoman qayllaykunman chayqa, wañuchisqa kanqa.

Números 16:10

Tata Diosqa qanta, chantá aylluykimanta levitakunata paypa qayllanpi kanaykichejta munarqa. Jinaqa imajtintaj qankuna sacerdote kaytapis munashankichejri?

Números 16:35

Chay jawa Tata Diosqa ninata kachaykamullarqataj. Chay ninataj, inciensota q'oshñichisharqanku, chay 250 runakunata ruphaykuspa, wañurparicherqa.

Números 16:40

40 (17.5) Ajinata ruwarqa tukuy israelitakuna yuyarikunankupaj, mana pillapis Tata Diosman inciensota q'oshñichispa jaywayta atisqankuta, manachayqa Aaronpa ayllunmanta kajkunalla. Wajkuna chay jinallataj ruwankuman chayqa, Coré, chantá payta qhatejkuna imaynatachus wañorqanku, jinallatataj wañonqanku. Ajinata Eleazar Tata Dios Moisesnejta kamachisqanman jina, ruwarqa.

Números 18:3

Levitakunaqa qanpa kamachisqaykita Dioswan Tinkukuna Toldopi imachus ruwanata ruwanqanku. Chaywanpis Dioswan Tinkukuna Toldopi imakunachus tiyan, chantá altarman ima amapuni qayllanqankuchu, ama qankuna, nitaj paykunapis wañunankupaj.

Números 18:7

Chaywanpis altarpi ruwanata, jinataj Diosllapaj T'aqasqa nisqa cheqapi ruwanatawan imaqa qanwan, chantá churiykikuna imalla ruwankichej. Sacerdote jina ruwanaqa qankunajllatamin, imaraykuchus noqa chay ruwanata qankunaman qoykichej. Sichus pipis mana sacerdote kashaspalla sacerdotej ruwananta ruwanman chayqa, wañuchisqa kanqa, nispa.

Números 3:11

Chantá Tata Dios Moisesta nillarqataj:

Números 3:38

Dioswan Tinkukuna Toldoj ñawpaqenpi, inti llojsimuynejpi jarakorqanku Moiseswan, Aaronwan, chantá paypa churinkuna ima. Paykunaqa israelitakunaj sutinkupi Diospa tiyakunan cheqata qhawarqanku. Sichus pipis mana sacerdote kaspalla, sacerdotej ruwananta ruwanman karqa chayqa, wañuchisqa kanan karqa.

Romanos 12:7

Sichus pimanpis wajkunata yanaparinapaj atiyta qon chayqa, allinta yanapachun. Chayrí sichus pimanpis Diospa nisqanta yachachinapaj atiyta qon chayqa, sumajta yachachichun.

Efesios 2:19

Ajinaqa mana judiokuna manaña waj llajtayojchu kankichej, nitaj Diospaj mana rejsisqachu. Manachayqa Diospa ajllakusqankunawan uj llajtayojllaña kaspa, Diospa ayllunmanta kankichej.

Deuteronomio 18:5

Tata Diosniykeqa tukuy Israel ayllumanta levitakunata, chantá mirayninkutawan ima ajllakorqa, wiñaypaj Tata Diospa kamachinpi ruwanayoj kanankupaj.

Hebreos 8:4

Sichus Jesucristo kunan kay pachapi kashanman chayqa, mana sacerdotechu kanman, imaraykuchus sacerdotekuna kashallankuraj, Moisespa kamachisqanman jina Diosman jaywanata jaywanankupaj.

Jueces 17:5

Micaiataj wasinpi uj cheqata lantita yupaychanapaj wakicherqa, jaqaypitaj churarqa waj lantinkunatawan ima. Chantá ruwakorqa uj efod lantita. Ujnin kaj churintapis sacerdote kananpaj churallarqataj.

1 Samuel 6:19

Chaywanpis Bet Semes llajtapi tiyakojkunamanta wakinta Tata Dios wañucherqa, paypa arcan ukhupi imachus kasqanta rikuyta munaspa qhawaykusqankurayku. Chaypacha qanchis chunka runakunata wañucherqa. Chayrayku Bet Semespi tiyakojkunaqa Tata Dios chay chhikatapuni wañuchisqanmanta waqarqanku.