Números 29:6 - DIOSPA QHELQACHISQ

⁶ Chay jawaqa, kamachisqa kasqanman jina, sapa killa q'olachispa jaywanata, jinallataj sapa p'unchay q'olachispa jaywanata, ch'aki mikhuy jaywanantinta, chantá ch'ajchunapaj vino jaywanantinta ima Diosman jaywallankichejpuni. Chay jaywanaqa Tata Diospaj ima munayta q'apashaj q'olachisqa jaywana kanqa.

Qheshwa Biblia DC

⁶ Chantapis sapa killa qonaykichej jaywanatawan, sapa p'unchay q'olachina jaywanatawan q'olachinkichejpuni, ch'aki mikhuy jaywanasta, vino jaywanastawan, imaynatachus Dios kamachisqanman jina. Kay jaywanata Señorpaj sumaj q'apashajta q'olachinkichej.

DIOSPA QHELQACHISQAN DEUTEROCANONICAL

⁶ Chay jawaqa, kamachisqa kasqanman jina, sapa killa q'olachispa jaywanata, jinallataj sapa p'unchay q'olachispa jaywanata, ch'aki mikhuy jaywanantinta, chantá ch'ajchunapaj vino jaywanantinta ima Diosman jaywallankichejpuni. Chay jaywanaqa Tata Diospaj ima munayta q'apashaj q'olachisqa jaywana kanqa.

Números 29:6 ပူးပေါင်းရင်းမြစ်များ

Esdras 3:4

Chantá Ch'ujlla Ruwana raymitapis ruwallarqankutaj Moisespa kamachisqanpi qhelqasqaman jina. Sapa p'unchaytaj uywata ñak'aspa q'olacherqanku yachasqa kasqanman jina, sapa p'unchaypaj kamachisqa kasqanman jinataj.

Levítico 6:9

9 (2) Aaronta, churinkunatawan kamachiy: Uywa ñak'asqata q'olachispa Diosman jaywanataqa ajinata ruwankichej: Uywata ñak'aspa jaywanaqa sut'iyanankama altarpi ruphanan tiyan. Ninaqa altarpi tukuy tutantinta lawrashallananpuni tiyan.

Números 15:24

sitajchus tukuy israelitakuna mana yuyasqallamanta juchallikuwajchej chayqa, noqaj kamachisqayman jina, uj torillota jaywawankichej, q'olachispa ima munayta q'apashaj jaywanata jina. Chaytawan khuska ch'aki mikhuy jaywanata, vinotawan ima jaywawankichej. Chay jawa, jucha pampachasqa kananpaj, uj chivotawan jaywallawankichejtaj.

Números 15:4

Tata Diosman jaywanaykichejpaj apamuspaqa, apamunallaykichejtaj tiyan, iskay kilo sumaj jak'uta, uj litro aceitewan puñasqata.

Números 28:27

Jinallataj chay p'unchay, ima munayta q'apashaj jaywanata q'olachispa Tata Diosman jaywankichej, iskay torillota, uj carnerota, uj watayoj qanchis corderotawan ima.

Números 29:18

Chay jawa, Tata Dios kamachisqanman jina, torillokuna, carnerokuna, corderokuna mashkhachus kasqanman jina jaywankichej ch'aki mikhuy jaywanantinta, chantá ch'ajchunapaj vinontinta ima.

Números 29:21

Chay jawa, Tata Dios kamachisqanman jina, torillokuna, carnerokuna chantá corderokuna mashkhachus kasqankuman jina jaywankichej ch'aki mikhuy jaywanantinta chantá ch'ajchunapaj vinontinta ima.

Números 29:5

Chantá juchaykichej pampachasqa kananpaj uj chivotawan jaywallankichejtaj.

Números 7:13

Payqa qolqemanta ruwasqa uj ch'illamita apamorqa. Apamusqan ch'illameqa 1.430 gramo pesarqa. Chantá qolqe metalmanta ruwasqa uj yurutawan apamullarqataj. Chay apamusqan yurutaj Dioswan Tinkukuna Toldopi chimpu churasqa kasqanman jina, 770 gramo pesarqa. Iskayninta aceitewan puñasqa sumaj jak'uwan junt'ata apamorqa, ch'aki mikhuy jaywanata Diosman jaywanapaj.

Números 9:14

Qankuna ukhupi tiyakoj waj llajtayojkunapis imaynatachus kamachisqayman jina Pascuata noqaj sutiypi ruwanallankutaj tiyan. Waj llajtayojkuna, chantá llajtaykichejpi paqarejkuna ima imaynatachus kamachisqayman jina kikinta ruwananku tiyan, nispa.