Números 28:7 - DIOSPA QHELQACHISQ

⁷ Sapa uj corderota, uj litro sumaj vinotawan jaywanqanku. Chay vinota Dioswan Tinkukuna Toldopi Tata Diospa sutinpi ch'ajchonqanku.

Qheshwa Biblia DC

⁷ Uj litro vinotawan sapa uj corderota jaywachunku. Chay vinota Dioswan tinkukuna toldopi Señorpa sutimpi ch'ajchonqanku.

DIOSPA QHELQACHISQAN DEUTEROCANONICAL

⁷ Sapa uj corderota, uj litro sumaj vinotawan jaywanqanku. Chay vinota Dioswan Tinkukuna Toldopi Tata Diospa sutinpi ch'ajchonqanku.

Números 28:7 ပူးပေါင်းရင်းမြစ်များ

Éxodo 29:40

Ñawpaj kaj corderotawan khuska, trigo jak'umanta sumaj kajta iskay kilota jina, uj litro olivo aceitewan chajrusqata jaywallankitaj. Chaymantaj uj litro vinota ofrendata jina ch'ajchuykunki.

Éxodo 29:42

Ajina noqaj sutiypi q'olachisqa jaywanataqa wawaykichejkuna wiñaypaj wiñayninkama ñawpaqeypi jaywallanqankupuni. Chaytaqa Dioswan Tinkukuna Toldo punkupi, maypichus noqa qanwan parlanaypaj tinkusaj, chaypi jaywanqanku.

Éxodo 30:9

Chay altar patapeqa amapuni waj jina inciensota q'oshñichinkichejchu, ni uywa ñak'asqa q'olachinata, ni ch'aki mikhuy jaywanata, nillataj vinota jich'aspapis jaywankichejchu.

Isaías 57:6

Jerusalén llajta, qanqa wayq'omanta llusk'a rumikunata yupaychayta munanki. Arí, chaypi qanpaj tiyan uj cheqa yupaychanaykipaj. Chay rumikunaman qanqa vinowan ch'allanki, chaymantaj ch'aki mikhuy jaywanata jaywanki. Noqarí chay millay ruwasqaykimanta ch'inllachu kakusaj?

Joel 1:13

Altarpi ruwanayoj sacerdotekuna, qhashqa p'achata churakuspa, sonqo nanayta waqaychej, imaraykuchus Templopi Tata Diosman jaywanapaj manaña kanchu ch'aki mikhuy, nitaj vinopis.

Joel 1:9

Chay kikinta sacerdotekunapis waqaykunku, imaraykuchus Templopi ch'aki mikhuy jaywana manaña kanchu, nitaj vinopis kanchu Tata Diosman jaywanapaj.

Joel 2:14

Ichapis Tata Dios manaña nisqanman jina qankunata jasut'isonqachejchu. Aswanpis khuyarikuspa, chajrata poqochipusonqachej, vinotawan qosonqachej, Tata Diosniykichejman jaywanaykichejpaj.

Levítico 1:9

Chantá pichus jaywajqa uywaj ch'unchulanta, chakintawan ima yakuwan mayllanqa. Chaymantataj sacerdoteqa tukuyninta altar patapi q'olachenqa. Chay q'olachispa jaywanaqa Tata Diospaj ima munay q'aparishaj jaywana kanqa.

Levítico 23:13

Chantá sumaj kaj jak'uta tawa kilo khuskanniyojta aceitewan puñasqata apamullankichejtaj, Tata Diosman q'olachispa jaywanapaj. Chay q'olachisqaj q'apaynenqa Tata Diospaj ima munay kanqa. Chantapis uj litro vinota apamullankichejtaj, jich'aspa Diosman jaywanapaj.

Números 15:10

Jinallataj chay jaywanaman, iskay litro vinotawan apamullawankichejtaj. Chaykunaqa Tata Diospaj ima munayta q'apashaj jaywana kanqa.

Números 15:5

Chay jawa, q'olachispa Diosman jaywanapaj, sapa corderopaj uj litro vinotawan apamunallaykichejtaj tiyan.

Números 15:7

Jaywawasqaykichejpa patanman jich'anapajtaj, uj litro kurajta vinotawan apamunkichej. Chayqa Tata Diospaj ima munayta q'apashaj jaywana kanqa.

Números 28:14

Sapa torillota jaywaspa, iskay litro vinotawan jaywankichej, uj litro khuskanniyojtataj sapa carnerotawan jaywallankichejtaj. Sapa corderowantaj uj litrotakama jaywankichej. Chaykunamin sapa killa qallariyta q'olachispa Tata Diosman jaywanaykichej kashan.

Números 28:31

Q'olachispa sapa p'unchay jaywanata, jinallataj ch'aki mikhuy jaywanata jich'anapaj vinotawan jaywankichej. Jaywanapaj uywakunaqa mana iman imanasqa kananku tiyan, nispa.

Números 28:6

Chaytaqa sapa kuti q'olachispa Diosman jaywanqanku, Sinaí orqopi kamachisqaman jina. Chaytaj Tata Diospaj ima munayta q'apashaj jaywana kanqa.

Números 28:8

Ujnin kaj corderotataj ch'isiyaykuyta q'olachispa jaywanqanku, chaymantaj ch'aki mikhuymanta jaywanata, vinotawan ima yapanqanku, imaynatachus tutamanta jaywarqanku, ajinallatataj. Chaykunaqa Tata Diospaj ima munayta q'apashaj jaywanamin kanqa.

Filipenses 2:17

Diospi atinikuspa ruwasqaykichejqa Diosman jaywanatapis jaywashawajchej jina. Noqatachus wañuchiwanqanku chayqa, kawsayneyqa chay jaywasqaykichej patapi ch'ajchunapaj vino jina kanqa. Ajina kanman chayqa, noqa may jinata kusikusaj, munanitaj qankunapis noqawan khuska chaymanta kusikunaykichejta.