Números 28:3 - DIOSPA QHELQACHISQ

³ Kamachillaytaj q'olachispa Tata Diosman jaywanata jaywanawankoqa kaykuna kananta: Sapa p'unchay q'olachispa uj watayoj iskay corderota, mana iman imanasqata jaywawanqanku.

Qheshwa Biblia DC

³ Nillaytaj ari: Noqapaj kaj jaywanasta ruphachispa jaywanawankoqa kaykuna kanku: Sapa p'unchaypuni q'olachichunku iskay corderosta uj watayojtakama, sumajnin kajta mana iman imanasqata.

DIOSPA QHELQACHISQAN DEUTEROCANONICAL

³ Kamachillaytaj q'olachispa Tata Diosman jaywanata jaywanawankoqa kaykuna kananta: Sapa p'unchay q'olachispa uj watayoj iskay corderota, mana iman imanasqata jaywawanqanku.

Números 28:3 ပူးပေါင်းရင်းမြစ်များ

1 Crónicas 16:40

Paykunaqa Tata Diospa kamachisqanman jina, sapa p'unchay tutamanta, tardenpis uywa ñak'asqata q'olachispa Tata Diosman jaywaj kanku.

2 Crónicas 8:13

Moisespa kamachisqanman jina q'olachispa jaywallarqataj: Samarikuna p'unchaykunapi, killa qallarikuy raymipi ima. Jaywallarqataj watapi kinsantin raymikunapi: Mana Levadurayoj T'anta raymipi, Semana raymipi, Ch'ujlla Ruwana raymipi ima.

Esdras 3:5

Jinallataj jaywarqanku sapa p'unchay q'olachina kajta, mosoj killapi q'olachinatapis, ajinallataj Tata Diospa jatun rayminkunapi q'olachina kajtapis. Chantá munasqankuman jina ofrendakunatapis qollajtaj kanku.

Daniel (hebreo) 11:31

Chaypachaqa paypa soldadonkuna Diospa Templonta millachikunaman tukuchenqanku, jinallataj sumaj jark'achasqa wasikunatapis. Diosman sapa p'unchay q'olachispa jaywanatapis sayachenqanku, cuentanmantataj millachikunata jaywanqanku.

Daniel (hebreo) 12:11

Waranqa iskay pachaj jisq'on chunkayoj p'unchaykuna kanqa, Diosman sapa p'unchay jaywana kajta saqechisqankumantapacha Diospa Templonpi millachikunapaj jaywasqankumantawan.

Daniel (hebreo) 8:11

Chaymantataj ch'askakunata kamachejpa contranpi sayaykusqa, Diosman sapa p'unchay jaywanatapis sayachisqa, Diosta yupaychana cheqatataj manakajman tukuchisqa.

Daniel (hebreo) 8:13

Chay qhepata uj angelqa waj angelta tapurishajta uyarerqani: Mayk'ajtaj tukukonqa imachus sapa p'unchay jaywana altarpi rikukushan, chayri? Mayk'ajkamataj Templopi millayta juchallispa kanqankuri? Mayk'ajkamataj Diosta qhatejkunata saronqankuri? nispa.

Levítico 3:5

Tukuy chaytaqa Aaronpa mirayninmanta sacerdotekuna altarpi q'olachenqanku, uywa ñak'asqa q'olachinatawan khuska. Chay q'olachisqa jaywanaqa Tata Diospaj ima munay q'aparishaj jaywana kanqa.

Levítico 6:9

9 (2) Aaronta, churinkunatawan kamachiy: Uywa ñak'asqata q'olachispa Diosman jaywanataqa ajinata ruwankichej: Uywata ñak'aspa jaywanaqa sut'iyanankama altarpi ruphanan tiyan. Ninaqa altarpi tukuy tutantinta lawrashallananpuni tiyan.

Amós 4:4

Israelitakuna, Betelman juchallej riychej, Gilgalpitaj astawan contraypi oqharikuychej. Tutamanta uywa ñak'asqa jaywanata apamuychej, sapa kinsa p'unchaytaj chunkamanta ujta t'aqasqaykichejmanta qoychej.

Números 28:10

Chay q'olachisqa jaywanata samarina p'unchaypi vino jaywanatawan, chantá sapa p'unchay q'olachispa jaywanatawan khuska jaywankichej.

Números 28:15

Chay jawa, q'olachispa Tata Diosman sapa p'unchay jaywanata vinotawan khuska jaywasqaykichejmanta, jucha pampachasqa kananpaj, uj chivota jaywallankichejtaj.

Números 28:23

Chay tukuy jaywanata Tata Diosman jaywankichej, chantapis tutamanta sapa paqarin q'olachispa Diosman jaywanatapis jaywallankichejtaj.

Números 28:24

Ajinata qanchisnintin p'unchaypi ruwankichej. Chay jaywana Tata Diospaj ima munay q'apashajta jaywana kanqa. Chay jawa, sapa p'unchay q'olachispa Tata Diosman jaywanata, vinotawan ima jaywankichej.

Números 28:31

Q'olachispa sapa p'unchay jaywanata, jinallataj ch'aki mikhuy jaywanata jich'anapaj vinotawan jaywankichej. Jaywanapaj uywakunaqa mana iman imanasqa kananku tiyan, nispa.

Números 28:4

Ujnin kajta tutamanta jaywawankichej, ujnin kajtataj ch'isiyaykuyta.

Números 29:11

Jinallataj jucha pampachasqa kananpaj, uj chivotawan jaywallankichejtaj. Jaywallankichejtaj jucha pampachana p'unchaypi jaywanata, chantá sapa p'unchay q'olachispa jaywanatawan. Sapa jaywanata, ch'aki mikhuy jaywanantinta chantá ch'ajchunapaj vinontinta jaywankichej.

Números 29:16

Jinallataj jucha pampachasqa kananpaj uj chivotawan jaywallankichejtaj. Chay jawa, sapa p'unchay q'olachispa jaywanatapis jaywallankichejtaj. Chaykunata ch'aki mikhuy jaywanantinta, ch'ajchunapaj vinontinta ima jaywankichej.

Números 29:6

Chay jawaqa, kamachisqa kasqanman jina, sapa killa q'olachispa jaywanata, jinallataj sapa p'unchay q'olachispa jaywanata, ch'aki mikhuy jaywanantinta, chantá ch'ajchunapaj vino jaywanantinta ima Diosman jaywallankichejpuni. Chay jaywanaqa Tata Diospaj ima munayta q'apashaj q'olachisqa jaywana kanqa.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

Hebreos 9:6

Chay tukuy ajina wakichisqa kajtin, sacerdotekunaqa Diospaj T'aqasqa Cheqa nisqa cuartoman kutin kutinta yaykorqanku, sacerdote jina imachus ruwanankuta junt'anankupaj.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.