Números 28:1 - DIOSPA QHELQACHISQ

¹ Tata Dios Moisesta nillarqataj:

Qheshwa Biblia DC

^1-2 Señorqa Moisesman parlarqa: Israelpa wawasninta kamachiy, maychus tiempompi t'antata, ruphachisqa kashan chay mikhunaytawan khuska sumaj q'apashajta jaywanawankuta.

DIOSPA QHELQACHISQAN DEUTEROCANONICAL

¹ Tata Dios Moisesta nillarqataj:

Números 28:1 ပူးပေါင်းရင်းမြစ်များ

1 Crónicas 23:31

Jinallataj samarina p'unchaypi, mosoj killa raymipi chantá jatuchaj raymikunapi ima uywa ñak'asqata q'olachispa Tata Diosman jaywananku karqa. Chayta levitakuna Tata Diospa ñawpaqenpi tukuy tiempo ruwananku karqa, mashkhachus kasqankuman jina, imachus ruwanankuman jinataj.

2 Crónicas 2:4

4 (3) Noqaqa Tata Diosniyta jatunchanaypaj uj Templota ruwasaj. Chaypi ima munay q'apashaj inciensota q'oshñichisaj, paypaj t'aqasqa t'antakunatataj sinrullata jaywasaj. Sapa p'unchay uywa ñak'asqata q'olachipusaj tutamanta, jinataj ch'isiyaykuyta, jinallataj samarina p'unchaypi, chantá killa rikhuriy p'unchaypi ima. Jinallataj ruwasaj Tata Diospa jatun rayminkunatapis, imaynatachus Israel ayllupi ruwakunpuni, ajinata.

2 Crónicas 23:18

Chantá sacerdote Joyadaqa Tata Diospa Templon patioman qhawajkunata churallarqataj, paykunataj sacerdotekunaj, levitakunaj kamachiyninkupi kananku karqa. Chay karqa David Tata Diospa Templopi mit'ata rak'isqanman jina, uywa ñak'asqata Tata Diosman q'olachinankupaj, Moisespa kamachisqanpi qhelqasqa kasqanman jina. Tata Diosta yupaychaspa kusiywan takinallankutaj karqa Davidpa kamachisqanman jina.

2 Crónicas 31:3

Chantapis kuraj kamachej Ezequiasqa, Tata Diospa kamachisqanman jina, kapuyninmanta qorqa, paqarinpi ch'isiyaypitaj sacerdotekuna uywakunata ñak'aspa q'olachinankupaj, jinallataj samarina p'unchaykunapi, killa rikhuriy p'unchaypi, jatuchaj raymikunapipis.

2 Crónicas 8:13

Moisespa kamachisqanman jina q'olachispa jaywallarqataj: Samarikuna p'unchaykunapi, killa qallarikuy raymipi ima. Jaywallarqataj watapi kinsantin raymikunapi: Mana Levadurayoj T'anta raymipi, Semana raymipi, Ch'ujlla Ruwana raymipi ima.

Esdras 6:9

Amallataj qonqaychejchu sapa p'unchay kay imakunata jaywayta Jerusalenpi sacerdotekunaj nisqankuman jina: Torillokunatachus, carnerokunatachus, chayrí corderokunatachus, janaj pachapi kaj Diosman jaywaspa q'olachinankupaj. Paykunaman qollankichejtaj trigota, kachita, vinota, aceitetawan ima.

Nehemías 10:33

Diosman t'antata jaywanapaj, sapa p'unchay ch'aki mikhuyta jaywanapaj, sapa p'unchay q'olachispa jaywanapaj, mosoj killapi jaywanapaj, samarina p'unchaypi jaywanapaj, raymikunapi jaywanakunapaj, waj jaywanakunapaj, Israelpa juchanmanta jaywanakunapaj, jinallataj Diosniykoj Templonpi waj imakunatachus ruwanapajpis.

Isaías 1:13

Amaña qhasi manakaj jaywanata apamuwaychejchu. Inciensoykichejpa q'oshñinta millachikuni. Killa qallariy raymi ruwasqaykichej, samarina p'unchay waqaychasqaykichejpis qhasi manakaj. Raymi ruwasqaykichejqa millay, manaña rikuyta atinichu.

Ezequiel 44:24

Quejakuna kajtinpis, paykuna juezkuna jina cheqanchanqanku kamachisqayman jina. Jinallataj kamachisqayman, nisqayman jina jatuchaj raymikunaytapis ruwanqanku. Samarikuna p'unchayniykunatataj noqapaj t'aqaspa waqaychanqanku.

Ezequiel 45:17

Kamachejtaj tukuy uywakunata q'olachispa jaywanapaj qonan tiyan, ch'aki mikhuy jaywanata jaywanapaj imachus kanan tiyan, chaypajpis qonallantaj tiyan. Jinallataj killa qallariypi vinota jaywanapaj, samarina p'unchaypi, israelitakunaj tukuy rayminkupi ima jaywanankupaj qonan tiyan. Jinallataj jucharayku jaywanapaj, ch'aki mikhuy jaywanapaj, uywa ñak'asqata q'olachisqa jaywanapaj, k'achata kawsakuy jaywanata jaywanapaj ima Israelpa juchan pampachasqa kananpaj qonallantaj tiyan, nispa.

Ezequiel 46:11

Tukuy raymipi, jinallataj jatun tantakuykunapi sapa torillowan iskay chunka kilo jak'utawan jaywanqanku, kikillantataj sapa carnerowan ruwanqanku. Corderokunawantaj munasqankuman jina jak'uta qonqanku. Sapa iskay chunka kilo jak'upajtaj kinsa litro khuskanniyoj aceiteta qonqanku.

Levítico 9:15

Chaymanta Aaronqa israelitakuna Tata Diosman jaywanankupaj apamusqankuta Diosman jaywallarqataj. Jinallataj Aaronqa chivota jap'iytawan ñak'arqa israelitakuna juchallisqanku pampachasqa kananpaj apamusqankuta, chantá Tata Diosman jaywarqa, imaynatachus ñawpajta jaywarqa, ajinata.

Números 27:23

Chaypitaj umanman makinta churaspa, cuentanmanta kamachej kananpaj churarqa, Tata Dios Moisesman nisqanman jina.

Números 28:2

Israelitakunata kamachiy, maychus tiemponpi t'antayta, jinallataj q'olachispa jaywanata jaywanawankuta. Chaykunaqa noqapaj ima munayta q'apashaj jaywanamin kanku.

Números 7:15

Chantá Nasón q'olachispa Diosman jaywananpaj qollarqataj uj torillota, uj carnerota, chantá uj watayoj corderota ima.

Gálatas 4:10

Qankuna jatun p'unchaykunata, mosoj killa raymita, waj raymikuna ruwanata, chantá wata qallariy raymita ima maypaj qhawaspa ruwashankichejraj.

Colosenses 2:16

Chayrayku qankuna ama kasuta ruwaychejchu pipis imatachus mikhusqaykichejmanta, chayrí ujyasqaykichejmanta juchachasojtiykichej. Amallataj kasuychejchu pipis raymikunata mana ruwasqaykichejmanta, nitaj killa qallariy raymita, samarina p'unchaytapis mana maypaj qhawasqaykichejmanta juchachasojtiykichej.