Números 27:17 - DIOSPA QHELQACHISQ

¹⁷ Chantá ñawpaqenkuta rispa, paykunata pusanqa, maymanchá rishanku chayman, ama qhatirpayasqa oveja jina mana michejniyoj purinankupaj, nispa.

DIOSPA QHELQACHISQAN DEUTEROCANONICAL

¹⁷ Chantá ñawpaqenkuta rispa, paykunata pusanqa, maymanchá rishanku chayman, ama qhatirpayasqa oveja jina mana michejniyoj purinankupaj, nispa.

Números 27:17 ပူးပေါင်းရင်းမြစ်များ

2 Samuel 5:2

Cheqamanta Saúl kuraj kamachejniyku kashajtinpis, qanpuni israelitakunataqa maqanakupi kamachej jina pusaykacharqanki. Chay jawaqa Tata Dios nisorqa: Qanpuni tukuy Israel aylluyta michinki, kamachinkitaj, nispa.

1 Reyes 22:17

Chantá Micaías nerqa: Noqaqa israelitakunata rikorqani orqo cheqanejpi ch'eqerasqata, mana michejniyoj ovejakuna jina. Tata Diostaj nerqa: Kaykunaqa mana michejniyoj kanku. Sapa ujninku wasinkuman allillanta ripuchunku, nispa.

1 Reyes 3:7

Kunantaj, Tata Diosníy, tatay Davidpa cuentanpi churawanki noqa kamachiykita kuraj kamachej jina kamachinaypaj. Noqarí waynallaraj kani, manataj yachanirajchu imaynatachus kamachinayta.

2 Reyes 11:8

Sapa ujniykichejtaj arma oqharisqa kuraj kamachejpa muyuyninpi kankichej. Pillapis qankuna ukhuman qayllaykamojqa wañuchisqa kachun. Kuraj kamachej llojsichunpis, yaykuchunpis qankunaqa paywanpuni kankichej, nispa.

2 Crónicas 1:10

Kunanqa mañakuyki yachayta, yuyaytawan qonawaykita, kay aylluykita kamachinaypaj. Pitaj atinman kay jatun aylluykita kamachiytari? nispa.

2 Crónicas 18:16

Chantá Micaiasqa nerqa: Rikuni tukuy israelitakunata orqonejpi ch'eqerasqa purikojta mana michejniyoj ovejakunata jina. Tata Diostaj nisqa: Kaykunaqa mana dueñoyojchu kanku. Sapa ujninku wasinkuman allillanta kutipuchunku, nispa.

Ezequiel 34:5

Ovejaykunaqa mana michejniyoj kasqankurayku ch'eqerarqanku, campopitaj phiña k'ita animalkuna paykunata mikhurarqanku.

Zacarías 10:2

Lantikunaj nisqankoqa llullamin, yatirikunaj watusqankupis qhasillamin. Imatachus mosqoypi jina nisqankupis qhasilla, sonqochakoj jina parlasqankupis yanqhalla. Chayraykumin aylloyqa chinkasqa oveja tropa jina thamaykachashanku, michejmanta jina ñak'arispa.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.

San Mateo 10:6

Manachayqa Israel ayllullaman riychej, pikunachus chinkasqa oveja jina kanku, chaykunallaman.

San Mateo 15:24

Jinapi Jesusqa warmita nerqa: Tata Diosneyqa Israel ayllullata yanapanaypaj kachamuwan, imaraykuchus paykuna chinkasqa oveja jina kashanku, nispa.

San Mateo 9:36

Ashkha runata rikuspataj, paykunamanta khuyakorqa, imaraykuchus paykuna saqerpayasqa, ch'eqerasqataj karqanku, mana michejniyoj ovejakuna jina.

Marcos 6:34

Chantá Jesusqa botemanta urayk'uspa, ashkha runata rikorqa. Paytajrí paykunata khuyakuywan qhawarqa, mana michejniyoj oveja jina kasqankurayku. Chantá paykunaman tukuy imata Diosmanta yachachiyta qallarerqa.

San Juan 10:9

Noqarí punku jina kani. Noqanejta yaykojqa qhespichisqa kanqa, mana pej ima nisqantaj yaykuyta, llojsiyta atenqa, chantá sumaj mikhunata tarenqa.

Deuteronomio 31:2

Noqaqa 120 watayojña kashani, chayrayku Manaña kayman jaqayman rinaypaj kallpay kanñachu. Chay jawa Tata Diosqa Jordán mayuta mana chimpanayta niwarqa.

1 Pedro 2:25

Ñawpajta qankuna chinkasqa ovejakuna jina karqankichej. Kunantajrí Cristoman kutirikunkichejña, paytaj michej jina qankunamanta allinta qhawashan.

1 Samuel 18:13

Chayrayku mana paywan khuska kananta munaspa, Davidta 1.000 soldadokunata kamachinanpaj churarqa. Davidtaj soldadonkunawan maqanakuman rejtaj, kutimojtaj.

1 Samuel 8:20

Noqaykupis waj suyukuna jina kuraj kamachejniyoj kasqayku. Payqa noqaykuta kamachiwasqayku, noqaykuwan khuskataj maqanakuman renqa, nispa.