Números 25:2 - DIOSPA QHELQACHISQ

² Chay warmikunaqa lantinkuman uywa ñak'asqata jaywana raymiman israelitakunata wajyarqanku. Israelitakunataj moabitakunaj lantinkoj sutinpi wayk'usqa mikhunata mikhuysikorqanku, paykunaj diosninkutataj yupaycharqanku.

Qheshwa Biblia DC

² Chay warmis pusarqanku lantisninkuman uywa wañuchisqasta jaywasharqanku chaykunaman. Israelitastaj chay mikhuykunasta mikhuysikorqanku, yupaycharqankutaj moabitaspa lantisninkuta.

DIOSPA QHELQACHISQAN DEUTEROCANONICAL

² Chay warmikunaqa lantinkuman uywa ñak'asqata jaywana raymiman israelitakunata wajyarqanku. Israelitakunataj moabitakunaj lantinkoj sutinpi wayk'usqa mikhunata mikhuysikorqanku, paykunaj diosninkutataj yupaycharqanku.

Números 25:2 ပူးပေါင်းရင်းမြစ်များ

1 Reyes 19:18

Chaywanpis noqaqa Israel suyupi 7.000 runakunata puchuchisaj, pikunachus Baal lantiman mana qonqorikorqankuchu, nitaj much'arqankuchu, chaykunata, nispa.

Salmos 106:28

Chantá israelitakuna Baal Pegor lantiman k'askapuspa, mana kawsayniyoj diosman jaywasqata mikhorqanku.

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Éxodo 22:20

20 (19) Pichus uywa ñak'asqata Tata Diosllaman jaywananta, waj dioskunallaman jaywajqa wañuchisqa kanqa.

Éxodo 23:24

Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

Éxodo 32:6

Q'ayantenqa tutamanta jatariytawan, israelitakuna uywa ñak'asqa q'olachinata, k'acha kawsakuy jaywanatawan ima waka uña lantiman jaywarqanku. Chaymantataj tiyaykurikuspa, mikhorqanku, ujyarqanku ima. Chantá kusiririkuspa tukuy imaymana khuchiriyota ruwanaman qokorqanku.

Jeremías 40:11

Ajinallatataj judiokuna, pikunachus Moabpi, Amonpi, Edompi, chay waj suyukunapipis kasharqanku, chaykunapis yachallarqankutaj Babiloniata kuraj kamachejqa judiokunamanta wakinta llajtankupi saqesqanta. Yachallarqankutaj Ajicanpa churin Gedaliasta kamachejninku kananpaj churasqanta.

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Miqueas 6:5

Munasqa ayllúy, yuyarikuy Moabmanta kuraj kamachej Balac imatachus contraykita wakichisqanta, Beorpa churin Balaampa kutichisqanta ima. Yuyarikuy Sitinmanta Gilgalkama imaynatachus risqaykita, yuyarikuytaj imaynatachus noqa Tata Dios sapa kuti awqaykimanta kacharicherqayki, chaytawan.

1 Corintios 10:20

Manapuni. Noqa nini: Mana judío kajkuna uywa ñak'asqata jaywaspaqa, supaykunaman jaywanku, manataj Diosmanchu. Noqataj mana munanichu supaykunawan ujchasqa kanaykichejta.

Deuteronomio 32:38

Maypitaj kashanku uywa jaywasqaj wiranta mikhojkunari? Maypitaj kashanku vino jaywasqaykichejmanta ujyajkunari? Chaykuna qankunata yanapaj sayarimuchunku. Jinallataj qankunata jark'akoj jamuchunku.

Josué 22:17

Manachu Peor nisqa cheqapi juchallisqanchejta yuyarikunkichej? Chaypi juchallisqanchejrayku Tata Diosqa wañuchej onqoywan jasut'iwarqanchej, ashkhataj wañorqanku. Juchallisqanchejraykutaj kunankama ñak'arishanchej.

Josué 23:16

Ajina kanqa sichus Tata Dios qankunawan trato ruwasqanta mana junt'ankichejchu chayqa. Sitajchus Tata Diosta wasanchaspa waj dioskunata yupaychankichej, chantá qonqorikunkichej ima chayqa, Tata Dios qankunapaj phiñakonqa, manaraj imapitaj kay sumaj jallp'amanta chinkachisqa kankichej, nispa.

Josué 23:7

Ama qankuna ukhupi tiyakoj waj llajtayojkunawan chhapukunkichejchu, nitaj qonqorikuspa diosninkuta yupaychankichejchu. Amallataj diosninkuta kasunkichejchu, ni paykunamanta parlallankichejpischu, nillataj sutinkupi tilunkichejchu.

Apocalipsis 2:14

Chaywanpis contraykipi noqa kayta nini: Qanqa Balaampa yachachisqanta qhatejkunata qhawakushallanki. Balaamqa kuraj kamachej Balacta yuyaychasqa israelitakunata juchallichinanta, lantikunaman jaywasqata mikhunankupaj, chantá khuchichakunankupaj ima.