Números 25:13 - DIOSPA QHELQACHISQ

¹³ Chayrayku payman, jinataj mirayninmanpis sacerdote kanankuta wiñaypaj qoni. Chayta ruwani imaraykuchus payqa Diosninmanta sienterqa, israelitakunaj juchallisqanku pampachasqa kanantataj tarerqa, nispa.

Qheshwa Biblia DC

¹³ Chayrayku payman qoni sacerdotej ruwanasninta wiñaypaj ruwanampaj, pay, jinallataj miraynimpis; imaraykuchus pay Diosninrayku chayta ruwan, jinallataj israelitaspaj perdonta tarinampaj.

DIOSPA QHELQACHISQAN DEUTEROCANONICAL

¹³ Chayrayku payman, jinataj mirayninmanpis sacerdote kanankuta wiñaypaj qoni. Chayta ruwani imaraykuchus payqa Diosninmanta sienterqa, israelitakunaj juchallisqanku pampachasqa kanantataj tarerqa, nispa.

Números 25:13 ပူးပေါင်းရင်းမြစ်များ

2 Samuel 21:3

Davidtaj paykunata tapurerqa: Imanasajtaj qankunawanri? Imatataj ruwasaj allinyananchejpaj, jinamanta Tata Diosqa ayllunta saminchananpajri? nispa.

1 Reyes 19:10

Paytaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan tratota ruwasqaykita wasanchaspa, altarniykita urmarachinku. Qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

1 Reyes 19:14

Eliastaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan trato ruwasqaykita saqerparinku. Altarniykita urmachinku, qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

1 Reyes 2:27

Ajinata Salomonqa Abiatarta Tata Diospa sacerdoten kasqanmanta wijch'orqa, jinamanta Tata Diospa nisqan junt'akunanpaj, Elíj ayllunmanta Silopi parlasqanman jina.

Nehemías 13:29

Chantá Diosman parlaspa nerqani: Diosníy, paykunata jasut'iy ari sacerdote kayta millaypaj qhawachisqankurayku, jinallataj sacerdotekunawan levitakunawan trato ruwasqaykitapis millaypaj qhawachisqankurayku, nispa.

Salmos 106:31

Diostaj Finespa chay allin ruwasqanta cuentaman churarqa, wiñay wiñaypaj wawankuna yuyarikunankupaj.

Salmos 119:139

Awqaykuna kamachisqaykita qonqapusqankurayku, phiñakuymanta sonqoy phatashanña.

Salmos 69:9

9 (10) Wasiykita sinch'ita munakusqayrayku anchata sienteni, sonqoykita nanachisojkunaj parlasqankutaj noqatapis nanachiwan.

Éxodo 29:9

Chaymantá Aaronta, jinallataj churinkunatapis chumpiwan chumpinki, jinaspataj sapa ujman ch'uluta churaranki. Ajinamanta paykunaqa kamachisqaman jina wiñaypaj sacerdoteykuna kanqanku. Ajinata Aaronta, churinkunatawan ima wiñaypaj sacerdoteykuna kanankupaj t'aqanki.

Éxodo 32:30

Q'ayantin Moisesqa tukuy israelitakunata nerqa: Qankunaqa ancha jatunta juchallinkichej. Kunanqa Tata Dios kashan, chayman risaj. Ichapis Tata Diosmanta mañakojtiy juchallisqaykichejta pampachananta tariyman, nispa.

Éxodo 40:15

Jinaspataj, sacerdoteykuna kanankupaj aceitewan paykunata jawinki, imaynatachus tatankuta jawerqanki, ajinata. Aceitewan jawisqaykirayku paykuna, jinataj mirayninkuna wiñay wiñaynintinpaj sacerdoteykuna kanqanku, nispa.

Isaías 61:6

Qankunataj Tata Diospa sacerdotenkuna nisqa kankichej, Diospa kamachinkuna nisqataj. Qankunaqa waj suyukunaj qhapaj kapuyninkumanta mikhunkichej, qhapaj kayninkuwantaj kusikunkichej.

Jeremías 33:18

Jinallataj levitakuna, sacerdotekuna ima kallanqapuni, sapa p'unchay uywa ñak'asqa q'olachinata jaywanankupaj, ch'aki mikhuy jaywanata, waj jaywanata ima jaywanankupaj, nispa.

Jeremías 33:22

Kamachiy Davidpa mirayninta, Levijpa mirayninmanta sacerdoteykunatapis may chhikaman mirachisaj janajpi ch'askakuna chhikata, chantá mama qochaj t'iyun chhikata, mana yupay atinata, nispa.

Levítico 15:15

Sacerdotetaj chaykunamanta ujninta jucha pampachasqa kananpaj jaywanqa, ujnintataj q'olachispa Tata Diosman jaywanqa. Ajinata sacerdoteqa q'eya onqoyniyoj qhari Tata Diospa ñawpaqenpi llimphupaj qhawasqa kananpaj ruwanqa.

Malaquías 2:8

Qankunarí, cheqan ñanmanta karunchakorqankichej, yachachisqaykichejwantaj ashkha runata pantacherqankichej. Ajinapi qankunaqa Leví jatun aylluwan trato ruwasqayta p'akinkichej. Noqa Tukuy Atiyniyoj Tata Dios ajinata nini.

Números 16:46

46 (17.11) Chantá Moisés Aaronta nerqa: Incienso q'oshñichinaykita apamuspa, altarmanta ninata churay, patanmantaj inciensota jich'aykuy. Chantá runakuna kashanku, chayman usqhayta rispa, Tata Dios juchallisqankuta pampachananta mañampuy. Tata Dios sinch'ita phiñakusqanrayku millay onqoy runata wañuchiyta qallarinña, nispa.

Números 16:47

47 (17.12) Chantá Aarón, Moisespa kamachisqanman jina, incienso q'oshñichinanta oqharikuspa, chayman inciensota jich'arqa. Jinaspataj, maypichus runakuna tantasqa kasharqanku, chayman usqhayta rerqa. Chantá paykunarayku Diosmanta mañaporqa juchallisqankuta pampachananta. Chaypajqa Tata Dios millay onqoyta apachimusqanqa runata wañuchisharqaña.

Números 17:12

12 (27) Chaymantataj israelitakuna Moisesta nerqanku: Noqaykupajqa manaña imapis suyanaykupaj jina kanñachu, tukuyniyku wañusqayku.

Números 25:14

Madián llajtayoj warmiwan khuska wañuchisqa karqa, chay israelitaj sutin Zimri karqa. Payqa Saluj churin karqa, Simeón jatun ayllumanta kuraj kajtaj.

San Juan 2:17

Chaypacha yachachisqankuna Diospa Qhelqachisqanpi imatachus nisqanmanta yuyarikorqanku: Diosníy, yupaychana wasiykita anchatapuni munakusqayrayku sonqoy lawrarin, nispa.

Hebreos 2:17

Chayta ruwananpajtaj payqa tukuy imapi wawqenkuna jina kananpuni karqa, ajinamanta kunan Diospa ñawpaqenpi khuyakuyniyoj kuraj kaj sacerdotenchej kananpaj. Jinataj cruzpi wañuspa kawsayninta jaywarqa runakunaj juchanku pampachasqa kananpaj.

Hebreos 7:11

Diosqa kamachisqankunata israelitakunaman qorqa, yuyaspa Leví ayllumanta sacerdotekuna israelitakunata yanapanankuta nisqanta junt'anankupaj. Sichus Leví ayllumanta sacerdotekunanejta runakuna Diospa tukuy mañasqanta junt'ayta atinkuman karqa chayqa, waj sacerdote rikhurimunan manaña necesariochu kanman karqa. Chayrayku chay sacerdote mana Aaronpa t'aqanmantachu kanan karqa, manachayqa Melquisedecpa t'aqanmanta.

Josué 7:12

Chayrayku israelitakunaqa awqankuta mana atipayta atenqankuchu. Aswanpis awqankoqa israelitakunata ayqechimullanqankupuni, imaraykuchus phirisqa kanankupaj jina kanku. Sichus qankuna, imachus phirisqa kananta nerqani, chaykunata mana usqhayta phirinkichejchu chayqa, mana noqapis qankunawanñachu kasaj.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

1 Juan 2:2

Paymin juchanchej pampachasqa kananpaj ñak'asqa uywata q'olachisqa jina jaywasqa karqa. Manataj noqanchejpa juchanchejraykullachu, jaywasqa karqa, astawanqa kay pachapi tukuy runaj juchankurayku.

Apocalipsis 1:6

Chay jawa Cristoqa noqanchej kamachejkuna jina kamachinanchejta munarqa, chantá Tata Diosninta yupaychanapaj sacerdotekunata jina churawarqanchej. Chayrayku pay jatunchasqa kachun, chantá wiñay, wiñaynintinpaj paymin kamachichun. Ajina kachun.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.