Números 25:11 - DIOSPA QHELQACHISQ

¹¹ Israelitakunaj contrankuta phiñakusqayta Eleazarpa churin Finés tiyaykuchin, imaraykuchus noqajta jinallataj paypa sonqonpis chay juchamanta t'impurerqa. Chayrayku israelitakunaj contrankuta sinch'ita phiñakushaspapis, mana paykunata tukucherqanichu.

DIOSPA QHELQACHISQAN DEUTEROCANONICAL

¹¹ Israelitakunaj contrankuta phiñakusqayta Eleazarpa churin Finés tiyaykuchin, imaraykuchus noqajta jinallataj paypa sonqonpis chay juchamanta t'impurerqa. Chayrayku israelitakunaj contrankuta sinch'ita phiñakushaspapis, mana paykunata tukucherqanichu.

Números 25:11 ပူးပေါင်းရင်းမြစ်များ

2 Samuel 21:14

Saulpa tullunta, jinataj Jonatanpatapis p'amparqanku Saulpa tatan Cispa covachanpi, Benjaminpa jap'iyninpi, Selá nisqa llajtapi. Tukuy imatataj kuraj kamachej kamachisqanman jina ruwarqanku. Chayta ruwasqankuraykutaj Diosqa israelitakunamanta khuyakorqa, tukuy imataj watejmanta poqorqa.

1 Reyes 14:22

Judá suyumanta kajkunaqa Tata Diospa ñawpaqenpi mana allintachu ruwarqanku, sinch'itataj payta phiñacherqanku. Ñawpa tatankoj juchallisqankumantapis astawanraj juchallerqanku.

Salmos 106:23

Chayrayku Dios nerqa: Paykunata tukuchisaj, nispa. Ajllakusqan Moisés paykunarayku mañapojtintajrí, Tata Diospa phiñakuynin tiyaykorqa. Ajinata ruwaspa, Moisesqa israelitakunata Tata Dios chinkarparichinanmanta jark'arqa.

Salmos 106:30

Chaypacha Finés sayarispa, chay juchallejta wañurparicherqa, juchallejta wañuchisqanraykutaj wañuchej onqoy sayarqa.

Salmos 106:31

Diostaj Finespa chay allin ruwasqanta cuentaman churarqa, wiñay wiñaypaj wawankuna yuyarikunankupaj.

Salmos 78:58

Paykuna loma patapi lantikunata yupaychanapaj altarkunata ruwaspa, chantá lantikunata yupaychaspa ima, Diosta phiñacherqanku.

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Éxodo 22:5

5 (4) Sichus pipis qallpapi, chayrí uva huertapi uywanta michinanpaj kacharinman chayqa, uywankunataj wajpa pastonpi chayrí uva huertanpi dañukamunkuman chayqa, uywayoj chajranmanta, chayrí uva huertanmanta aswan sumaj kajwan kutichipunan tiyan.

Éxodo 34:14

Amapuni ni mayqen diosman qonqorikunkichejchu, imajtinchus Tata Diosqa manchay celoso, sutenqa: “Celoso Dios”.

Ezequiel 16:38

Casarakuspaña waj qhariwan khuchichakoj warmita jina jasut'isqayki, runa wañuchita jinataj. Sinch'i phiñakuyniypi, celosakuyniywantaj qanta wañuchisqayki.

Nahúm 1:2

Tata Diosqa celoso, vengakojtaj. Payman sayaykojkunamanta vengakunpuni, awqankunapajtaj sinch'ita phiñakun.

Sofonías 1:18

Tata Diospa phiñakuyninpa p'unchayninpi runaqa mana qolqewan nitaj qoriwan kacharichikonqachu. Aswanpis Tata Diospa phiñakuynenqa nina jina tukuy llajtantinta q'olaykonqa. Ajinata kay pachapi tukuy tiyakojkuna uj ñawi ch'irmiypi chinkarparichisqa kanqanku.

Sofonías 3:8

Chayrayku, qankuna suyariwaychej, maypachachus noqa sayarisaj contraykichejpi parlanaypaj, chay p'unchaykama. Noqa Tata Dios kayta nini: Yuyaychakuni, suyukunata, kamachejkunatawan tantamuyta, phiñakuyniyta patankuman jich'aykunaypaj, may k'ajashaj phiñakuyniyta paykunaman rejsichinaypaj. Chay k'araj phiñakuyniyraykutaj tukuy kay pacha t'usti ruwasqa kanqa.

Números 25:10

Chantá Tata Dios Moisesta nerqa:

San Juan 3:36

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

1 Corintios 10:22

Chayta ruwaspa manachu yachankichej Tukuyta Kamachej Jesucristota celosachishasqanchejta? Chayrí yuyankichejchu paymanta aswan atiyniyoj kasqanchejta?

2 Corintios 11:2

Qankunamanta celosakusqayqa Tata Diosmanta. Qankunaqa qharej mana chayasqan sipas jina kankichej, noqataj uj qharillawan casaranaykichejpaj parlacherqaykichej, chaytaj Cristo.

Deuteronomio 29:20

20 (19) Tata Diosqa chay runaj juchanta mana pampachayta munanqachu, manachayqa k'arajta chay runaj contranta phiñakonqa. Kay qhelqapi qhelqasqa kaj tukuy llakiykunataj patanpi kanqa. Ajinata ruwaspa, Tata Diosqa chay runaj sutinta kay pachamanta chinkachenqa.

Deuteronomio 32:16

Waj dioskunata yupaychaspa, Diosta celosacherqanku. Millay ch'ichita ruwaspataj, phiñakuyninta k'ajaricherqanku.

Deuteronomio 32:21

Manakaj dioskunata yupaychaspa, celosachiwanku. Lantinkuwan sonqoyta t'impurichiwanku. Noqapis paykunata manakaj aylluwan sonqonkuta nanachisaj, mana yuyayniyoj runakunawantaj paykunata phiñachisaj.

Deuteronomio 4:24

Tata Diosniykichejqa manchay celosomin. Sichus pay jasut'isunkichejman chayqa, tukuy imata ruphaj nina jina tukuchisunkichejman.

Josué 22:13

Manaraj imapis kashajtin, Rubén jatun aylluman, Gad jatun aylluman, chantá Manasés khuskan jatun aylluman ima Eleazar sacerdotej churin Finesta kacharqanku.

Josué 24:19

Josuetajrí israelitakunata nerqa: Qankunaqa Tata Diosta kasuspa puriyta mana atinkichejchu, imaraykuchus payqa manchay llimphu Diosmin, celosotaj. Payqa mana qhawallanqachu contranpi oqharikusqaykichejta nitaj juchallisqaykichejtapis.