Números 25:1 - DIOSPA QHELQACHISQ

¹ Israelitakuna Sitinpi tiyakushajtinku, wakin qharikuna Moabmanta warmikunawan khuchichakuyta qallarerqanku.

Qheshwa Biblia DC

¹ Israelitasqa Sitimpi tiyakorqanku; chaypitaj qharisqa Moab warmiswan qhenchachakuyta qallarerqanku.

DIOSPA QHELQACHISQAN DEUTEROCANONICAL

¹ Israelitakuna Sitinpi tiyakushajtinku, wakin qharikuna Moabmanta warmikunawan khuchichakuyta qallarerqanku.

Números 25:1 ပူးပေါင်းရင်းမြစ်များ

2 Reyes 23:7

Tata Diospa Templonpi lantita yupaychaspa qharipura khuchichakojkunaj wasinkutapis urmacherqa. Chaypipis warmikunaqa Asera lantipaj p'achakunata awallajtaj kanku.

Salmos 106:28

Chantá israelitakuna Baal Pegor lantiman k'askapuspa, mana kawsayniyoj diosman jaywasqata mikhorqanku.

Éxodo 22:19

19 (18) Tukuy pichus uywawan t'inkinakojqa wañuchisqa kanqa.

Éxodo 34:15

Chayrayku chay cheqanejpi tiyakojkunawan amapuni ima tratotapis ruwakunkichejchu. Paykunaqa millayta ruwaspa, diosninkuta yupaychayta yachanku. Chantá uywa ñak'asqata diosninkuman jaywashaspa, qankunata wajyasunkichejman. Qankunataj rispa, paykunawan khuska diosninkuman jaywasqa mikhunata mikhuspa wasanchawankichejman.

Eclesiastés 7:26

Noqa wañuymantapis imachus astawan mana allin kasqanta tarini: Chayqa sajra purikoj warmimin. Sonqonqa uj tojlla jina, makinkunataj cadena jina mana qharita kacharinchu. Diosta kasoj runaqa chay jina warmimanta ayqekonqa. Juchasapa runarí chay warmej tojllanpi urmanqa.

Jeremías 40:11

Ajinallatataj judiokuna, pikunachus Moabpi, Amonpi, Edompi, chay waj suyukunapipis kasharqanku, chaykunapis yachallarqankutaj Babiloniata kuraj kamachejqa judiokunamanta wakinta llajtankupi saqesqanta. Yachallarqankutaj Ajicanpa churin Gedaliasta kamachejninku kananpaj churasqanta.

Ezequiel 20:21

Chaywanpis paykunaj churinkukunapis contrayta oqharikullarqankutaj. Mana kamachisqayman jinachu purerqanku, nitaj yachachisqaytapis kasorqankuchu. Manallataj junt'arqankuchu, mayqenkunata junt'aspachus runa kawsanqa, chaykunata. Samarina p'unchayniytapis pisipaj qhawarqanku. Chayrayku noqa ch'innejpi paykunaj patankuman k'araj phiñakuyniyta kachaykamuyta yuyarqani, ajinamanta paykunapi phiñakuyniyta thasnukunaypaj.

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Miqueas 6:5

Munasqa ayllúy, yuyarikuy Moabmanta kuraj kamachej Balac imatachus contraykita wakichisqanta, Beorpa churin Balaampa kutichisqanta ima. Yuyarikuy Sitinmanta Gilgalkama imaynatachus risqaykita, yuyarikuytaj imaynatachus noqa Tata Dios sapa kuti awqaykimanta kacharicherqayki, chaytawan.

Números 25:17

Madianitakunaj contrankuta maqanakoj rispa, wañuchimuychej.

Números 31:2

Israelitakunaj sutinpi madianitakunamanta vengakamuy, chaymantataj wañupunki, nispa.

Números 33:49

Jordán mayu kantupi jarankoqa Moab pampakunapi, Bet Yesimotmantapacha Abel Sitinkama chayarqa.

Números 7:15

Chantá Nasón q'olachispa Diosman jaywananpaj qollarqataj uj torillota, uj carnerota, chantá uj watayoj corderota ima.

1 Corintios 10:8

Ama noqanchejqa paykunamanta wakinkuna jina khuchiriyoman qokunachejchu. Chaypacha khuchiriyoman qokojkunaqa uj p'unchaylla 23.000 wañuchisqa karqanku.

Deuteronomio 3:29

Chay jinamanta, Bet Pegorpa chimpanpi kashan, chay vallepi qhepakorqanchej.

Deuteronomio 32:38

Maypitaj kashanku uywa jaywasqaj wiranta mikhojkunari? Maypitaj kashanku vino jaywasqaykichejmanta ujyajkunari? Chaykuna qankunata yanapaj sayarimuchunku. Jinallataj qankunata jark'akoj jamuchunku.

Deuteronomio 4:3

Qankuna kikiykichej, Baal Pegorpi Tata Dios imatachus ruwasqanta rikorqankichej. Tata Diosqa qankuna ukhumanta Baal Pegor sutiyoj lantita tukuy yupaychajkunata chinkacherqa.

Josué 2:1

Nunpa churin Josueqa Sitín nisqa chaymantapacha iskay wateqajkunata mana pejpa yachasqallan kachaspa, nerqa: Rispa, chay jallp'ata, chantá Jericó llajtatawan allinta qhawamuychej, nispa. Paykunataj rispa, Jericó llajtapi uj sajra purikoj warmej wasinman chayakorqanku, chay ch'isitaj chaypi qhepakorqanku. Chay warmej sutenqa Rajab karqa.

Josué 22:17

Manachu Peor nisqa cheqapi juchallisqanchejta yuyarikunkichej? Chaypi juchallisqanchejrayku Tata Diosqa wañuchej onqoywan jasut'iwarqanchej, ashkhataj wañorqanku. Juchallisqanchejraykutaj kunankama ñak'arishanchej.

Josué 3:1

Q'ayantin paqarin tutamanta jatarispa, Josuewan, chantá tukuynin israelitakunawan Sitinmanta purirerqanku. Jordán mayu kantuman chayaspataj, manaraj mayuta chimpashaspa, chaypi jarakorqanku.

Apocalipsis 2:14

Chaywanpis contraykipi noqa kayta nini: Qanqa Balaampa yachachisqanta qhatejkunata qhawakushallanki. Balaamqa kuraj kamachej Balacta yuyaychasqa israelitakunata juchallichinanta, lantikunaman jaywasqata mikhunankupaj, chantá khuchichakunankupaj ima.