Números 23:9 - DIOSPA QHELQACHISQ

⁹ Kay chhanka patamanta paykunata rikuni, kay orqo patamantataj paykunata qhawashani. Kay runakunaqa mana imatapis manchachikuspa, tiyakushanku. Tukuymanta nisqa waj jina runakuna kanku.

Qheshwa Biblia DC

⁹ Kay chhanka patamanta paykunata rikuni, kay orqo patamanta paykunata rikushani. Kay runasqa sapallanku tiyakunku, tukuy runasmanta waj jina runas kanku.

DIOSPA QHELQACHISQAN DEUTEROCANONICAL

⁹ Kay chhanka patamanta paykunata rikuni, kay orqo patamantataj paykunata qhawashani. Kay runakunaqa mana imatapis manchachikuspa, tiyakushanku. Tukuymanta nisqa waj jina runakuna kanku.

Números 23:9 ပူးပေါင်းရင်းမြစ်များ

Esdras 9:2

Jinallataj israelitakunaqa, wawankukunapis kay llajtayojkunaj ususinkukunawan casararqanku. Ajinamanta waj llajtayojkunawan Diospaj t'aqasqa ayllun chhapukunku. Tukuymanta aswan ñawpajtaqa kurajkuna, kamachejkunawan ima chay juchata ruwarqanku, nispa.

Ester (hebreo) 3:8

Chantá Amanqa kuraj kamachej Asuerota nerqa: Kuraj kamachejníy, kamachishanki kay suyu ukhupi waj llajtayoj runakuna t'aqa t'aqalla kashanku. Paykunataj kamachisqaykita mana kasukunkuchu. Paykunaj usunkoqa waj jinataj. Chaykunata kawsajta saqespataj, mana imata tarinkichu.

Éxodo 33:16

Qan noqaykuwan mana riwajchu chayqa, noqa, jinataj aylluyki Israel imaynapitaj yachasqayku qan khuyarikuwasqaykutari? Noqaykuwan rejtiykeqa, sut'ita yachakonqa noqa, jinataj aylluyki kay pachapi runakunamanta t'aqasqa kasqayku, nispa.

Jeremías 46:28

Noqa Tata Diosmin kayta nini: Ama manchachikuychu, Jacobpa ayllun, imaraykuchus noqa qanwan kashani. Maykunamanchus ch'eqeracherqayki, chay tukuy suyukunata phirisaj. Jinapis qantaqa mana chinkachisqaykichu, manachayqa mana allinta ruwasqaykiman jina jasut'ispa, cheqan ñanman churasqayki. Qanqa jasut'isqapuni kanayki tiyan. Noqa Tata Diosmin chayta nini.

Jeremías 49:31

Noqa Tata Dios kamachini: Chay suyoj contranta maqanakoj riychej. Chay llajtayojkunaqa ni imata manchachikuspa tiyakushanku, mana punkuyoj, mana wisq'anayojtaj llajtankupi sapallanku tiyakushanku.

Amós 9:9

Manachayqa kamachisaj Israelpa ayllunmanta kajkuna tukuynejman suysusqa kanankuta, imaynatachus runa trigota suysunapi suysun mana uj granollatapis pampaman urmachispa, ajinata.

Miqueas 7:14

Tata Dios, Israel aylluykita waqaychay qanpa tropaykita jina, imaraykuchus montepi chinkasqa oveja jina kashanku. Paykunata sumachaj jallp'akunaman pusariy. Ñawpajta jina, Basanpi chantá Galaadpi pastoman pusay.

2 Corintios 6:17

Chayrayku Dios nillantaj: Paykunaj chawpinkumanta llojsiychej, t'aqakuychejtaj. Ama ch'ichipaj qhawasqa kajta llankhaychejchu, noqataj qankunata jap'ikapusqaykichej.

Deuteronomio 32:8

Janaj pachapi kaj Diosqa suyukunaman chayaqenkuta qorqa, tukuy runatataj rak'irarqa. Suyukunamantaj mojonninkuta churarqa, Israelpa churinkuna mashkhachus kasqankuman jina.

Deuteronomio 33:28

Israelqa ni imata manchachikusqa tiyakonqa, miraynintaj sonqo tiyaykusqa kawsaypi kawsakonqanku. Jallp'ankupeqa trigo, uva ima sumajta poqonqa. Parapis ni jayk'aj pisiyanqachu.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.