Números 23:23 - DIOSPA QHELQACHISQ

²³ Jacobpa contranpi ima layqeriyopis mana kanchu, nillataj layqapis Israelpa contranta atinchu. Kunanqa Israelmanta nenqanku: Qhawaychej, Diosqa paykunapaj tukuy imaymana t'ukunata ruwasqanta, nispa.

Qheshwa Biblia DC

²³ Jacobpa contranta Israelitaspa contranta ima sajrata ruwaypis mana kanchu; layqeriosqa mana imananchu israelitastaqa. Israelitasmanqa kunan nina allin kashan: Mashkha imastataj Señorqa qampaj ruwarqa!

DIOSPA QHELQACHISQAN DEUTEROCANONICAL

²³ Jacobpa contranpi ima layqeriyopis mana kanchu, nillataj layqapis Israelpa contranta atinchu. Kunanqa Israelmanta nenqanku: Qhawaychej, Diosqa paykunapaj tukuy imaymana t'ukunata ruwasqanta, nispa.

Números 23:23 ပူးပေါင်းရင်းမြစ်များ

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Salmos 31:19

19 (20) Qanta yupaychasojkunapaj munakuyniykeqa may jinamin. Sumaj waqaychasqa qolqeta jina munakuyniykita paykunapaj jallch'anki. Chantá tukuy runaj rikunankuta qanpi atinikojkunaman munakuyniykita rikuchinki.

Salmos 64:9

9 (10) Chaypacha tukuy runakuna manchachikonqanku, Diospa ruwasqanmantataj parlanqanku, chantá ruwasqanpi unanchanqanku.

Isaías 41:4

Pitaj chay tukuy imata wakicherqa, chay ajinapuni kananpajri? Pitaj qallariymantapacha runakunata wajyarqa kawsanankupajri? Chay tukuytaqa noqa Tata Diosllamin ruwani. Noqaqa tukuy imaj qallariynin, tukuynintaj kani.

Isaías 44:25

Noqaqa llulla sut'inchajkunata pantachini, layqakunatapis p'enqayman churani. Yachayniyojkunata qhepaman kutirichini, yachayninkutataj manakajman tukuchini.

Ezequiel 21:21

21 (26) Babiloniamanta kuraj kamachejqa maynejmantachus iskaynin ñankuna qallarin, chaypi suerteta choqananpaj sayashan. Jinapi flechantapis thalarin, lantinkunata tapurikun, uywakunaj k'iwichankutataj qhawan.

Daniel (hebreo) 9:15

Tukuyta Kamachej Diosniyku, aylluykita Egiptomanta orqhomuspa, qan jatun atiyniykita rikucherqanki. Ajinata ruwasqaykirayku, chaymantapacha kunankama sutiyki jatunpaj qhawasqa kashan. Noqaykutajrí juchallispa, millay kajta ruwarqayku.

Miqueas 7:15

May t'ukuna imakunata paykunaman rikuchiy, imaynatachus Egiptomanta paykunata orqhomushaspa rikucherqanki, ajinata.

Números 24:1

Balaam israelitakunata saminchana Tata Diosman allin rijch'asqanta repararqa. Chayrayku manaña ñawpaj kutipi, chantá iskay kutipi jina Tata Diosta tapoj rerqachu. Manachayqa ch'innejta qhawarerqa.

San Mateo 12:25

Chantá Jesús imatachus yuyasqankuta yachaspa, nerqa: Sichus uj suyupi tiyakojkuna chejninakuspa t'aqanakunkuman chayqa, chay suyu mana sayanmanchu, tukukunman. Jinallatataj sichus uj llajtapi, chayrí wasi ayllupipis phiñanakuspa t'aqanakunkuman chayqa, manallataj khuska kayta atinkumanchu.

San Mateo 12:27

Chantá sichus noqa Beelzebujpa atiyninwan supaykunata qharqoni chayqa, pinejtataj yachachisqaykichejkunaqa supaykunata qharqonkuri? Chayrayku, chay nisqaykichejmanta paykuna juchachasonqachej.

San Mateo 16:18

Noqataj niyki: Qanqa Pedro kanki, kay chhanka patapitaj iglesiayta sayarichisaj. Ukhu pachaj atiyninpis mana iglesiaytaqa atipayta atenqachu.

San Juan 11:47

Chantá kuraj sacerdotekuna, fariseokuna ima Jatun Juntapi tantakuspa, nerqanku: Imatataj kay runawan ruwasunri? Payqa runaj mana jayk'aj rikusqan ashkha t'ukuna imakunata ruwashan.

Hechos 10:38

Chantá yachankichej imaynatachus Diosqa Santo Espirituta, atiytawan qosqanta Nazaret llajtayoj Jesusman. Jesustaj tukuynejta purerqa allinta ruwaspa, jinallatataj Kuraj Supaypa atiyninpi tukuy ñak'arejkunata qhaliyachispa, Dios paywan kasqanrayku.

Hechos 15:12

Chantá Pedroj nisqanta uyariytawan, tukuyninku ch'inyakorqanku, uyarinankupaj Bernabewan Pablowan imatachus willanankuta. Paykunataj willarqanku imaynatachus Dios paykunanejta runaj mana jayk'aj rikusqanta, may t'ukuna imakunata ima ruwasqanta mana judío kajkuna ukhupi.

Hechos 4:16

Paykuna nerqanku: Imatataj ruwasun kay runakunawanri? Jerusalenpi tukuy tiyakojkuna yachanku runaj mana jayk'aj rikusqan t'ukunata ruwasqankuta. Chayta mana pakayta atisunmanchu.

Hechos 5:12

Jesuspa kuraj kachankunanejta Diosqa runakuna ukhupi runaj mana jayk'aj rikusqanta, may t'ukuna imakunata ima ruwarqa, ajinamanta yachayta qospa Diosmanta kasqankuta. Chaypachataj Jesucristota qhatejkuna uj sonqolla tantakoj kanku Salomonpa Corredornin nisqa cheqapi.

Hechos 5:14

Chantá qharikuna jinallataj warmikunapis Tukuyta Kamachej Jesuspi atinikuspa, payman kutirikorqanku, ajinamantataj Jesusta qhatikojkuna astawan ashkhayasharqanku.

Romanos 16:20

Mana unaymantachu sonqo tiyaykuyta qoj Diosqa Supay Satanasta chakiykichej uraman churanqa. Tukuyta Kamachej Jesucristonchej qhasilla k'acha yanapaynin qankunawan kachun.

Deuteronomio 3:24

Tukuyta Kamachej Tata Diosníy, kamachiyki kani, qantaj may jatun kayniykita, jinataj may jina atiyniyoj kasqaykitawan rikuchiwayta qallarerqanki. Mana janaj pachapi, nitaj kay pachapipis qan jina waj dios kanchu, chay jina t'ukunata ruwajqa.

Josué 13:22

Jinallataj israelitakunaqa Beorpa churin watoj Balaamtapis wañuchillarqankutaj.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.