Números 23:19 - DIOSPA QHELQACHISQ

¹⁹ Diosqa mana wañoj runa jinachu llullakunanpaj, nitaj nisqanmanta kutirinanpaj. Nin chayqa, manachu ruwanqa? Parlan chayrí, imatachus nisqanta manachu junt'anqa?

Qheshwa Biblia DC

¹⁹ Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

DIOSPA QHELQACHISQAN DEUTEROCANONICAL

¹⁹ Diosqa mana wañoj runa jinachu llullakunanpaj, nitaj nisqanmanta kutirinanpaj. Nin chayqa, manachu ruwanqa? Parlan chayrí, imatachus nisqanta manachu junt'anqa?

Números 23:19 ပူးပေါင်းရင်းမြစ်များ

Génesis 26:3

Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Génesis 28:15

Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

1 Reyes 14:11

Jeroboanpa ayllunmanta llajtapi wañojtinku ayankuta alqokuna mikhonqanku, campopi wañojkunatataj suwintukuna mikhonqanku, imaraykuchus ajinata nin Tata Diosqa, nispa.

2 Reyes 15:12

Ajinata Jehuman Tata Diospa nisqan junt'akorqa: Wawaykikuna, allchhiykikuna, allchhiykej wawankuna, chantá paykunaj wawankuna imalla Israel suyuta kamachenqanku, nispa.

2 Reyes 7:2

Kuraj kamachejpa yanapajnintajrí Diosmanta sut'inchajninta nerqa: Tata Dios janaj pachata kicharispa jich'aykamunman chaypis, mana nisqayki jinaqa kanmanchu, nispa. Eliseotaj kuticherqa: Qan chayta kikin ñawiykiwan rikunki. Jinapis, mana chaymanta mikhunkichu, nispa.

1 Crónicas 17:17

Diosníy, chaypis mana chayllachu: Qanqa noqaj churiykunawan qhepanejman imachus kanqa, chaymantapis parlallawankipuni. May sumaj runapis kayman jinata qhawariwanki.

Salmos 110:4

Tata Diosqa tiluspa nisqanta mana p'akenqachu: Qanqa Melquisedec jinallataj wiñaypaj sacerdote kanki, nispa nisqanta.

Salmos 132:11

Tata Diosqa Davidman tiluspa, ujta nerqa, tilusqantataj mana p'akenqachu. Pay nerqa: Mirayniykimanta ujninta kamachinayki tiyanapi tiyachisaj.

Salmos 77:9

9 (10) Diosqa k'acha kasqanmanta qonqapunmanchu? Chhikatapunichu phiñakunman, manaña ujtawan khuyarikunawanchejpaj? nispa.

Salmos 89:34

34 (35) Noqaqa trato ruwasqayta mana p'akisajchu, nitaj nisqayta qonqasajchu.

Salmos 89:35

35 (36) Noqa uj kutillata may llimphu kayniyrayku tilorqani, manataj Davidman llullakusajchu.

Isaías 21:17

Cedarpa wapu soldadonkuna arcowan wach'ejkunamanta pisilla qhepakonqanku. Ajinata Israelpa Tata Diosnin nin.

Isaías 31:2

Tata Diosrí yuyayniyoj kasqanman jina ashkha llakiykunata chayachimonqa, imatachus nisqantataj junt'anqapuni. Payqa millayta ruwajkunaj contrankuta oqharikonqa, jinallataj millayta ruwajkunata yanapajkunaj contrankutapis.

Isaías 40:8

Qhora ch'akipun, t'ikapis qawirapun, Diosninchejpa simi nisqanrí wiñay wiñaynintinpaj sayallanpuni, nispa.

Isaías 46:11

Inti llojsimuynejmanta uj runata wajyani. Payqa karu suyumantapacha anka jina jamonqa wakichisqayta junt'ananpaj. Noqa ruwanayta nini, chay nisqaytataj junt'asajpuni. Imatachus wakichisqayta ruwasajpuni.

Isaías 55:11

Ajinallataj noqamanta llojsej simi nisqaypis kanqa. Mana jinallachu kutimuwanqa, manachayqa imatachus munasqayta ruwanqa, jinataj imapajchus kacharqani, chayta junt'anqa.

Jeremías 4:28

Tukuy jallp'aman llakiylla junt'aykonqa, janajpis llakiy p'achata churakonqa. Chayta nini, manataj imatachus nisqaymanta kutirisajchu. Chayta niniña, manataj kutiriymanchu, nispa.

Daniel (hebreo) 4:28

28 (25) Chaywanpis imatachus Daniel sut'inchasqa kuraj kamachej Nabucodonosormanta, chay tukuy junt'akorqa.

Oseas 11:9

Mana phiñakuyniy k'ajarisqanman jinachu ruwasaj. Mana ujtawan Efrainta chinkachisajñachu, imaraykuchus noqaqa Dios kani, manataj runachu. Noqa chawpiykichejpi May Llimphu Kaj Diosmin kani, manataj phiñasqachu qankunaman jamusaj.

Miqueas 7:20

Tata Dios, Jacobman imatachus nisqaykita ama qonqaychu, nitaj Abrahamta khuyakusqaykitapis, imaynatachus ñawpa tataykuman tiluspa nerqanki, ajinata.

Habacuc 2:3

Mosqoypi jina rikusqaykej junt'akunan tiempo manaraj chayamunchu. Chaywanpis junt'akonqapuni. Qheparisqanta rijch'asunki chaypis pacienciawan suyarillay, junt'akunan tiempotaj chayamonqapuni.

Malaquías 3:6

Noqa Tata Diosqa kasqay jinallapuni kani. Chayrayku Jacobpa mirayninmanta kajkuna, noqaqa mana qankunata chinkacherqaykichejchu.

Números 14:35

Noqa Tata Dios nini: Ajinata ruwasaj, noqaj contrayta oqharikoj millay sajra runakunata. Paykunaqa kay ch'innejpi tukukonqanku, chaypitaj wañonqanku, nispa.

Números 23:18

Chantá Balaam sut'inchayta qallarispa, nerqa: Siporpa churin Balac, sumajta uyariway.

San Lucas 21:33

Janajpis, kay pachapis tukukaponqanku. Chaywanpis, nisqayqa mana jayk'ajpis pasanqachu, junt'akonqankupuni.

Romanos 11:29

Imakunatachus Dios qon, chaytaqa mana qhechukapullantajchu. Wajyan chaypis, mana iskaychakunchu.

Romanos 9:6

Ajinata nispa, mana nishanichu Dios nisqanta mana junt'asqanta. Manachayqa pay wakin israelitakunawan nisqanta junt'an. Chaywanpis mana Israel miraymanta tukuy kajkunachu cheqapuni Diospa ayllunmanta kanku.

2 Timoteo 2:13

Sichus payta wasanchasunman chaypis, payqa nisqanta junt'allanpuni, imaraykuchus nisqanmanta manapuni kutirinchu.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

Hebreos 6:18

Diosqa mana jayk'aj llullakunchu. Chayrayku tiluspa nisqanmanta mana kutiriyta atinchu. Ajinaqa pikunachus waqaychasqa kayta mask'aspa, payman qayllaykojkuna paypi atinikuyta atinchej imatachus niwasqanchejta qonawanchejmanta.

Hebreos 7:21

Sacerdotenchej Jesustarí Dios tiluspa churasqa, maypachachus pay nerqa: Tukuyta Kamachej Dios tilorqa, manataj tilusqanta p'akenqachu. Pay nerqa: Qanqa wiñaypaj sacerdote kanki, nispa.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

Santiago 4:5

Chayrayku Diospa Qhelqachisqanpi ajinata nin: Diospa qowasqanchej Espiritoqa sinch'ita munakuspa, celosakuwanchej, nispa.

Josué 21:45

Tata Diostaj israelitakunaman tukuy sumaj nisqanta junt'arqa. Mana ujpis mana junt'asqanqa karqachu.

1 Samuel 15:29

Israelpa Tukuy Atiyniyoj Diosnenqa mana llullakunchu, nitaj sonqonta nanachikunchu. Payqa mana runachu imatachus nisqanmanta kutirinanpaj, nispa.

1 Samuel 3:12

Chaypacha noqaqa Elíj ayllunpa contranta tukuy nisqayta junt'asaj.