Números 22:6 - DIOSPA QHELQACHISQ

⁶ Ama jina kaspa, usqhayta jamuy ari, kay runakunata maldicinaykipaj, imaraykuchus noqamanta aswan atiyniyoj kanku. Ichapis qan maldicisqaykirayku, paykunata atipayman, qharqoymantaj kaymanta. Noqa yachani qanpa maldicisqayki, chayrí saminchasqaykeqa junt'akusqantapuni, nispa.

Qheshwa Biblia DC

⁶ Kunampacha usqhayta jamuy ari, kay runasta maldicinaykipaj, imaraykuchus noqamanta aswan atiyniyoj runas kanku. Ichapis qan maldicejtiyki atipayman, qharqoymantaj kaymanta. Noqa yachani qampa maldicisqayki, chayri bendicisqaykeqa ruwakumpuni, nispa.

DIOSPA QHELQACHISQAN DEUTEROCANONICAL

⁶ Ama jina kaspa, usqhayta jamuy ari, kay runakunata maldicinaykipaj, imaraykuchus noqamanta aswan atiyniyoj kanku. Ichapis qan maldicisqaykirayku, paykunata atipayman, qharqoymantaj kaymanta. Noqa yachani qanpa maldicisqayki, chayrí saminchasqaykeqa junt'akusqantapuni, nispa.

Números 22:6 ပူးပေါင်းရင်းမြစ်များ

Génesis 12:3

Qanta saminchasojkunata noqa saminchasaj, qanta maldicisojkunatatajrí maldicillasajtaj. Jinallataj qannejta kay pachapi tukuy runata saminchasaj, nispa.

Génesis 27:29

Tukuy imaymana rijch'aj runakuna kamachiykikuna kachunku. Waj suyukunamanta runakunataj ñawpaqeykipi qonqorikuchunku. Wawqeykikunatapis kamachillankitaj, mamaykej wawankunataj k'umuykamusuchunku. Maldicisojkuna maldicisqa kachunku, saminchasojkunatajrí saminchasqa kachunku, nispa.

1 Reyes 22:13

Pichus Micaiasta wajyaj risqa, chay kachaqa Micaiasta nerqa: Chay tukuy Diosmanta sut'inchajkunaqa Ajab atipananta uj similla ninku. Qanpis paykuna jinallataj allin kajta parlay ari, nispa.

1 Reyes 22:6

Chantá Israelpa kuraj kamachejnenqa Diosmanta sut'inchajkunata tawa pachajta jina tantaykorqa, chantá paykunata taporqa: Galaadmanta Ramotpa contranpi maqanakoj risajchu, amachu? nispa. Paykunataj nerqanku: Rillay, imaraykuchus Tata Diosqa chay llajtata jap'inaykipaj yanapasonqa, nispa.

1 Reyes 22:8

Chantá Ajab kuticherqa: Arí, uj kanraj, paynejta Tata Diosta tapurinapaj, Imlaj churin Micaías sutiyoj. Chaywanpis payta noqa chejnini, manapuni jayk'aj allin kajta sut'inchawasqanrayku, nispa. Josafattaj nerqa: Ama jinata parlaychu, nispa.

Nehemías 13:2

Chay ajina karqa imaraykuchus israelitakuna Egiptomanta ayqeshajtinku, paykuna israelitakunaman mana mikhunata, nitaj ujyanata jaywasqankuchu. Manachayqa Balaamman pagasqanku israelitakunata maldicinanpaj. Chaywanpis Diosniykoqa Balaampa maldicisqanta saminchayman tukuchisqa.

Salmos 109:28

Munaspaqa maldiciwachunkupis, qantajrí saminchallawankipuni. Paykuna maqanawankupaj sayaykuwankuman chaypis, p'enqachisqa kanqanku. Noqa kamachiykitajrí kusikullasajpuni.

Proverbios 26:2

Phichitanka kayman jaqayman phawaykachan, para p'isqopis muyuykachan. Ajinallataj pipis mana imallamanta runa masinta maldicejtin, mana chay runaman chayanqachu.

Ezequiel 13:6

Mosqoypi jina rikusqankoqa qhasi manakajlla, sut'inchasqankutaj llullalla. Tata Diosmanta sut'inchasqankuta ninku, noqatajrí paykunata mana kachamorqanichu. Chaywanpis imatachus sut'inchasqanku junt'akunanta suyanku.

Miqueas 6:5

Munasqa ayllúy, yuyarikuy Moabmanta kuraj kamachej Balac imatachus contraykita wakichisqanta, Beorpa churin Balaampa kutichisqanta ima. Yuyarikuy Sitinmanta Gilgalkama imaynatachus risqaykita, yuyarikuytaj imaynatachus noqa Tata Dios sapa kuti awqaykimanta kacharicherqayki, chaytawan.

Números 22:12

Tata Diostajrí Balaamta nerqa: Ama paykunawan riychu, nitaj israelitakunata maldiciychu, imaraykuchus paykunata noqa saminchani, nispa.

Números 22:17

Noqaqa mashkhatachá niwasqaykita pagasqayki, imatachá niwasqaykitataj ruwasaj. Chayrayku jamurillaway ari, kay runakunata maldicipunawaykipaj, nispa.

Números 23:13

Chaymanta Balac nerqa: Jaku, wajnejmanñataj rina. Chaymanta israelitakunaj jarankoj kantullanta rikunki, mana tukuynintachu. Chaynejmantapacha chay runakunata maldicinki, nispa.

Números 23:27

Chantá Balac nerqa: Jina kajtenqa, jaku, wajnejmanñataj risunchej. Ichapis Diosqa chaymanta israelitakunata maldicinaykita munanman, nispa.

Números 24:9

Israel león jina awaytarin, china león jina winkurin. Pitaj sayarichej qayllaykunmanri? Israelitakunata saminchajkuna saminchasqallataj kachunku. Maldicejkunataj maldicisqallataj kachunku, nispa.

Hechos 16:16

Uj p'unchay noqayku Diosmanta mañakoj rishajtiyku, uj kamachi sipas taripamuwarqayku. Pay supayniyoj kasqanrayku watuyta yachaj, chaynejtataj chay sipaspa patronninkuna ashkha qolqeta jap'ej kanku.

Deuteronomio 23:4

4 (5) Paykunaqa mana yakullatapis jaywarisorqachejchu, nitaj mikhunatapis qorisorqachejchu maypachachus paykunaj jallp'ankuta Egiptomanta llojsimuspa pasasharqankichej, chaypacha. Chantapis paykunaqa Mesopotamiapi Petor llajtamanta Beorpa churin Balaamman pagarqanku, qankunata maldicisunanpaj.

Josué 24:9

Chaymantaqa Moab suyuta kuraj kamachej Siporpa churin Balacñataj qankunawan maqanakoj llojsimorqa. Paytaj qankunata maldicisunaykichejpaj Beorpa churin Balaamta wajyachimorqa.

1 Samuel 17:43

Chantá Davidta nerqa: Noqaqa alqochu kani k'aspiwan maqanakoj jamunawaykipaj? nispa. Jinata niytawantaj, filisteoqa diosninpa sutinpi Davidta maldicerqa.