Números 22:3 - DIOSPA QHELQACHISQ

³ Jinallataj moabitakunaqa israelitakunata maytapuni manchachikorqanku, imajtinchus paykunaqa may chhikapuni karqanku.

Qheshwa Biblia DC

³ Jinallataj Moabmanta kajkunapis maytapuni manchachikorqanku chay israelitas may chhika kasqankumanta, junt'aykamushasqankumanta.

DIOSPA QHELQACHISQAN DEUTEROCANONICAL

³ Jinallataj moabitakunaqa israelitakunata maytapuni manchachikorqanku, imajtinchus paykunaqa may chhikapuni karqanku.

Números 22:3 ပူးပေါင်းရင်းမြစ်များ

Nehemías 13:2

Chay ajina karqa imaraykuchus israelitakuna Egiptomanta ayqeshajtinku, paykuna israelitakunaman mana mikhunata, nitaj ujyanata jaywasqankuchu. Manachayqa Balaamman pagasqanku israelitakunata maldicinanpaj. Chaywanpis Diosniykoqa Balaampa maldicisqanta saminchayman tukuchisqa.

Salmos 53:5

5 (6) Aswan qhepamanrí ni imata manchachikunapaj kashajtinpis, paykuna manchachikuspa kharkatitenqanku. Diosqa qanta maqayta munasojkunaj tullunkuta qhalliranqa. Paykuna p'enqaypi rikhurenqanku, imajtinchus Tata Dios paykunata qhesachan.

Éxodo 1:12

Chaywanpis jilaqatakuna astawan sinch'i ruwanawan ñak'arichishajtinkupis, israelitakunaqa astawan ashkhayarqanku. Chayrayku Egipto llajtayojkuna israelitakunata astawan manchachikorqanku.

Éxodo 15:15

Edompi kamachejkuna mancharenqanku. Moabpi kamachejkunapis manchachikuspa, kharkatitenqanku. Canaanpi tiyakojkunarí, ch'uchaliman tukonqanku.

Éxodo 23:27

May llajtamanchus chayankichej, chaypi tiyakojkunata noqa manchachisaj, awqaykichejkunataj qankunamanta ayqenqanku.

Isaías 23:5

Egiptomanta kajkuna Tiro llajta urmasqanta yachaspa, mayta llakikonqanku.

Deuteronomio 2:25

Kunanmanta ñawpajman tukuynejpi runakuna qankunamanta manchachikunankuta ruwasaj. Qankunamanta parlajta uyarispa, manchachikuywan kharkatitenqanku, nispa.

Josué 2:24

Paykuna Josueta nerqanku: Tata Diosqa chay tukuynin jallp'ata qowanchejña. Tukuy chaypi tiyakojkunaqa may jina mancharisqa kashanku, nispa.

Josué 9:24

Paykunataj Josueman kuticherqanku: Noqayku chayta ruwarqayku qankuna wañuchinawaykuta manchachikuspa, imaraykuchus yachayku Tata Diosniykichej kamachin Moisesman kamachisqanta, kay cheqanejpi tiyakojkunata wañurachispa, qankunaman kay jallp'ata qosunaykichejta.