Números 21:5 - DIOSPA QHELQACHISQ

⁵ Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.

Qheshwa Biblia DC

⁵ Chayrayku Diospa contranta, Moisespa contrantawan rimayta qallarerqanku: Imapajtaj Egiptomanta orqhomuwarqayku, kay ch'impi wañurachinawaykupajchu pusamuwarqayku? Kaypi mana mikhuna, nitaj yaku ujyanapaj kanchu. Kay Maná nisqa t'antapis amisqataña amiwayku.

DIOSPA QHELQACHISQAN DEUTEROCANONICAL

⁵ Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.

Números 21:5 ပူးပေါင်းရင်းမြစ်များ

Salmos 68:6

6 (7) Diosqa mana piniyojkunata ayllu ukhupi tiyachin, presokunatataj kacharichispa, kusiy kawsayman churan. Mana kasukuyta munajkunarí t'ajra pampallapi tiyakonqanku.

Salmos 78:19

Paypaj rimaspa, nerqanku: Kay ch'innejpi Dios mikhunata qoyta atinmanchu?

Éxodo 14:11

Moisestapis nillarqankutaj: Manachu Egiptopi aya p'ampana karqa? Kay ch'inpi wañunaykupajchu pusamuwarqayku? Imatataj kayta ruwawaykuri? Imapajtaj Egiptomanta orqhomuwarqaykuri?

Éxodo 15:24

Chaymanta israelitakunaqa Moisespa contranta thutuspa, nerqanku: Imatataj kunan ujyasqaykuri? nispa.

Éxodo 16:15

Chayta rikuspa, israelitakuna ujkuna ujkuna ninakorqanku: Imataj kayri? nispa, imaraykuchus mana yacharqankuchu imachus kasqanta. Chantá Moisés paykunata nerqa: Kay t'antatamin Tata Dios mikhunaykichejpaj qosunkichej.

Éxodo 16:31

Pallakusqankuta israelitakunaqa “maná”, nispa suticharqanku. Pallakoj kanku chayqa, culantro mujuman rijch'akoj karqa, yurajsitu, misk'itaj. Q'apaynintaj abeja misk'iyoj t'antapis kanman jina karqa.

Proverbios 27:7

Pichus sajsasqa kajqa abeja misk'itapis mana qhawarinñachu. Yarqhasqa runarí k'arkutapis misk'ita mikhuykun.

Ezequiel 20:21

Chaywanpis paykunaj churinkukunapis contrayta oqharikullarqankutaj. Mana kamachisqayman jinachu purerqanku, nitaj yachachisqaytapis kasorqankuchu. Manallataj junt'arqankuchu, mayqenkunata junt'aspachus runa kawsanqa, chaykunata. Samarina p'unchayniytapis pisipaj qhawarqanku. Chayrayku noqa ch'innejpi paykunaj patankuman k'araj phiñakuyniyta kachaykamuyta yuyarqani, ajinamanta paykunapi phiñakuyniyta thasnukunaypaj.

Números 11:20

Manachayqa amichikunaykichejkama, chantá millachikunaykichejkama aychata uj killa junt'ata mikhunkichej, imaraykuchus qankunawan kashaj Tata Diosta pisipaj qhawarqankichej. Qankunaqa Diospa ñawpaqenpi waqarqankichej: Imapajtaj Egiptomanta llojsimorqanchejri? nispa.

Números 16:41

41 (17.6) Q'ayantinrí tukuy israelitakunaqa Moisespaj, Aaronpaj ima rimarqanku: Qankunaqa Tata Diospa ayllunta wañurachishankichej, nispa.

Números 17:12

12 (27) Chaymantataj israelitakuna Moisesta nerqanku: Noqaykupajqa manaña imapis suyanaykupaj jina kanñachu, tukuyniyku wañusqayku.

1 Corintios 10:9

Jinallataj Cristo imata ruwananpaj atiyniyojchus manachus kasqanta yachariyta munaspa ama imatapis ruwanachu, imaynatachus paykunamanta wakin ruwarqanku, jinataqa. Chayta ruwasqankuraykutaj katarikunaj khanisqan wañurarqanku.