Números 20:20 - DIOSPA QHELQACHISQ

²⁰ Chaywanpis Edom suyuta kuraj kamachej kuticherqa: Qankunaqa manapuni kayninta pasankichejchu, nispa. Chaymantataj payqa israelitakunawan maqanakoj ashkha sumaj armasqa soldadokunawan llojserqa.

Qheshwa Biblia DC

^20-21 Edom reytaj paykunaman kuticherqa: Qankunaqa mana pasawajchejchu, nispa. Chaymantataj payqa israelitaswan maqanakoj llojserqa sumachaj soldadosninwan, sumaj wakichisqaswan, jallp'ankunejta amapuni pasachinankupaj. Chaymanta israelitasqa waj ñanninta jap'irerqanku.

DIOSPA QHELQACHISQAN DEUTEROCANONICAL

²⁰ Chaywanpis Edom suyuta kuraj kamachej kuticherqa: Qankunaqa manapuni kayninta pasankichejchu, nispa. Chaymantataj payqa israelitakunawan maqanakoj ashkha sumaj armasqa soldadokunawan llojserqa.

Números 20:20 ပူးပေါင်းရင်းမြစ်များ

Génesis 27:41

Chaymantapacha Esauqa Jacobta manchayta chejnikorqa, tatan payta saminchasqanmanta, nerqataj: Tatayqa ñapis wañuponqaña. Chaymanta qhepaman sullk'ay Jacobta wañurpachisaj, nispa.

Génesis 32:6

6 (7) Chantá kachakuna Esaujpaman risqankumanta kutimuspa, Jacobman willarqanku: Riyku wawqeyki Esauwan tinkukoj. Kunantaj pay kikin qanta taripasoj jamushan, 400 runakunata pusariykukuspa, nispa.

Salmos 120:7

Noqa sonqo tiyaykusqa kawsayta munaj runa kani. Sonqo tiyaykusqa kawsanamanta parlajtiyrí, paykuna maqanakuyllamanta parlawanku.

Amós 1:11

Tata Dios kay jinata nin: Edommanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus mana khuyakuspa, wawqenku israelitakunata wañucherqanku. Phiñakuyninkupi munayninkuta ruwarqanku, paykunatataj ni uj chhikanllatapis khuyarikorqankuchu.

Números 20:18

Edom suyuta kuraj kamachejtajrí kuticherqa: Jallp'aynejta mana pasankichejchu. Sichus mana uyarikuspa pasaytapuni munankichej chayqa, soldadoykunawan maqanakoj llojsimusaj, nispa.

Números 20:21

Jinataj Edom suyuta kamachej jallp'annejta manapuni pasanankuta munajtin, israelitakunaqa waj ñannejta riporqanku.

Jueces 11:17

Chaypachataj kachasqanku willajkunata Edompa kuraj kamachejninman chay jallp'annejta pasajta saqenanpaj. Chaywanpis payqa mana saqesqachu pasajta. Moabpa kuraj kamachejninmanpis willajkunata kachallarqankutaj, paypis manallataj munasqachu. Chayrayku israelitakunaqa Cadespi qhepakusqanku.

Jueces 11:20

Jinataj Sijonpis manallataj saqesqachu chayninta pasanankuta. Aswanpis soldadonkunata tantaykorqa, Yahás chaynejman jarakuspataj, israelitakunawan maqanakusqanku.