Números 20:12 - DIOSPA QHELQACHISQ

¹² Chaywanpis Tata Dios Moisesta, Aarontawan ima nerqa: Qankuna noqapi mana atinikorqankichejchu, nitaj israelitakuna rikushajtinku jatunchawarqankichejchu. Chayrayku mana qankunachu qonayta nerqani, chay jallp'aman kay runakunata pusaykunkichej, nispa.

Qheshwa Biblia DC

¹² Señortaj Moisesman Aaronmanwan nerqa: Qankuna noqapi mana creesqaykichejrayku, nitaj israelitas rikushajtinku jatunchawasqaykichejrayku, kunanqa kay runasta mana pusaykunkichejchu, ima jallp'atachus qosqaykichej nerqani chayman.

DIOSPA QHELQACHISQAN DEUTEROCANONICAL

¹² Chaywanpis Tata Dios Moisesta, Aarontawan ima nerqa: Qankuna noqapi mana atinikorqankichejchu, nitaj israelitakuna rikushajtinku jatunchawarqankichejchu. Chayrayku mana qankunachu qonayta nerqani, chay jallp'aman kay runakunata pusaykunkichej, nispa.

Números 20:12 ပူးပေါင်းရင်းမြစ်များ

2 Crónicas 20:20

Q'ayantenqa Judamanta soldadokuna tutamanta jatarikorqanku Tecoa ch'innejman puririnankupaj. Puririshajtinkutaj, Josafatqa sayarikuspa, nerqa: Jerusalenpi, jinataj Judapi tiyakojkuna, uyariwaychej: Tata Diosniykichejpi atinikuychej, amataj manchachikuychejchu. Diosmanta sut'inchajkunapipis atinikuychej, jinataj tukuy imapi allin risonqachej, nispa.

Salmos 106:32

Meribapi yaku qocha chimpapipis paykuna Tata Diosta phiñachillarqankutaj, paykunaraykutaj Moisestapis mana allinchu rerqa.

Salmos 99:8

Tata Diosniyku, qan paykunaj mañakusqankuta uyarej kanki, jinataj paykunaj juchankuta pampachaj Diosmin karqanki. Chaywanpis millayta ruwasqankuman jina paykunata jasut'erqanki.

Isaías 7:9

Efraín suyoj jatun llajtanqa Samaria. Remaliaspa churin Pecajtaj Samariaj kuraj kamachejnin. Sichus qankuna mana chayta jap'ikunkichejchu nitaj sinch'ita sayankichejchu chayqa, mana unaytachu qhepakunkichej, nispa.

Isaías 8:13

Aswanpis Tukuy Atiyniyoj Tata Diosllata may llimphupaj qhawaychej. Payllata may jatun respetowan qhawaychej, payllatataj kasuychej.

Ezequiel 20:41

Ima munayta q'apashaj inciensota jina jap'ikapusqaykichej, maypachachus ch'eqerasqa kashankichej, chay suyukunamanta, llajtakunamantawan orqhomuspa tantaykusqaykichej, chaypacha. Chantapis qankunanejta may llimphu kasqayta tukuy suyukunapi kaj runakunaman rikuchisaj.

Ezequiel 36:23

Qankuna waj suyukunapi may jatun sutiyta ch'ichicharqankichej. Noqatajrí chay suyukunaj ñawpaqenkupi sutiy may jina llimphuchus kasqanta rikuchisaj. Ajinata ruwajtiy, chay suyukuna yachanqanku noqa Tata Dios kasqayta.

Ezequiel 38:10

Tukuyta Kamachej Tata Dios kay jinata nillantaj: Chay p'unchaypi sonqoykiman mana allin yuyay jamusonqa, millay kajta ruwanata wakichinaykipaj.

Levítico 10:3

Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

Números 11:15

Sichus qan ajinallatapuni ruwawanki chayqa, aswan walej kanman khuyakuwaspa, wañuchinawayki. Jinatachus ruwawaj chayqa, manaña llakiyta rikuymanchu, nispa. Ajinata Moisesqa Tata Diosta nerqa.

Números 20:24

Aarón kaypi wañuponqa. Israelitakunaman jallp'ata qosaj, chayman mana yaykonqachu, imaraykuchus qankunaqa Meriba nisqa juturi kantupi kashaspa, kamachisqayta mana kasuwarqankichejchu.

Números 27:14

Zin ch'innejpi yakuta mañakuspa israelitakuna contrayta oqharikushajtinku, qankunaqa mana jatunchawarqankichejchu. Israelitakunaj ñawpaqenkupi qankuna kamachisqayta mana kasuwarqankichejchu, nispa. Chay yakoqa Zin ch'innejpi Meriba nisqa cheqapi kashan.

San Mateo 17:17

Jesustaj kuticherqa: Ay, noqapi mana atinikuyta atej runakuna. Mayk'ajkamataj qankunawan kasajri? Mayk'ajkamataj awantasqaykichejri? Chay waynata pusamuwaychejmá, nispa.

San Mateo 17:20

Jesustaj kuticherqa: Qankuna noqapi mana atinikusqaykichejrayku mana supayta qharqoyta aterqankichejchu. Noqataj kayta sut'ita niykichej: Noqapi atinikusqaykichejchus mostaza muju jinallapis kanman chayqa, kay orqota niwajchej: Kaymanta jaqayman ithirikuy, nispa, ithirinmantaj. Mana imapis qankunapaj kanmanchu mana ruway atinaqa.

San Lucas 1:20

Chaywanpis nisusqayta mana jap'ikusqaykirayku opayanki, nitaj parlarinkichu wawayki paqarinankama. Kay nisqaytaj junt'akonqa maychus kasqanman jina, nispa.

San Lucas 1:45

Kusikuyniyojmin kanki Diospa nisqanta jap'ikusqaykirayku, imaraykuchus Tukuyta Kamachej Diospa nisusqanqa junt'akonqapuni, nispa.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

Romanos 4:20

Abrahamqa mana ni tumpata iskayrayarqachu Dios qosaj nisqanta junt'ananmanta. Aswanpis Diospi astawan atinikorqa, jinamantataj Diosta tukuy sonqo jatuncharqa.

Deuteronomio 1:37

Qankunaj juchaykichejrayku, Tata Diosqa noqapajpis phiñarikullarqataj. Chayrayku niwarqa: Qanpis manallataj chay jallp'aman yaykunkichu.

Deuteronomio 34:4

Chantá Tata Diosqa Moisesta nerqa: Abrahamman, Isaacman, Jacobman, chantá mirayninman ima tiluspa qonayta nerqani, chay suyoqa kaymin. Noqa chay jallp'ata qan kikin ñawiykiwan rikunaykita munarqani. Chaywanpis mana chaymanqa yaykunkichu, nispa.

Deuteronomio 4:21

Chaywanpis Tata Diosqa qankunarayku noqapaj mayta phiñakorqa. Chantá tiluspa, Tata Dios niwarqa Jordán mayuta manapuni chimpanayta, nillataj qankunaman qosunkichej, chay sumaj jallp'aman yaykunayta.

Josué 1:2

Kamachiy Moisés wañupunña. Kunanqa, qan tukuynin israelitakunata Jordán mayuta chimpachinayki tiyan, noqa qosqaykichej, chay jallp'aman rinaykichejpaj.

1 Pedro 3:15

Manachayqa sonqoykichejpi Cristota Tukuyta Kamachejniykichejta jina mayta jatunchaychej. Jinataj wakichisqapuni kaychej, Diospi atinikuspa imatachus suyakushasqaykichejmanta sut'ita kutichinaykichejpaj. Pikunachus yachayta munajkunaman tapusqankuman jina llamp'u sonqowan kutichiychej, paykunata respetowan qhawaspa.