Números 20:11 - DIOSPA QHELQACHISQ

¹¹ Chayta niytawan, Moisés varanta oqharispa, iskay kutita chhankata wajtarqa, ashkha yakutaj phullchimorqa. Ajinamanta runakuna, uywakuna ima ujyanankupaj yaku karqa.

Qheshwa Biblia DC

¹¹ Chayta niytawan Moisesqa tojnuta oqharispa iskay kutita chhankata wajtarqa, yakutaj ashkha phullchimorqa. Ajinamanta runasqa yakuta ujyarqanku, jinallataj uywasninkupis.

DIOSPA QHELQACHISQAN DEUTEROCANONICAL

¹¹ Chayta niytawan, Moisés varanta oqharispa, iskay kutita chhankata wajtarqa, ashkha yakutaj phullchimorqa. Ajinamanta runakuna, uywakuna ima ujyanankupaj yaku karqa.

Números 20:11 ပူးပေါင်းရင်းမြစ်များ

1 Crónicas 15:13

Ñawpaj kutipi qankuna arcata mana apamusqaykichejrayku Tata Diosqa noqanchejmanta ujninchejta wañurparicherqa. Tata Diosta mana tapurispalla, nisqanta mana junt'arqanchejchu, nispa.

1 Crónicas 15:2

Chantá kamacherqa: Leví jatun ayllumanta kajkunalla Tata Diospa arcanta apayta atinku. Tata Diosqa arcanta apanankupaj, chantá paypaj llank'aspa kanankupaj Leví jatun ayllullata ajllakun, nispa.

Salmos 105:41

Chhankata Moisés wajtajtin, yaku jutumorqa, ch'aki pampatataj mayu jina purirerqa.

Salmos 114:8

Payqa chhankata yaku qochaman tukucherqa, chuki rumitataj juturiman.

Salmos 74:15

Juturikunata, mayukunata ima qan rikhuricherqanki. Ni jayk'aj ch'akej jatun mayukunata qanllataj ch'akicherqanki.

Salmos 78:15

Ch'innejpitaj chhankata iskayman ch'ejtarqa, chaymanta ashkha yakuta jutuchimuspataj, ujyacherqa.

Salmos 78:16

Payqa sinch'i chhankamanta yakuta phullchichimorqa, mayu jinataj puricherqa.

Salmos 78:20

Arí, qhawashajtinchej, Dios chhankata ch'ejtasqa, chaymantataj mayu jinapuni yaku phullchimusqa, jallp'atataj yaku p'ampaykusqa. Chaywanpis, kunan ayllunman t'antata, aychatawan ima qoyta atinmanchu? nispa.

Éxodo 17:6

Noqatajrí Horeb orqopi, chhanka chaynejpi suyasqayki. Qantaj chaypi chhankata varaykiwan wajtanki, yakutaj ujyanankupaj chaymanta llojsimonqa, nispa. Moisestaj israelitakunaj kurajninkukuna qhawashajtinku, chayta ruwarqa.

Isaías 43:19

Kunan noqa uj mosoj imata ruwasaj, chaytaj rikhurishanña. Manachu chayta qankuna reparashankichejri? Ch'innejpi watej uj ñanta kicharisaj, mayukunatataj ch'aki pampakunapi rikhurichisaj.

Isaías 48:21

Ch'innejta paykunata pusashajtin, yaku ch'akiymanta mana wañorqankuchu. Manachayqa Tata Diosqa chhankamanta yakuta phullchichimorqa. Chhankata lajrarqa, yakutaj purirerqa.

Oseas 13:5

Noqamin sansarishaj ch'innejpi waqaycharqayki.

Levítico 10:1

Uj kuti Aaronpata churinkuna Nadabwan, Abiuwan ima sapa uj incienso q'oshñichinata oqharikuspa, ninata churarqanku. Chantá ninaman inciensota churaspa, Tata Diosman jaywarqanku, mana kamachisqanman jinachu.

Números 20:8

Varaykita oqharispa, qanwan, chantá Aaronwan ima israelitakunata tantaychej. Jinaspataj, paykuna rikushajtinku, chhankata kamachiy yaku llojsimunanpaj. Chantá chhankamanta yaku phullchimojtin, israelitakuna, jinataj uywankupis yakuta ujyanqanku, nispa.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

1 Corintios 10:4

Jinallataj tukuyninku Diospa qosqan yakuta ujyarqanku. Chaytaj paykunawan khuska purej chhankamanta phullchimusqa, chay chhankataj Cristo karqa.

Deuteronomio 8:15

Tata Diosqa chay jina jatun manchachikuna ch'innejta pusamusorqachej. Chaynejpeqa ashkha khanikoj nina katarikuna, atojsillukunapis tiyan. Chay ch'innejpeqa mana ima yakupis karqachu. Chaywanpis payqa thuru chhankamanta yakuta orqhospa, ujyachisorqachej.

Santiago 1:20

Chayqa ajina, imaraykuchus pipis phiñakuspaqa, mana Diospa munasqanman jina cheqan kajta ruwayta atinchu.

Jueces 15:19

Chantá Diosqa Lehí nisqa cheqapi uj yaku juturita rikhuricherqa, Sansontaj chay pujyumanta ujyaspa, watej kallpachakorqa. Chayrayku chay jutureqa sutichasqa karqa: Enacoré, nispa. Chayqa kunankama Lehí cheqapi kashan.

1 Samuel 15:19

Chantá imaraykutaj Tata Diospa kamachisusqanta mana kasorqankichuri? Imaraykutaj amalecitakunaj sumachaj uywankukunata apakamporqankiri? Ajinata ruwaspa, Tata Diospa ñawpaqenpi nipuni allintachu ruwarqanki, nispa.

1 Samuel 15:24

Chantá Saulqa Samuelta nerqa: Arí, juchallini, Tata Diospa kamachisqanta, niwasqaykitawan mana kasuta ruwaspa. Chaytaqa ruwarqani runata manchachikuspa, imatachus mañawasqankuta uyarisqayrayku.