Números 19:22 - DIOSPA QHELQACHISQ

²² Mana llimphupajchu qhawasqa runaj tukuy imata llankhasqanqa ch'ichipaj qhawasqallataj kanqa. Pichus mana llimphupaj qhawasqa runata llankhajpis, ch'isiyaykuykama mana llimphupaj qhawasqallataj kanqa.

Qheshwa Biblia DC

²² Ch'ichipaj qhawasqa runaj llankhasqasnenqa ch'ichipaj qhawasqa kanqa. Pichus chay llankhasqasta llankhajpis ch'isiyaykuykama ch'ichipaj qhawasqallataj kanqa.

DIOSPA QHELQACHISQAN DEUTEROCANONICAL

²² Mana llimphupajchu qhawasqa runaj tukuy imata llankhasqanqa ch'ichipaj qhawasqallataj kanqa. Pichus mana llimphupaj qhawasqa runata llankhajpis, ch'isiyaykuykama mana llimphupaj qhawasqallataj kanqa.

Números 19:22 ပူးပေါင်းရင်းမြစ်များ

Levítico 15:1

Tata Dios Moiseswan, chantá Aaronwan ima parlaspa, nillarqataj:

Levítico 15:10

Pichus q'eya onqoyniyoj imapichus tiyaykusqanta llankhajqa ch'isiyaykuykama mana llimphupaj qhawasqa kanqa. Jinallataj q'eya onqoyniyoj tiyasqan imakunata apaykachajqa p'achanta t'ajsakunan tiyan, chantá yakuwan mayllakunan tiyan. Jinataj ch'isiyaykuykama mana llimphupaj qhawasqa kanqa.

Levítico 15:11

Sichus q'eya onqoyniyoj mana makinta mayllakuspalla pillatapis q'apirinman chayqa, q'apirichikojqa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyanankama mana llimphupaj qhawasqa kanqa.

Levítico 15:21

Sichus pillapis killanpi kashaj warmej puñunanta llankhanman chayqa, p'achanta t'ajsakunan tiyan. Jinallataj paypis yakuwan mayllakunan tiyan. Chantá ch'isiyanankama mana llimphupaj qhawasqa kanqa.

Levítico 15:22

Killanpi kashaj warmi imapichus tiyakusqanta pichus llankhajqa p'achanta t'ajsakunan tiyan. Jinallataj yakuwan mayllakunallantaj tiyan. Chantá ch'isiyanankama mana llimphupaj qhawasqa kanqa.

Levítico 15:23

Jinallataj killanpi kashaj warmi maynejpichus puñorqa, chayrí tiyaykorqa chayta llankhajqa ch'isiyaykuykama mana llimphupaj qhawasqa kanqa.

Levítico 15:27

Pichus chaykunata llankhajqa mana llimphupaj qhawasqa kanqa. Pichus llankhajqa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyaykuykama mana llimphupaj qhawasqa kanqa.

Levítico 15:5

Sichus pillapis q'eya onqoyniyoj qharej puñunanta llankhanman chayqa, p'achanta t'ajsakunan tiyan. Jinallataj yakuwan mayllakonqa, chantá ch'isiyaykuykama mana llimphupaj qhawasqa kanqa.

Levítico 15:6

Sichus pillapis q'eya onqoyniyoj imapichus tiyaykusqanpi tiyaykunman chayqa, p'achanta t'ajsakunan tiyan, jinallataj yakuwan mayllakunan tiyan. Chantá ch'isiyaykuykama mana llimphupaj qhawasqa kanqa.

Levítico 15:7

Pichus q'eya onqoyniyojta llankharejqa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyanankama mana llimphupaj qhawasqa kanqa.

Levítico 15:8

Sichus q'eya onqoyniyoj llimphupaj qhawasqa runaman thoqaykunman chayqa, thoqaykuchikoj runa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyanankama mana llimphupaj qhawasqa kanqa.

Levítico 22:5

chayrí qhatatakuspa purej animalta llankhaj, chayrí mana llimphupaj qhawasqa runata llankhaj imaqa,

Levítico 22:6

ch'isiyaykuykama mana llimphupaj qhawasqa kanqa. Chayraykutaj Diospaj t'aqasqa kajmanta mana mikhuyta atenqachu, manaraj ukhunta yakuwan mayllakuspaqa.

Levítico 5:2

Sichus pillapis mana reparakuspa, ch'ichipaj qhawasqa wañusqa animalta llankhanman, wasi uywata, chayrí pampata qhatatakuspa purej animalta chayqa, chay runa mana llimphupaj qhawasqa kanqa, juchayojtaj.

Levítico 5:3

Sichus pillapis mana reparakuspalla, runaj ukhunmanta llojsej ch'ichinta llankhanman chayqa, mana llimphupaj qhawasqa kanqa. Chantá qhepanejman reparakunman chaypis, juchayojmin kanqa.

Levítico 7:19

Ch'ichipaj qhawasqa imaman chayaj aychataqa mana mikhonqankuchu, manachayqa ruphachisqallaña kanan tiyan. Aychataqa llimphupaj qhawasqa kajkunalla mikhonqanku.

Levítico 7:21

Ichapis pipis runaj ch'ichinta llankhanman, chayrí ch'ichipaj qhawasqa animalta, chayrí ima ch'ichillatapis llankhanman, jinapis Tata Diosman k'achata kawsakuy jaywanamanta mikhunman chayqa, llajtamanta wijch'usqa kanqa, nispa.

Hageo 2:13

Chantá Diosmanta sut'inchaj Hageo ujtawan tapullarqataj: Nisunman, sichus mayqen runapis ayata llankhasqanrayku mana llimphupaj qhawasqa kaspa, chay mikhuykunata llankhanman chayqa, chay mikhuykuna ch'ichipaj qhawasqachu kanman? nispa. Sacerdotekunataj kuticherqanku: Arí, ch'ichipaj qhawasqa kanman, nispa.

Números 19:7

Chantá sacerdoteqa p'achanta yakuwan t'ajsanqa, tukuy ukhuntapis mayllakonqa. Chaymantataj jaraman yaykuyta atenqa. Chaywanpis ch'isiyaykuykamaraj mana llimphupaj qhawasqa kanqa.