Números 18:7 - DIOSPA QHELQACHISQ

⁷ Chaywanpis altarpi ruwanata, jinataj Diosllapaj T'aqasqa nisqa cheqapi ruwanatawan imaqa qanwan, chantá churiykikuna imalla ruwankichej. Sacerdote jina ruwanaqa qankunajllatamin, imaraykuchus noqa chay ruwanata qankunaman qoykichej. Sichus pipis mana sacerdote kashaspalla sacerdotej ruwananta ruwanman chayqa, wañuchisqa kanqa, nispa.

Qheshwa Biblia DC

⁷ Chantaqa qan, wawasniyki imalla ruwankichej sacerdotej ruwananta, altarpi imaschus ruwana kajta, veloj qhepampi, chay imasta qankuna allinta purichinaykichejpaj. Ajinata qankunata noqa churaykichej sacerdotej ruwanasninta ruwanaykichejpaj. Sichus pipis mana sacerdote kashaspalla sacerdotej ruwananta ruwanqa chayqa, wañonqa.

DIOSPA QHELQACHISQAN DEUTEROCANONICAL

⁷ Chaywanpis altarpi ruwanata, jinataj Diosllapaj T'aqasqa nisqa cheqapi ruwanatawan imaqa qanwan, chantá churiykikuna imalla ruwankichej. Sacerdote jina ruwanaqa qankunajllatamin, imaraykuchus noqa chay ruwanata qankunaman qoykichej. Sichus pipis mana sacerdote kashaspalla sacerdotej ruwananta ruwanman chayqa, wañuchisqa kanqa, nispa.

Números 18:7 ပူးပေါင်းရင်းမြစ်များ

Salmos 115:10

Aaronpa ayllunmanta sacerdotekuna, Tata Diosllapi atinikuychej, imajtinchus pay yanapasunkichej, jark'akusunkichejtaj.

Éxodo 28:1

Tata Dios Moisesta ujtawan nillarqataj: Wawqeyki Aaronta, churinkuna Nadabta, Abiuta, Eleazarta, Itamarta ima qanman jamunankuta niy. Paykunata sacerdoteykuna kanankupaj israelitakuna ukhumanta t'aqanki.

Éxodo 29:9

Chaymantá Aaronta, jinallataj churinkunatapis chumpiwan chumpinki, jinaspataj sapa ujman ch'uluta churaranki. Ajinamanta paykunaqa kamachisqaman jina wiñaypaj sacerdoteykuna kanqanku. Ajinata Aaronta, churinkunatawan ima wiñaypaj sacerdoteykuna kanankupaj t'aqanki.

Ezequiel 44:15

Chaywanpis Sadocpa miraynin levitakunamanta wakin sacerdotekuna Temploypi imachus ruwanankunata allinta junt'arqanku, maypachachus Israel ayllu noqamanta karunchakusharqanku, chaypacha. Chayrayku paykuna ñawpaqeyman qayllamuspa, imachus ruwana kajta ruwanankupaj. Chantá wirata, yawartawan jaywanawankupaj ñawpaqeypipuni kanqanku. Noqa Tukuyta Kamachej Tata Diosmin chayta nini.

Ezequiel 44:16

Paykuna Temployman yaykonqanku, mesaymantaj qayllamonqanku imachus ruwanan kajta ruwanankupaj, kamachisqaytataj junt'anqanku.

Ezequiel 44:8

Temploypi noqata yupaychanapaj imachus ruwanata mana qankuna junt'ankichejchu. Astawanpis waj llajtayojkunata chay imakunata ruwanankupaj churarqankichej.

Levítico 16:2

Chantá Tata Dios Moisesta nerqa: Wawqeyki Aaronta niy ama mayk'ajllapis veloj wasanpi kashan, chay Diosllapaj T'aqasqa nisqa cheqaman yaykunanta. Nillataj Diospa arcanpata kirpananpa ñawpaqenman chimpananchu tiyan. Sichus yaykunman chayqa, wañonqa imaraykuchus arcaj kirpananpi noqa, phuyupi rikuchikusaj.

Levítico 7:35

Chaykunata noqa Tata Dios sacerdoteykuna kanankupaj t'aqarqani, chaymantapacha noqaman q'olachispa jaywanamanta Aaronman, mirayninmanwan ima qorqani.

Números 1:51

Dioswan Tinkukuna Toldota mayman apana kajtenqa, paykuna toldota phaskanqanku. Maymanchus chayaspataj, paykunallataj toldota sayarichenqanku. Sichus pillapis mana levita kaspalla chay toldoman qayllaykunman chayqa, wañuchisqa kanqa.

Números 16:40

40 (17.5) Ajinata ruwarqa tukuy israelitakuna yuyarikunankupaj, mana pillapis Tata Diosman inciensota q'oshñichispa jaywayta atisqankuta, manachayqa Aaronpa ayllunmanta kajkunalla. Wajkuna chay jinallataj ruwankuman chayqa, Coré, chantá payta qhatejkuna imaynatachus wañorqanku, jinallatataj wañonqanku. Ajinata Eleazar Tata Dios Moisesnejta kamachisqanman jina, ruwarqa.

Números 18:20

Tata Dios Aaronwan parlaspa, nillarqataj: Qanqa Israel suyu ukhupi mana jallp'ayojchu kanki. Noqamin qanpa chayaqeyki, jinataj kapuyniyki kasaj.

Números 18:3

Levitakunaqa qanpa kamachisqaykita Dioswan Tinkukuna Toldopi imachus ruwanata ruwanqanku. Chaywanpis Dioswan Tinkukuna Toldopi imakunachus tiyan, chantá altarman ima amapuni qayllanqankuchu, ama qankuna, nitaj paykunapis wañunankupaj.

Números 3:10

Aaronta, miraynintawan ima sacerdote ruwanata ruwanankupaj churanki. Sichus waj runa, mana sacerdote kaspalla sacerdote jina ruwanman chayqa, wañuchisqa kanqa, nispa.

Números 3:38

Dioswan Tinkukuna Toldoj ñawpaqenpi, inti llojsimuynejpi jarakorqanku Moiseswan, Aaronwan, chantá paypa churinkuna ima. Paykunaqa israelitakunaj sutinkupi Diospa tiyakunan cheqata qhawarqanku. Sichus pipis mana sacerdote kaspalla, sacerdotej ruwananta ruwanman karqa chayqa, wañuchisqa kanan karqa.

San Mateo 10:8

Chantá onqosqakunata qhaliyachiychej, wañusqakunatataj kawsarichiychej. Jinallataj llejti onqoyniyojkunata qhaliyachispa llimphuchaychej, supaykunatapis runakunamanta qharqoychej. Qankunaqa kay atiyta qhasilla jap'erqankichej. Chayrayku chay ruwasqaykichejmantaqa ama pagachikuychejchu.

San Juan 3:27

Chantá Juan kuticherqa: Runaqa mana imatapis jap'iyta atinmanchu, manachus Dios qonman chayqa.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

Deuteronomio 18:2

Paykunaqa mana llajta masinku jinachu jallp'ata jap'enqanku, imaraykuchus paykunajta Tata Diosmin chayaqenku kanqa, imaynatachus nisqanman jina.

Hebreos 5:4

Mana pipis munasqanraykullaqa kuraj kaj sacerdote kayta atinmanchu. Manachayqa Diospuni payta wajyaspa, kuraj kaj sacerdote kananpaj churan, imaynatachus Diosqa Aaronta wajyaspa churarqa, ajinata.

Josué 18:7

Levitakunarí qankunaj chawpiykichejpi mana jallp'ayojchu kanqanku, imaraykuchus paykunaj chayaqenkoqa Tata Diospa sacerdotenkuna kana. Chantá Gad jatun aylluwan, Rubén jatun aylluwan, Manasés khuskan jatun aylluwanqa Jordán Mayoj chimpanpi, inti llojsimuynejpi ñapis jallp'ata jap'inkuña. Chay jallp'ataqa Tata Diospa kamachin Moisesña qorqa.

1 Pedro 5:2

Qankuna tropata michiychej, pikunatachus Dios qhawanaykichejpaj makiykichejman churarqa, chaykunata. Tukuy sonqomanta paykunata qhawaychej, imaynatachus Dios munasqanman jina, ama tanqasqa jinallachu. Amataj qolqeta mask'aspachu paykunata qhawaychej, manachayqa Tukuyta Kamachej Jesucristoj kamachisqanta ruwayta munasqaykichejrayku.

1 Pedro 5:3

Qhawanaykichejpaj churasqa kashanku, chaykunataqa ama qankunajtapis kankuman jinachu qhawaychej. Manachayqa qankuna k'achata kawsaychej, qankuna jinallataj paykunapis k'achata kawsanankupaj.

1 Samuel 2:28

Chantá Israelpa tukuynin ayllun ukhumanta sacerdoteykuna kanankupaj paykunata ajllakorqani, uywa ñak'asqa jaywanata altarniy patapi q'olachinankupaj, jinataj inciensota q'oshñichinankupaj, chantá unkuta ñawpaqeypi churakunankupaj ima. Chay jawa ñawpa tataykichejkunaman qollarqanitaj, imakunatachus israelitakuna Tata Diospaj apamunku, chaymanta mikhunankupaj.