Números 18:5 - DIOSPA QHELQACHISQ

⁵ Qankuna Diosta yupaychana cheqata, chantá altarta ima qhawanaykichejpaj churasqa kankichej, ama israelitakunaj contranta ujtawan k'arajta phiñakunaypaj.

Qheshwa Biblia DC

⁵ Qankunalla cuentayoj kankichej Diospa tiyakunampi imaschus kashan chaykunamanta, altarmantawan. Ajinamanta manaña phiñakusajchu israelitaswan.

DIOSPA QHELQACHISQAN DEUTEROCANONICAL

⁵ Qankuna Diosta yupaychana cheqata, chantá altarta ima qhawanaykichejpaj churasqa kankichej, ama israelitakunaj contranta ujtawan k'arajta phiñakunaypaj.

Números 18:5 ပူးပေါင်းရင်းမြစ်များ

1 Crónicas 23:24

Chaykuna Leví jatun ayllumanta karqanku, sapa ayllumanta kurajkuna yupasqa kasqankuman jina. Paykunaqa iskay chunka watayojmanta pataman, Tata Diospa Templonpi imachus ruwana, chayta ruwanankupaj churasqa karqanku,

1 Crónicas 23:32

Ajinallatataj paykunaqa Dioswan Tinkukuna Toldota, Diospaj T'aqasqa nisqa cheqatapis qhawanankupaj churasqa karqanku. Ajinata Tata Diospa Templonpi imachus ruwanankuta ayllu masinku Aaronpa mirayninmanta kajkunawan ruwananku karqa.

1 Crónicas 24:5

Mit'ataqa suerteta choqaspa rak'irarqanku. Ajinata ruwarqanku, imaraykuchus Eleazarpa mirayninmanta, jinataj Itamarpamantapis Templopi sirvejkuna, chantá Diosta yupaychana cheqapi sirvejkuna karqanku.

1 Crónicas 9:19

Salunqa Coréj churin karqa. Coretaj Ebiasafpata churin. Paytaj Coréj churin karqa. Payqa ayllunwan ima Diospa Temploj pationpa yaykuna punkunta qhawanankupaj churasqa karqanku, imaynatachus ñawpa tatankukunapis Tata Diospa jaranta qhawaj kasqanku, ajinata.

1 Crónicas 9:23

Paykuna chantá churinkuna ima ujtaj ujtaj mit'api Tata Dioswan Tinkukuna Toldoman yaykuna punkuta qhawaj kanku.

1 Crónicas 9:33

Kallarqankutaj takejkunapis levita ayllukunamanta kurajkuna. Paykunaqa Diospa Templonpi kaj cuartokunapi tiyakorqanku. Chantá imachus ruwanankuta tuta p'unchay ruwananku kasqanrayku, waj ruwanata mana ruwanankuchu karqa.

Éxodo 27:21

Aaronwan, churinkunawan ima lamparakunata allinchanqanku. Chantá lamparakunata churanqanku Dioswan Tinkukuna Toldopi, arcaj ñawpaqenpi kashan, chay velomanta jawaman, noqaj ñawpaqeypi tuta p'unchay k'anchananpaj. Kay kamachisqayqa israelitakunapaj, mirayninkupajwan ima wiñaypaj kanqa.

Jeremías 23:15

Chayrayku noqa Tukuy Atiyniyoj Tata Dios chay sut'inchajkunaj contrankupi nini: Noqaqa k'allku mikhunata paykunaman mikhuchisaj, venenoyoj yakutataj ujyaykuchisaj, imaraykuchus Jerusalenpi kaj sut'inchajkunaj millay ruwasqankoqa tukuy suyumanña junt'aykun, nispa.

Ezequiel 44:15

Chaywanpis Sadocpa miraynin levitakunamanta wakin sacerdotekuna Temploypi imachus ruwanankunata allinta junt'arqanku, maypachachus Israel ayllu noqamanta karunchakusharqanku, chaypacha. Chayrayku paykuna ñawpaqeyman qayllamuspa, imachus ruwana kajta ruwanankupaj. Chantá wirata, yawartawan jaywanawankupaj ñawpaqeypipuni kanqanku. Noqa Tukuyta Kamachej Tata Diosmin chayta nini.

Ezequiel 44:16

Paykuna Temployman yaykonqanku, mesaymantaj qayllamonqanku imachus ruwanan kajta ruwanankupaj, kamachisqaytataj junt'anqanku.

Levítico 10:6

Chaymanta Moisesqa Aaronta, chantá Eleazarta, Itamartawan ima nerqa: Ama mana ñajch'asqaqa kaychejchu, nitaj p'achaykichejtapis llik'ikuychejchu wañusqakunarayku llakisqa kasqaykichejta rejsichispa. Sichus chayta ruwankichej chayqa, qankunapis wañuchisqallataj kankichej, Tata Diostaj israelitakunapaj k'arajta phiñakonqa. Ayllu masiykichej israelitakunalla Tata Dios Nadabta, chantá Abiutawan ima ninawan ruphachisqanmanta waqachunku.

Levítico 24:3

Aaronqa Dioswan Tinkukuna Toldoman yaykunapi lamparakunata churanqa, tukuy tutantin k'anchananpaj, Tata Diospa ñawpaqenpi, velomanta jawapi, Diospa trato ruwasqan arcaj ñawpaqenpi. Kay kamachisqaqa tukuy mirayniykichejpaj wiñaypaj kanqa.

Zacarías 10:3

Chayrayku Tata Dios nin: Aylluyta michejkunapajmin phiñakuyniy astawan k'ajarin, noqataj aylluyta kamachejkunata jasut'isaj, nispa. Kunantaj Tukuy Atiyniyoj Tata Dios Judáj mirayninta tropanta jina waqaychanqa, aylluntataj yanapanqa, maqanakupaj wakichisqa caballo jina kallpayoj kanankupaj.

Números 1:50

Tukuynin levitakunata churanki Dioswan Tinkukuna Toldota, chantá chaypi tukuy ima kajta qhawanankupaj. Paykunaqa Dioswan Tinkukuna toldota, chantá chaypi tukuy ima kajtawan mayman rispapis apanqanku. Dioswan Tinkukuna Toldopi imachus ruwanatapis paykuna ruwanqanku. Jinallataj paykunaqa toldoj muyuyninpi muyurisqata jarakonqanku.

Números 1:53

Levitakunaqa Dioswan Tinkukuna Toldoj muyuyninpi jarakonqanku, toldota qhawanankupaj, ama Tata Dios israelitakunaj contranta phiñakunanpaj, nispa.

Números 16:46

46 (17.11) Chantá Moisés Aaronta nerqa: Incienso q'oshñichinaykita apamuspa, altarmanta ninata churay, patanmantaj inciensota jich'aykuy. Chantá runakuna kashanku, chayman usqhayta rispa, Tata Dios juchallisqankuta pampachananta mañampuy. Tata Dios sinch'ita phiñakusqanrayku millay onqoy runata wañuchiyta qallarinña, nispa.

Números 18:4

Levitakunaqa qanta yanapasonqanku, jinataj Dioswan Tinkukuna Toldopi imachus ruwanata ruwanqanku. Chaywanpis Leví jatun ayllumanta mana kajqa manapuni qayllamuyta atenqachu.

Números 4:18

Qankunaqa Leví jatun ayllu ukhumanta Coatpa miraynin chinkapunanta ama saqenkichejchu.

Números 8:19

Noqa israelitakuna ukhumanta levitakunata ajllakuspa, Aaronman, chantá churinkunaman ima qorqani. Paykuna israelitakunaj sutinpi Dioswan Tinkukuna Toldopi imachus ruwanata ruwanqanku, jinallataj israelitakunaj juchanku pampachasqa kananpaj paykunarayku Diosman jaywanqanku. Ajinamanta israelitakuna Dioswan Tinkukuna Toldoman qayllajtinku, mana ima llakiypis qhatirenqachu, nispa.

Números 8:2

Aaronta ajinata niy: Qanchis lamparakunata jap'ichispaqa, candeleroj ñawpaqenta k'anchananpaj jina churanki, nispa.

1 Timoteo 1:18

Timoteo wawáy, kayta ruwanaykita kamachiyki, imaynatachus ñawpajta qanmanta sut'incharqanku, chayman jina, ajinamanta sumaj soldado jina sumajta maqanakunaykipaj:

1 Timoteo 3:15

Ajinamanta sichus kaypi qhepakullasajraj chayqa, yachanki imaynatachus Diospa ayllun ukhupi purinayki kasqanta. Chay aylloqa kawsashaj Diospa Iglesian, mayqenchus cheqa kajta waqaychan, sinch'itataj sayachin, chay.

1 Timoteo 5:21

Noqaqa Diospa ñawpaqenpi, Tukuyta Kamachej Jesucristoj ñawpaqenpipis, chantá ajllasqa angelkunaj ñawpaqenpiwan ima kamachiyki kay kamachisqata junt'anaykita ama pitapis qhawaraspa, nitaj pimanpis uyata orqhospa.

1 Timoteo 6:20

Timoteóy, allinta waqaychay, imatachus Dios qosorqa, chayta. Qhesachay Diosman mana kutirikojkunaj qhasi manakaj thawtisqankuta, churanakuyta ima, mayqenmantachus wakinkuna pantaspa, yuyanku cheqa yachay kasqanta, chaykunata.