Números 18:30 - DIOSPA QHELQACHISQ

³⁰ Jinallataj ninki: Maypachachus sumajnin kajta Tata Diospaj t'aqaspa qonkichej chayqa, trigomanta, chayrí vinomantapis puchojqa qankunapaj kanqa.

Qheshwa Biblia DC

³⁰ Ujtawan nillaytaj: Qankunapis sumajnin kajmanta Señorman qonkichej, imaynatachus israelitaspis trigomanta, vinomantapis qonku ajinata.

DIOSPA QHELQACHISQAN DEUTEROCANONICAL

³⁰ Jinallataj ninki: Maypachachus sumajnin kajta Tata Diospaj t'aqaspa qonkichej chayqa, trigomanta, chayrí vinomantapis puchojqa qankunapaj kanqa.

Números 18:30 ပူးပေါင်းရင်းမြစ်များ

Génesis 43:11

Chaymanta tatanku Jacob nerqa: Imanasuntaj. Jina kanan kajtenqa, kayta ruwaychej: Kaypi sumajnin kajmanta costalman churaspa, chay runaman jaywarinaykichejpaj apaychej: Uj chhika balsamota, uj chhika abeja misk'ita, sumaj q'apashaj jawinata, mirrata, nuezta, chantá almendrata ima.

Génesis 50:10

Jordán mayoj chimpanpi Atadpa eranman chayaspataj, Jacobmanta maytapuni waqarikorqanku. Chaypi Joseqa tatanmanta llakikusqanrayku qanchis p'unchayta qhashqa p'achata churakuspa karqa.

Éxodo 29:27

Aaronwan, churinkunawan ima Tata Diospaj t'aqasqa kanankupaj, corderoj qhasqonta, piernantawan ima ikhasqa jaywawasqaykita t'aqanki. Chaykunataj Aaronpaj, churinkunapajwan kanqa.

Malaquías 1:8

Onqosqa uywata, ñawsa kajta, chakin p'akisqa uywakunata ima apamuwasqaykichejqa allillanchu? Riychej ari, qankunata kamachejkunaman chay onqosqa uywakunata jaywamuychej. Chantá yachankichej paykuna chay jaywasqaykichej uywakunata kusisqachus jap'ikonqanku manachus, chayta.

Números 18:29

Tukuy jap'isqaykichejmanta sumajnin kajta t'aqaspa, noqaman qollawankichejtaj, nispa.

Números 18:31

Chaytaqa qankuna, chantá aylluykichej ima mayllapipis mikhuyta atinkichej, imaraykuchus chaymin Dioswan Tinkukuna Toldopi imachus ruwanata ruwasqaykichejmanta pagoykichejqa.

San Mateo 6:33

Aswanpis qankunaqa Dios kuraj kamachejniykichej kananta tukuy sonqo munaychej, chayman jina cheqan kawsaytapis ñawpajta mask'aychej, jinapitaj Diosqa chay waj imakunata yapata jina qosonqachej.

Deuteronomio 6:5

Tata Diosniykita tukuy sonqoykiwan, tukuy almaykiwan, tukuy kallpaykiwan ima munakunki.