Números 18:11 - DIOSPA QHELQACHISQ

¹¹ Chantá noqa qanman, jinataj qanllawanraj tiyakoj churiykikunaman, ususiykikunamanwan ima qollaykitaj, israelitakuna sumajnin kajta t'aqaspa qowasqankumanta. Kay kamachisqaqa wiñaypaj kanqa. Pillapis wasi aylluykipi llimphupaj qhawasqa kajqa chaykunamanta mikhuyta atillanqa.

Qheshwa Biblia DC

¹¹ Chanta qollasqaykitaj, qanwan tiyakoj qhari wawasniykiman warmi wawasniykimanwan, israelitas sumajnin kaj ofrendata qowasqankumanta. Kay imasta ruwanapaj leyqa wiñaypaj kanqa. Pillapis wasiykipi llimphuchasqa kajqa, chay imasta atillanqapuni mikhuyta.

DIOSPA QHELQACHISQAN DEUTEROCANONICAL

¹¹ Chantá noqa qanman, jinataj qanllawanraj tiyakoj churiykikunaman, ususiykikunamanwan ima qollaykitaj, israelitakuna sumajnin kajta t'aqaspa qowasqankumanta. Kay kamachisqaqa wiñaypaj kanqa. Pillapis wasi aylluykipi llimphupaj qhawasqa kajqa chaykunamanta mikhuyta atillanqa.

Números 18:11 ပူးပေါင်းရင်းမြစ်များ

Levítico 10:14

Tata Diosman ikhaspa jaywasqamanta uywaj qhasqonta, chantá qankunapaj t'aqasqa piernatawan Diospaj T'aqasqa Cheqapi mikhunkichej. Chayqa qanpaj, churiykikunapaj, ususiykikunapaj ima qosqa kashan israelitakuna k'achata kawsakuy jaywanata Diosman apamusqankumanta.

Levítico 7:14

Tukuy jaywanamanta wakinta Tata Diosman jaywanqa. Chantá chay jaywasqaqa sacerdotepaj kanqa, pichus k'achata kawsakuy jaywanamanta uywaj yawarninta altarpi ch'ajchojpaj.

Números 18:1

Tata Dios Aaronwan parlaspa, nillarqataj: Dioswan Tinkukuna Toldoj contranta israelitakuna juchallinkuman chayqa, qan, churiykikuna, chantá Leví jatun ayllumanta kajkunapiwan ima juchayoj kankichej. Sichus qanwan, churiykikunawan ima sacerdote kashaspa, juchalliwajchej chayqa, qankuna kikiykichej juchayoj kankichej.

Números 18:10

Diospaj t'aqasqa jaywanamantaqa qharikunalla mikhunkichej. Chaytataj Diospaj T'aqasqa Cheqapi mikhunkichej, Diosllapaj t'aqasqa kasqanrayku.

Números 18:19

Israelitakuna t'aqaspa tukuy jaywawasqankuta qanman qopuyki, jinataj churiykiman, ususiykiman ima. Kay kamachisqayqa wiñaypaj churasqa kanqa. Kachipi ruwasqa tratoqa qanpaj, jinataj churiykikunapaj ñawpaqeypi wiñaypaj ruwasqa kashan, nispa.

Números 18:8

Tata Dios Aaronwan parlaspa, nillarqataj: Qanta churayki israelitakuna apamuwasqanku jaywanata qhawanaykipaj. Qanwan, churiykikunawan ima sacerdote kanaykichejpaj ajllasqa kankichej. Chayrayku israelitakuna t'aqaspa noqaman jaywawasqankumanta qanman, churiykikunamanwan ima qoykichej. Kay kamachisqaqa wiñaypaj kanqa.

Deuteronomio 18:3

Israelitakuna Tata Diosman jaywanapaj torota, ovejata ima apamusqankumanta kaykuna sacerdotekunapaj kanqa: Wasa aychan, k'akin, wijsanin ima.