Números 18:10 - DIOSPA QHELQACHISQ

¹⁰ Diospaj t'aqasqa jaywanamantaqa qharikunalla mikhunkichej. Chaytataj Diospaj T'aqasqa Cheqapi mikhunkichej, Diosllapaj t'aqasqa kasqanrayku.

Qheshwa Biblia DC

¹⁰ Chay ofrendasmantaqa qampaj ajllasqa kasqanrayku tukuynin qharis qankunamanta kajkuna mikhonqanku. Chaytataj mikhunkichej Diospa tiyakunampi, chay mikhunas Señorpaj t'aqasqas kasqanrayku.

DIOSPA QHELQACHISQAN DEUTEROCANONICAL

¹⁰ Diospaj t'aqasqa jaywanamantaqa qharikunalla mikhunkichej. Chaytataj Diospaj T'aqasqa Cheqapi mikhunkichej, Diosllapaj t'aqasqa kasqanrayku.

Números 18:10 ပူးပေါင်းရင်းမြစ်များ

Ezequiel 42:13

Chantá chay runa niwarqa: Wichaynejpi cuartokuna, jinallataj uraynejpi cuartokunapis, mayqenkunachus patiopi kashanku, chaykuna Diospaj t'aqasqa kanku. Chaypi Tata Diospaj t'aqasqa sacerdotekuna mikhunku Tata Diosman jaywasqa kaj imakunata. Paykunaqa chayllamantaj Diosman jaywasqa imakunata churanku, uywa ñak'asqata, jucharayku jaywasqata ima, chay cheqaqa Diospaj t'aqasqamin kasqanrayku.

Levítico 10:13

Chaytaqa Diospaj T'aqasqa Cheqapi mikhunkichej, imaraykuchus chayqa Tata Diosman jaywanamanta qanman, jinataj churiykikunaman qosqamin. Ajinata Tata Dios kamachiwarqa.

Levítico 10:17

Imaraykutaj jucha pampachasqa kananpaj jaywanamanta Diospaj T'aqasqa Cheqapi mana mikhorqankichejchuri? Chayqa Tata Diospaj t'aqasqamin karqa. Chayta Tata Dios qankunaman qosorqachej, qankuna israelitakunaj juchankuta apanaykichejpaj, chantá paykunaj juchanku Tata Diosnejta pampachasqa kananpaj.

Levítico 14:13

Jinaspataj, sacerdoteqa chay corderota ñak'anqa, maynejpichus jucha pampachasqa kananpaj, chayrí q'olachispa Tata Diosman jaywanapaj uywata ñak'anku, chaypi. Jucha pampachasqa kananpaj Diosman jaywasqa, jinataj jucharayku Diosman jaywasqaqa sacerdotepaj kanqa, chay jaywasqa Tata Diospaj t'aqasqa kasqanrayku.

Levítico 21:22

Tata Diosman jaywana t'antata, jinataj Diospaj t'aqasqa imakunamantapis mikhuyta atillanqa.

Levítico 6:16

16 (9) Ch'aki mikhuy jaywanamanta puchojtataj Aaronwan, churinkunawan ima mikhonqanku, Dioswan Tinkukuna Toldoj pationpi, Diospaj T'aqasqa Cheqapi.

Levítico 6:18

18 (11) Qhepanejman, wiñaypaj Aaronpa mirayninmanta tukuy qhareqa q'olachispa Tata Diosman jaywanamanta mikhuyta atenqanku. Kayqa wiñaypaj kamachisqay kanqa. Tukuy imachus Diosman jaywanaman chayajqa Tata Diospaj t'aqasqa kanqa, nispa.

Levítico 6:26

26 (19) Jucha pampachasqa kananpaj jaywaj sacerdoteqa mikhonqa chay jaywanamanta Dioswan Tinkukuna Toldoj pationpi. Chay cheqaqa Diospaj t'aqasqamin.

Levítico 6:29

29 (22) Diosman jaywasqa aychataqa sacerdotekunalla mikhuyta atenqanku, imaraykuchus chay aychaqa Tata Diospaj t'aqasqamin.

Levítico 7:6

Chantá jucharayku jaywasqa uywamantaqa Diospaj T'aqasqa Cheqapi tukuy sacerdotekuna mikhuyta atenqanku, imaraykuchus chayqa Diospaj t'aqasqamin.

Números 18:11

Chantá noqa qanman, jinataj qanllawanraj tiyakoj churiykikunaman, ususiykikunamanwan ima qollaykitaj, israelitakuna sumajnin kajta t'aqaspa qowasqankumanta. Kay kamachisqaqa wiñaypaj kanqa. Pillapis wasi aylluykipi llimphupaj qhawasqa kajqa chaykunamanta mikhuyta atillanqa.

Números 18:9

Noqapaj t'aqaspa jaywawasqankumanta, mana q'olachispa jaywanamanta, kaykuna qanpaj kanqa: Ch'aki mikhuy jaywana, jucha pampachasqa kananpaj jaywana, chayrí jucharayku jaywana ima. Noqapaj t'aqasqa tukuy jaywanamanta, qanpaj chantá churiykikunapaj ima kanqa.