Números 16:28 - DIOSPA QHELQACHISQ

²⁸ Chantá Moisés israelitakunata nerqa: Kay jinamanta yachankichej, kay imakunata ruwanaypaj Tata Dios noqata kachamuwasqanta. Noqaqa mana sapallaymantachu imatapis ruwarqani.

Qheshwa Biblia DC

²⁸ Moisesqa nillarqapuni: Kunanqa kay imaspi qankunaqa yachankichej noqata Señor kachamuwasqanta, mana imatapis sapallaymanta ruwasqayta.

DIOSPA QHELQACHISQAN DEUTEROCANONICAL

²⁸ Chantá Moisés israelitakunata nerqa: Kay jinamanta yachankichej, kay imakunata ruwanaypaj Tata Dios noqata kachamuwasqanta. Noqaqa mana sapallaymantachu imatapis ruwarqani.

Números 16:28 ပူးပေါင်းရင်းမြစ်များ

1 Reyes 18:36

Chantá q'olachispa jaywana phani chayamojtenqa, Diosmanta sut'inchaj Eliasqa altarman chimpaykuspa, nerqa: Abrahampata, Isaacpata, Israelpatawan Tata Diosnin, kunan yachachunku qan israelitakunaj Tata Diosnin kasqaykita, noqataj kamachiyki kasqayta, qanpa kamachisqaykirayku tukuy imata ruwasqayta ima.

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Éxodo 4:12

Chayrayku Egiptoman riy. Parlashajtiyki, noqamin qanwan kasaj, jinataj noqa yachachisqayki imatachus parlanaykita, nispa.

Éxodo 4:15

Egiptopiña kashajtiykichej qan payman parlaspa, imatachus ninanta sumajta yachachinki. Noqataj paywan kasaj, jinallataj qanwanpis. Chantá imatachus ruwanaykichejta noqallataj yachachisqaykichej.

Éxodo 7:9

Sichus faraón nisonqachej: T'ukunapaj jina imallatapis ruwaychej ari, nispa chayqa, Aaronta ninki: Varaykita jap'ispa, faraonpa rikunanta pampaman choqay, katariman tukunanpaj, nispa.

Jeremías 23:16

Tukuy Atiyniyoj Tata Dios nillantaj: Israelitakuna, ama kasuychejchu sut'inchajkunaj nisqankuta. Paykunaqa llullakuspalla, yuyasqankuman jinalla thawtinku. Imatachus nisqankuta mana noqachu nerqani.

Ezequiel 13:17

Tata Dios nillawarqapuni: Kunanqa runaj churin, Israelpi kaj warmikunaj contrankuta parlay, pikunachus noqaj sutiypi yuyasqankuman jinalla sut'inchanku, chaykunata.

Zacarías 2:9

9 (13) Chayrayku noqa kikiy contrankuta maqanakusaj, jinataj wata runallankutaj paykunata ch'uskiranqanku. Ajinamanta yachankichej Tukuy Atiyniyoj Tata Dios noqata kachamuwasqanta.

Zacarías 4:9

Zorobabel Temploj cimienton rumikunata churarqa, kunantaj payllataj ruwayta tukonqa, nispa. Jinamanta yachankichej noqa Tukuy Atiyniyoj Tata Dios kachamuwasqanta.

Números 24:13

Balac kamachinan wasi junt'atapis qorita, qolqeta qowachun, manapuni noqaqa Tata Diospa kamachiwasqanta p'akisajchu. Chayrayku noqaqa mana atinichu allin kajta, nitaj mana allin kajtapis noqallamanta ruwayta. Noqaqa Tata Dios imatachá kamachiwanqa, chayllata ruwasaj, nispa.

San Juan 11:42

Noqa yachani qanqa uyariwasqaykitapuni. Chaywanpis kaypi kashaj runakunaj allinninkurayku jatunmanta parlaspa kayta nishani, qan kachamuwasqaykita jap'ikunankupaj, nispa.

San Juan 14:11

Creewaychej noqaqa Tata Dioswan ujlla kasqayta, Tata Diostaj noqawan ujlla kasqanta. Manachayrí, ruwasqayta rikuspalla, noqapi atinikuychej.

San Juan 5:30

Jesús judiokunaj kurajninkukunata nillarqataj: Mana imatapis noqallamantachu ruwani. Noqaqa Tataypa niwasqanman jina pitapis juzgani, juzgasqaytaj cheqanpuni, imaraykuchus mana munasqallaytachu ruwayta mask'ani, manachayqa kachamuwaj Tataypa munaynillanta.

San Juan 5:36

Noqaj ruwasqayrí Juanpa willasqanmanta astawanraj noqa pichus kasqaymanta sut'inchan. Noqaqa Tata Dios imatachus kamachiwasqanta ruwani, chay ruwasqaytaj Tata Dios kachamuwasqanmanta sut'ita yachayta qon.

San Juan 6:38

Noqa mana munasqayta ruwanaypajchu janaj pachamanta urayk'amorqani, astawanqa Kachamuwajniypa munasqanta ruwanaypaj.

Deuteronomio 18:22

Sichus Tata Diospa sutinpi chay sut'inchajpa nisqan mana junt'akunchu chayqa, mana Tata Diospa nisqanchu. Chay sut'inchajqa wapuykachaspalla jinata parlarqa. Chayrayku paymanta ama manchachikunkichejchu.