Números 16:14 - DIOSPA QHELQACHISQ

¹⁴ Qanqa, maypichus lechewan, abeja misk'iwan purishan, kunankama chay jallp'aman manaraj chayachiwaykuchu. Nillataj jallp'ata, nitaj uva huertakunatapis qowaykuchu. Qanqa mana yuyayniyojkunata jina q'otiyayta munashawayku. Mana, mana jamusqaykuchu, nispa.

Qheshwa Biblia DC

¹⁴ Qanqa ni mayman pusawaykuchu, maypichus lechewan misk'iwan corrishan chayman, ni jallp'asta, nitaj uvas chajrasta qowaykuchu. Qanqa tukuyniyku ciegos jina pusachikunallaykutachu munanki? Chayqa mana jinachu kanqa. Mana risqaykuchu uyaykita qhawaj, nispa.

DIOSPA QHELQACHISQAN DEUTEROCANONICAL

¹⁴ Qanqa, maypichus lechewan, abeja misk'iwan purishan, kunankama chay jallp'aman manaraj chayachiwaykuchu. Nillataj jallp'ata, nitaj uva huertakunatapis qowaykuchu. Qanqa mana yuyayniyojkunata jina q'otiyayta munashawayku. Mana, mana jamusqaykuchu, nispa.

Números 16:14 ပူးပေါင်းရင်းမြစ်များ

Éxodo 22:5

5 (4) Sichus pipis qallpapi, chayrí uva huertapi uywanta michinanpaj kacharinman chayqa, uywankunataj wajpa pastonpi chayrí uva huertanpi dañukamunkuman chayqa, uywayoj chajranmanta, chayrí uva huertanmanta aswan sumaj kajwan kutichipunan tiyan.

Éxodo 23:10

Sojta watata jallp'aykipi tarpunki, poqosqantapis oqharinki.

Éxodo 23:11

Qanchis kaj watapitaj jallp'aykita samarichinki, ama tarpunkichu. Sichus payllamanta p'utuspa poqonman chayqa, wajcha runa mikhunanpaj kanqa, puchojtaj uywakuna mikhunankupaj kanqa. Ajinallatataj uva huertaykiwan, olivo sach'aykiwan ima ruwanki.

Éxodo 3:17

Chayrayku noqa Egiptopi sinch'ita ñak'arinaykichejmanta qankunata kacharichisqaykichej. Pusasqaykichejtaj lechewan, abeja misk'iwan yaku jina purishan, chay sumaj jallp'aman, maypichus kunan cananeokuna, jeteokuna, amorreokuna, ferezeokuna, heveokuna, jebuseokuna ima tiyakushanku, chayman.

Éxodo 3:8

Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Levítico 20:24

Noqa niykichej, chay llajtayojkunaj jallp'ankuta jap'ikapunaykichejta. Noqataj maypichus lechewan, abeja misk'iwan yaku jina purishan, chay jallp'ata qankunajta kananpaj qosqaykichej. Noqa Tata Diosmin qankunaj Diosniykichej kani, pichus waj suyukuna ukhumanta qankunata t'aqarqaykichej, chay.

Números 13:27

Chaymantataj Moisesta nerqanku: Noqaykoqa maymanchus kachawasqayku jallp'aman chayarqayku. Chay jallp'apeqa cheqapuni lechewan, abeja misk'iwan ima yaku jina purishan. Rikuychej, má. Kay jinata chay jallp'api poqoj kasqa.

Números 14:8

Tata Dioschus allinpaj qhawariwasun chayqa, chay jallp'aman pusawasun, qowasuntaj. Chay jallp'apeqa lechewan, abeja misk'iwan yaku jina purishan, chayrayku manchay sumaj jallp'a kashan.

Números 20:5

Imapajtaj kay jina millayman pusamunawaykupaj Egiptomanta orqhomuwarqaykuri? Kaypeqa mana imatapis tarpuyta atiykuchu. Mana kanchu higo sach'a, uva sach'a, nitaj granadapis. Ni yakullapis ujyanapaj kanchu, nispa.

Jueces 16:21

Chaypacha filisteokunaqa Sansonta jap'ispa, ñawinkunata orqhorparerqanku, Gaza llajtamantaj aparqanku. Chaypi broncemanta cadenawan wataykuspa, carcelpi jak'uchina molinota muyuchicherqanku.

1 Samuel 11:2

Chantá Amón suyumanta Najás kuticherqa: Ya, qankunawan uj tratota ruwasaj. Chaywanpis tratota ruwanaypajqa sapa ujmanta paña kaj ñawiykichejtaraj orqhosaj, jinamanta Israel suyuta p'enqaypi rikhurichinaypaj, nispa.