Números 15:3 - DIOSPA QHELQACHISQ

³ Tata Diosman ima munayta q'apashaj jaywanata jaywankichej. Chay jaywanakunaqa kaykuna kayta atinman: Uywa ñak'asqata q'olachispa jaywana, nisqaykichejta junt'aspa jaywana, chayrí sonqomanta munaspa jaywana, chayrí jatuchaj raymikunapi jaywana ima. Chay jaywanakunata jaywanaykichejpaj wakaykichejmanta, ovejaykichejmanta chayrí cabraykichejmanta jap'ispa apamunkichej.

DIOSPA QHELQACHISQAN DEUTEROCANONICAL

³ Tata Diosman ima munayta q'apashaj jaywanata jaywankichej. Chay jaywanakunaqa kaykuna kayta atinman: Uywa ñak'asqata q'olachispa jaywana, nisqaykichejta junt'aspa jaywana, chayrí sonqomanta munaspa jaywana, chayrí jatuchaj raymikunapi jaywana ima. Chay jaywanakunata jaywanaykichejpaj wakaykichejmanta, ovejaykichejmanta chayrí cabraykichejmanta jap'ispa apamunkichej.

Números 15:3 ပူးပေါင်းရင်းမြစ်များ

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Esdras 7:17

Chay qolqewantaj rantinki torillokunata, carnerokunata, corderokunata, trigota, vinotawan ima, Jerusalenpi Diosniykichejpa altarninpi jaywanaykichejpaj.

Salmos 54:6

6 (8) Noqarí tukuy sonqo qanman uywa ñak'asqa q'olachinata jaywasqayki, sutiykitataj yupaychasaj, Tata Dios, imajtinchus qanta yupaychanaqa manchay sumajmin.

Éxodo 29:18

Jinaytawantaj, tukuy corderota altar patapi ruphachinki. Chayta q'olachispa, Tata Diosman jaywanki, sumajta q'aparisqantaj Tata Diospa sonqonman chayanqa.

Éxodo 29:25

Chantataj makinkumanta chay t'antakunata jap'ispa, q'olachinapaj aychatawan khuska altar patapi ruphachinki, noqapaj ima munayta q'aparishaj jaywana kananpaj. Chayqa noqapaj q'olachisqa jaywana kanqa.

Éxodo 29:41

Chay ujnin kaj corderotataj inti yaykuykuyta jaywanki, imaynatachus tutamanta jak'utawan, vinotawan ima jaywarqanki, ajinallatataj. Chayqa ima munayta q'apashaj Tata Diospa sonqonman chayaj kanqa.

Levítico 10:13

Chaytaqa Diospaj T'aqasqa Cheqapi mikhunkichej, imaraykuchus chayqa Tata Diosman jaywanamanta qanman, jinataj churiykikunaman qosqamin. Ajinata Tata Dios kamachiwarqa.

Levítico 27:2

Israelitakunata kay jinata niy: Sichus pillapis Tata Diosman imatachus nisqanta junt'ayta munan chayqa, uj runaj precion mashkhachus kasqanman jina pagaspa, orqhokaponqa.

Levítico 7:16

Sichus pipis, imata nisqanta junt'aspa, uj uywata apamunman chayqa, chayrí sonqonmanta munaspa apamunman chayqa, Diosman jaywanqa. Chantá chay kikin p'unchaypacha jaywasqa uywaj aychanta mikhunanku tiyan. Chaymanta puchojtataj q'ayantinpis mikhuyta atillanqanku.

Números 28:27

Jinallataj chay p'unchay, ima munayta q'apashaj jaywanata q'olachispa Tata Diosman jaywankichej, iskay torillota, uj carnerota, uj watayoj qanchis corderotawan ima.

Números 29:8

Ima munayta q'apashaj q'olachispa jaywanata Tata Diosman jaywankichej mana iman imanasqa uj torillota, uj carnerota, uj watayoj qanchis corderokunatawan ima.

Números 6:15

Chantá sumaj jak'umanta aceitewan puñasqa mana levadurayoj ruwasqa t'antata jaywanqa. Jinallataj aceitewan jawisqa mana levadurayoj ruwasqa t'antata uj canastitapi jaywallanqataj. Chaywan khuska ch'akiy mikhuy jaywanata vinotawan khuska jaywallanqataj.

San Mateo 3:17

Jinallapitaj janaj pachamanta Dios nimorqa: Qanmin munasqa Churiy kanki, qanwantaj sonqo junt'asqa kani, nispa.

2 Corintios 2:15

Noqaykoj kawsayniykoqa inciensoj q'apaynin jina, mayqentachus Cristoqa Tata Diosman jaywan, chay jina. Chay q'apaytaj junt'arin qhespichisqa kajkuna ukhupi, chinkayman rejkuna ukhupipis.

2 Corintios 2:16

Chinkayman rejkunapajqa chay q'apayqa wañuypa q'apaynin jina. Jesucristopi atinikojkunapajrí chay q'apayqa kawsaypa ima munay q'apaynin jina. Jina kajtenqa, pitaj chay ruwanata junt'ananpaj jina kanmanri?

Efesios 5:2

Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

Deuteronomio 12:11

May cheqatachus Tata Dios sutin yupaychasqa kananpaj ajllakonqa chayman, kamachisusqayman jina tukuy imata Tata Diosman jaywanaykichejpaj apankichej: Q'olachisqa jaywanapaj uywakunata, sapa chunkamanta ujta jaywanata, ikhaspa jaywanata, Tata Diosman nisqaykichejta junt'anaykichejpaj sumajnin kaj jaywanata ima.

Deuteronomio 12:17

Trigoykichejmanta, vinoykichejmanta, chantá aceiteykichejmanta ima sapa chunkamanta ujta Diosman qosqaykichejmanta ama llajtaykichejpi mikhunkichejchu. Jinallataj wakaykichejmanta, ovejaykichejmanta phiwi uñantapis, Tata Diosman qonaykichejta nisqaykichejmanta, chantá munaspalla ofrendata qonkichej, chaykunatapis nillataj llajtaykichejpi mikhuyta atinkichejchu.

Deuteronomio 12:6

Qankuna chay cheqallapi uywa ñak'asqata jaywaspa Diosman q'olachinkichej, chantá jaywanatapis payman jaywallankichejtaj. Apallankichejtaj chunkamanta ujta payman qonaykichejpaj, ofrendakunata, nisqaykichejta junt'aspa jaywanata, sonqomanta qoyta munaspa ofrendata, chantá wakaykichejmanta, ovejaykichejmanta phiwi uñankuta ima.

Filipenses 4:18

Kaykama tukuy imachus pisiwasqanqa tiyapuwanña, chaymantapis astawanraj. Ashkhaña tiyapuwan, imaraykuchus Epafroditowan apachimuwasqaykichejta jap'iniña. Chay apachimuwasqaykichejqa ima munay q'apashaj jaywana jina, chaytaj Diosnejta allinpaj qhawasqa, sonqonpa munasqanman jinataj.