Números 14:9 - DIOSPA QHELQACHISQ

⁹ Jinaqa ama Tata Diospa contranta oqharikuychejchu, amataj chay llajtayojkunamanta manchachikuychejchu. Paykunataqa manaraj imapi atipasun. Paykunamanta jark'akojqa mana pipis kanchu. Noqanchejwanrí Tata Dios kashan. Chaynejta ama manchachikuychejchu, nispa.

Qheshwa Biblia DC

⁹ Chayrayku ama Señorpa contranta oqharikuychejchu, amataj manchachikuychejchu chay jallp'api kaj runasmanta. Paykunataqa t'antatapis mikhushasunman jina atipasun. Paykunamanta jark'akojqa mana pipis kanchu, noqanchejwanri Señor kashan. Chayrayku ama manchachikuychejchu.

DIOSPA QHELQACHISQAN DEUTEROCANONICAL

⁹ Jinaqa ama Tata Diospa contranta oqharikuychejchu, amataj chay llajtayojkunamanta manchachikuychejchu. Paykunataqa manaraj imapi atipasun. Paykunamanta jark'akojqa mana pipis kanchu. Noqanchejwanrí Tata Dios kashan. Chaynejta ama manchachikuychejchu, nispa.

Números 14:9 ပူးပေါင်းရင်းမြစ်များ

Génesis 48:21

Chaymantataj Joseta nerqa: Noqaqa wañupusajña, chaywanpis Diosmin qankunawan kanqa. Aswan qhepamantaj payllataj ñawpa tataykichejpa Canaán jallp'aman kutichisonqachej.

2 Crónicas 13:12

Kayta yuyarikuychej: Diosqa kamachejniyku jina noqaykuwan kashan. Sacerdotekunataj wakisqaña kashanku maqanakuman rispa cornetata waqachinankupaj. Chayrayku qankuna, Israel ayllumanta kajkuna, ama ñawpa tataykichejkunaj Tata Diosninpa contranpi maqanakuychejchu, imaraykuchus paytaqa mana atipawajchejchu, nispa.

2 Crónicas 15:2

Paytaj Asata taripaj rispa, nerqa: Kuraj kamachej Asa jinataj tukuy Judamanta, Benjaminmanta kajkunapis, uyariwaychej: Sichus qankuna Tata Diospi atinikunkichej chayqa, payqa qankunawanpuni kanqa. Payta mask'ankichej chaypis tarinkichejpuni. Saqenkichejtajchus chayrí, paypis saqerparillasonqachejtaj.

2 Crónicas 20:17

Manamin qankunachu maqanakunkichej. Chaynejpi mana kuyurispa sayaychej, rikunkichejtaj imaynatachus Tata Dios qankunata yanapasonqachej, chayta. Jerusalenpi, jinataj Judapi tiyakojkuna, ama manchachikuychejchu, nitaj kharkatitiychejchu. Q'ayapacha rispa, contrankupi sayaykuychej, imaraykuchus Tata Dios qankunawan kanqa, nispa.

2 Crónicas 32:8

Asiriamanta kuraj kamachejqa runaj kallpallanpi atinikushan. Noqanchejwantajrí Tata Dios kashan, paytaj noqanchejrayku maqanakonqa, nispa. Judata kuraj kamachej Ezequiaspa parlasqanta uyarispataj, soldadokunaqa mayta kallpachakorqanku.

Nehemías 4:14

Jinapis mancharikusqankuta reparaspa, kurajkunata, kamachejkunata, tukuy runata ima tantaykorqani. Chantá paykunata nerqani: Ama chay awqanchejkunata manchachikuychejchu. Yuyarikuychej Tukuyta Kamachej Diosninchejqa may jatun, manchachikunataj kasqanta. Maqanakuychej ari llajta masiykichejrayku, wawaykichejrayku, ususiykichejrayku, warmiykichejrayku, wasiykichejrayku ima, nispa.

Salmos 106:24

Chantá israelitakuna moq'ena jallp'ata pisipaj qhawarqanku, manataj Diospa nisqanta jap'ikorqankuchu.

Salmos 121:5

Tata Diosmin qanmanta qhawarisojqa, waqaychasojtaj. Paymin qanwan kashan yanapasunanpaj.

Salmos 14:4

Millayta ruwajkuna mana yuyayniyojchu kanku. Paykunaqa aylluyta t'antata jina mikhukapunku. Tata Diospa sutintapis mana oqharillankupischu.

Salmos 46:11

11 (12) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Salmos 46:7

7 (8) Tukuy Atiyniyoj Tata Dios noqanchejwan kashan. Jacobpa Diosnenqa pakakunanchej.

Salmos 46:8

8 (9) Jamuychej, Tata Diospa t'ukuna ruwasqanta qhawaychej, imaraykuchus payqa kay pachata ch'inman tukuchin.

Salmos 74:14

Leviatán jatun sierpej umankunata ñat'orqanki, aychantataj ch'innejpi k'ita animalkunaman qaraykorqanki.

Salmos 91:1

Patapi Kaj Diospa waqaychayninpi kawsakojqa Tukuy Atiyniyoj Diospa llanthuykusqan kawsakonqa.

Éxodo 14:13

Moisestajrí israelitakunata nerqa: Ama manchariychejchu, pachanpi sayaychej, rikunkichejtaj Tata Dios qankunata kacharichisunaykichejpaj imatachus ruwananta. Kunallantawanña Egipto llajtayojkunaj uyankuta rikunkichej. Kaymanta qhepamanrí niña jayk'ajpis paykunata rikunkichejñachu.

Éxodo 33:16

Qan noqaykuwan mana riwajchu chayqa, noqa, jinataj aylluyki Israel imaynapitaj yachasqayku qan khuyarikuwasqaykutari? Noqaykuwan rejtiykeqa, sut'ita yachakonqa noqa, jinataj aylluyki kay pachapi runakunamanta t'aqasqa kasqayku, nispa.

Isaías 1:2

Janaj, kay pacha ima, Tata Diospa nisqanta uyariychej: Wawakunata uywarqani jatun kanankukama, paykunatajrí contraypi oqharikunku.

Isaías 32:2

Chaypacha paykunaqa sapa runapaj wayramanta pakakunapaj jina kanqanku, llojlla para wayramanta pakakunapaj jinataj. Ch'aki jallp'api qarpanapaj larq'a jina kanqanku, jinallataj ch'in pampapi jatun chhankaj llanthun jina.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Isaías 41:14

Jacob ayllu, khuritu jinalla kanki, qanqa Israel pisi runakunayoj kanki. Chaywanpis ama manchachikuychu, imaraykuchus noqamin yanapasqayki. Noqa Tata Dios pagowan kacharichisoj Dios kani, Israelpa May Llimphu Kaj Diosnintaj.

Isaías 63:10

Chaywanpis paykuna mana kasukuspa, May Llimphu Espiritunta phiñacherqanku. Chayrayku Diosmin paykunaj awqankuman tukuspa, contrankuta maqanakorqa.

Jeremías 1:19

Paykunaqa qanwan maqanakonqanku, jinapis mana atipasonqankuchu, imaraykuchus noqa yanapasunaypaj qanwan kasaj, nispa. Noqa Tata Diosmin chayta nini.

Jeremías 42:11

Babiloniata kuraj kamachejtarí amaña manchachikuychejchu, pitachus mayta manchachikunkichej, chayta. Ama payta manchachikuychejchu, imaraykuchus noqa qankunawan kashani waqaychasunaykichejpaj, atiyninmantataj qankunata kacharichinaypaj. Noqa Tata Diosmin chayta nini.

Jeremías 48:45

Kallpanku llawch'iyasqa ayqekojkunaqa Jesbón llajtapi pakakuyta mask'anqanku. Jinallapi Jesbonmanta kuraj kamachej Sijonpa llajtanmanta nina llojsimonqa. Chayqa Moabmanta ayqejkunata ruphaykonqa, chay ch'ajwa mask'aj runakunata.

Daniel (hebreo) 9:5

Noqaykurí juchallerqayku, millayta ruwarqayku, qanta mana kasuspataj kawsarqayku. Jinallataj kamachisqaykimanta, imatachus ruwanaykuta nisqaykimantawan karunchakorqayku.

Daniel (hebreo) 9:9

Chaywanpis qan, Tukuyta Kamachej Diosniyku, may khuyakuyniyoj kanki, contraykipi oqharikushajtiykupis juchaykuta pampachanki.

Números 13:30

Chantá israelitakuna thutuyta qallarerqanku, Calebtaj Moisespa ñawpaqenpi kashaj runata ch'inyachispa, nerqa: Rispa, chay jallp'ata jap'imunachej. Noqanchejqa paykunata atipasunchej, nispa.

Números 17:6

6 (21) Chantá Moisesqa chayta israelitakunaman willarqa. Jinataj sapa jatun ayllumanta kurajkuna uj varatakama apamorqanku. Chay varakunawan khuska Aaronpatapis chayllapitaj kasharqa. Tukuyninpi chunka iskayniyoj varakuna karqa.

Números 20:2

Chaypi mana yaku kasqanrayku, israelitakuna tantakuspa, Moisespa, chantá Aaronpa contranta ima oqharikorqanku.

Números 24:8

Diosqa israelitakunata Egiptomanta orqhomorqa. Diosqa paykunapaj k'ita toro jina manchay kallparara. Diosqa paywan churanakoj suyukunata mikhukaponqa. Tullunkuta p'akiran, arcowan flechaspataj paykunata t'ojsenqa.

San Mateo 1:23

Qharej mana chayasqan uj sipas wijsallikonqa, uj qhari wawatataj paqarichikonqa. Chay wawata Emanuel sutiwan sutichanqanku. Chay suti niyta munan: Diosqa noqanchejwan, nispa.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

Deuteronomio 1:21

Tata Dios, qankunaj Diosniykichej kay jallp'ata qosunkichej. Rispa, ñawpa tataykichejkunaj Tata Diosninpa nisqanman jina, chay jallp'ata jap'imuychej. Ama manchachikuychejchu, nitaj q'ewayaychejchu, nispa.

Deuteronomio 1:26

Chay tukuywanpis qankunaqa mana riyta munarqankichejchu. Aswanpis Tata Diosniykichejpa kamachisqanta mana kasorqankichejchu.

Deuteronomio 1:29

Noqarí nerqaykichej: Ama manchariychejchu, nitaj paykunata manchachikuychejchu.

Deuteronomio 31:6

Jinaqa kallpachakuspa wapu kaychej. Chay runakunata ama manchachikuychejchu, nitaj kharkatitiychejchu, imaraykuchus Tata Diosniykichejqa qankunawan kashan. Payqa mana saqerpayasonqachejchu, nitaj wijch'urpayasonqachejchu, nispa.

Deuteronomio 31:8

Tata Dios pay kikinpuni ñawpaqeykita renqa, qanwantaj kanqa. Payqa mana saqerpayasonqachu, nitaj qonqarparisonqachu. Ama manchachikuychu, nitaj kharkatitiychu, nispa.

Deuteronomio 32:42

Flechaykunata yawarman chhapusaj, espadaytaj paykunata wañuchispa, tukuchenqa. K'irinchasqakunaj, chantá jap'isqakunaj yawarninkuwan ima chhapusaj, chujchasapa awqaykunata kamachejkunaj yawarninkuwan ima, nispa.

Deuteronomio 7:18

Qankunaqa ama paykunata manchachikuychejchu. Tata Diosniykichej faraonwan, chantá tukuy Egipto llajtayojkunawan imatachus ruwasqanta yuyarikuychej.

Deuteronomio 7:21

Chayrayku paykunata rikuspa, ama q'ewayaychejchu, imaraykuchus may jina atiyniyoj manchachikuna Tata Diosniykichejqa qankunawan kashan.

Deuteronomio 9:7

Qankunaqa yuyarikuychejpuni imaynatachus Tata Diosniykichejta ch'innejpi phiñachisqaykichejta. Qankunaqa Egiptomanta llojsimusqaykichejmantapacha kay jallp'aman chayamunaykichejkama, Tata Diospa contranta oqharikullarqankichejpuni.

Filipenses 1:27

Kayta niykichej: Qankuna allinta puriychej Cristomanta sumaj willayta allinpi rikhurichinaykichejpaj jina. Ajinapi noqa watukoj jamuspapis, chayrí karupi kashaspapis, qankuna sinch'ita sayashasqaykichejta uyariyta munani, jinallataj uj sonqolla kashasqaykichejta. Chantá uyariyta munallanitaj khuska Jesusmanta sumaj willayta mana sayk'uspa willashasqaykichejta.

Josué 1:5

Kawsanaykikamaqa, mana pipis atipasonqachu, imaraykuchus noqa qanwan kasaj, imaynatachus Moiseswan karqani, ajinata. Mana jayk'ajpis saqesqaykichu, nitaj wijch'urpasqaykichu.

Josué 14:12

Chayrayku orqorara jallp'ata qoway ari, mayqentachus Tata Dios qonawanta nerqa, chayta. Qan yachanki chaynejpi jatunkaray runa Anacpa churinkuna sumaj phatu perqawan muyuykusqa llajtakunapi tiyakusqankuta. Chaywanpis noqaqa Tata Diospa yanapawasqanwan chay runakunata wijch'usaj, Tata Diospa nisqanman jina, nispa.

Jueces 1:22

Tata Diospa yanapayninwan Joséj mirayninmanta kajkunaqa Betelta jap'ikapoj rerqanku. Chay llajtaj ñawpa sutenqa Luz nisqa karqa. Manaraj chay llajtata atipashaspa, pakayllamanta wateqajkunata chay llajtaman kachasqanku.